കക്കാന്‍ പഠിച്ചാല്‍പോര നില്‍ക്കാനും പഠിക്കണമെന്ന് പണ്ട് മുതിര്‍ന്നവര്‍ പറയുന്നത് കേട്ടിട്ടില്ലെ. അതുപോലാണ് സി.പി.എമ്മിന്റെ അവസ്ഥയും. അവര്‍ക്ക് കക്കാനുമറിയാം പിടിച്ചുനില്‍ക്കാനുമറിയാം. പണ്ട് മുതല്‍ സി.പി.എം കൊലപാതകരാഷ്ട്രീയത്തിന്റെ മര്‍മമറിഞ്ഞ് പ്രവര്‍ത്തിക്കുന്നവരാണെന്ന് നമുക്കെല്ലാമറിയാം. പാര്‍ട്ടിയിലെ പരല്‍മീനുകളെ പാര്‍ട്ടിതന്നെ നിയമത്തിനുമുന്നില്‍ എറിഞ്ഞുകൊടുത്ത് വന്‍ സ്രാവുകള്‍ തടിതപ്പുന്നതാണ് പതിവ്.
പ്രമാദമായ അരിയില്‍ അബ്ദുല്‍ ഷുക്കൂര്‍ വധക്കേസിലും ഇപ്പോഴുണ്ടാകുന്ന വഴിത്തിരിവ് ഇതിലേക്കാണ് വിരല്‍ ചൂണ്ടുന്നത്. ഷുക്കൂര്‍ വധക്കേസിലെ നിയമയുദ്ധത്തില്‍ മുസ്ലിംലീഗിനും യു.ഡി.എഫിനും പാളിച്ച പറ്റിയപ്പോള്‍ ജയിക്കുന്നത് എക്കാലത്തേയും പോലെ സി.പി.എമ്മിന്റെ കുടിലതന്ത്രമാണ്. കൊലപാതകത്തില്‍ സി.പി.എമ്മിന്റെ ഗൂഢാലോചന തെളിയിക്കാനായി പ്രോസിക്യൂഷന്‍ മുന്നോട്ടുവെച്ച സാക്ഷികളുടെ കാര്യത്തിലാണ് യു.ഡി.എഫിനും ലീഗിനും പിഴവ് പറ്റിയത്. ഈ പഴുത് ബുദ്ധിപൂര്‍വം ഉപയോഗിച്ച സി.പി.എമ്മിന് ഷുക്കൂര്‍ വധക്കേസ് കോടതി പരിഗണിക്കും മുമ്പ് തന്നെ സാക്ഷികളുടെ മൊഴി മാറ്റിയെടുക്കാന്‍ സാധിച്ചു.
അതായത് ഗോദയിലിറങ്ങും മുമ്പ് സി.പി.എം വിജയിച്ചുവെന്നര്‍ത്ഥം. ഷുക്കൂര്‍ വധക്കേസില്‍ പി .ജയരാജനെയും രാജേഷ് എം.എല്‍.എയും ഉള്‍പ്പെടുത്തിയത് ഗൂഢാലോചനയുടെ ഭാഗമാണെന്നും സംഭവത്തെക്കുറിച്ച് ഉന്നത തല അന്വേഷണം നടത്തണമെന്നും പാര്‍ട്ടിയുടെ തലതൊട്ടപ്പന്‍ പിണറായി ആവശ്യപ്പെട്ടിരുന്നു. എന്നാല്‍ പിണറായി വിജയന്‍ തന്റേടമുണ്ടെങ്കില്‍ സി.ബി.ഐ അന്വേഷണം നടത്താന്‍ തയാറുണ്ടോയെന്ന് ജില്ലാ മുസ്ലിംലീഗ് കമ്മറ്റി ഭാരവാഹികളുടെ അടിയന്തര യോഗം ആവശ്യപ്പെടുകയുണ്ടായി. സാക്ഷികളെ ഭീഷണിപ്പെടുത്തല്‍ തൊഴിലാക്കിയ സി.പി. എം തലകുത്തി മറിഞ്ഞാലും പ്രതികള്‍ക്ക് രക്ഷപ്പെടാനാവില്ല. അര്‍ഹമായ ശിക്ഷ വാങ്ങിക്കൊടുക്കാന്‍ പാര്‍ട്ടി ഏതറ്റം വരെയും പോകുമെന്നും ലീഗ് നേതാക്കള്‍ ഘോരഘോരം പ്രസംഗിച്ചു.
ഇത്തരം ബാലിശമായ വാഗ്ദാനങ്ങളും, പ്രഖ്യാപനങ്ങളും മാത്രമായി ലീഗും യു.ഡി.എഫും ചുരുങ്ങുമ്പോള്‍ ജയിക്കുന്നത് നമ്മുടെ സഖാക്കന്‍മാര്‍തന്നെ. ലീഗ് പ്രവര്‍ത്തകന്റെ വധത്തിന് പിന്നിലെ യഥാര്‍ഥ ശക്തികളെ കണ്ടെത്താനുള്ള അവസരം ബുദ്ധിമോശം കൊണ്ട് കളഞ്ഞുകുളിക്കുകയാണ് ലീഗ് നേതൃത്വം ചെയ്തത്. ഗൂഢാലോചന അറിഞ്ഞിട്ടും പോലീസിനെ അറിയിച്ചില്ലെന്ന കുറ്റത്തിന് സാക്ഷികള്‍ക്കെതിരെ കേസ് വരുമെന്ന ഘട്ടത്തിലാണ് സാക്ഷികളുടെ മൊഴിമാറ്റം. ലീഗ്കാരുടെ മൊഴിമാറ്റത്തിലൂടെ സി.പി.എം നേതാക്കള്‍ രക്ഷപ്പെടുമ്പോള്‍ കേസ് ദുര്‍ബലപ്പെടുത്തിയതിന്റെ ഉത്തരവാദിത്വത്തില്‍ നിന്ന് ഒഴിഞ്ഞുമാറാന്‍ ലീഗ്-കോണ്‍ഗ്രസ് നേതാക്കള്‍ക്ക് ഇനി സാധിക്കില്ല.
1970ല്‍ സി. എച്ച്. മുഹമ്മദ് കോയ ആഭ്യന്തരമന്ത്രിയായിരിക്കുന്ന കാലത്തും സി.പി.എം നേതാക്കള്‍ മൊഴിമാറ്റത്തിലൂടെ രക്ഷപ്പെട്ടത് ചരിത്രമാണ്. ഈ ചരിത്രം 2013ലും ആവര്‍ത്തിക്കപ്പെടുകയാണ്. സാക്ഷികള്‍ക്ക് സംരക്ഷണം നല്‍കാനും നിയമം നിയമത്തിന്റെ വഴിക്ക് നീക്കാനുമുളള ഇച്ഛാശക്തി അന്നും ഇന്നും യു.ഡി.എഫ് സര്‍ക്കാറിനില്ലെന്ന് ഷുക്കൂര്‍ വധക്കേസിലെ മൊഴി മാറ്റത്തിലൂടെ വ്യക്തമാവുകയാണ്. ഈ സാഹചര്യത്തില്‍ സി.പി.എം വീണ്ടും വിജയം വരിക്കുമ്പോള്‍ അവര്‍ ആ മുദ്രാവാക്യം ഒരിക്കല്‍കൂടി ഏറ്റുവിളിക്കും.... കാലം സാക്ഷി ചരിത്രം സാക്ഷി... രണാങ്കണത്തിലെ രക്തം സാക്ഷി...
-എം.കെ. ജോസഫ്
പ്രമാദമായ അരിയില്‍ അബ്ദുല്‍ ഷുക്കൂര്‍ വധക്കേസിലും ഇപ്പോഴുണ്ടാകുന്ന വഴിത്തിരിവ് ഇതിലേക്കാണ് വിരല്‍ ചൂണ്ടുന്നത്. ഷുക്കൂര്‍ വധക്കേസിലെ നിയമയുദ്ധത്തില്‍ മുസ്ലിംലീഗിനും യു.ഡി.എഫിനും പാളിച്ച പറ്റിയപ്പോള്‍ ജയിക്കുന്നത് എക്കാലത്തേയും പോലെ സി.പി.എമ്മിന്റെ കുടിലതന്ത്രമാണ്. കൊലപാതകത്തില്‍ സി.പി.എമ്മിന്റെ ഗൂഢാലോചന തെളിയിക്കാനായി പ്രോസിക്യൂഷന്‍ മുന്നോട്ടുവെച്ച സാക്ഷികളുടെ കാര്യത്തിലാണ് യു.ഡി.എഫിനും ലീഗിനും പിഴവ് പറ്റിയത്. ഈ പഴുത് ബുദ്ധിപൂര്‍വം ഉപയോഗിച്ച സി.പി.എമ്മിന് ഷുക്കൂര്‍ വധക്കേസ് കോടതി പരിഗണിക്കും മുമ്പ് തന്നെ സാക്ഷികളുടെ മൊഴി മാറ്റിയെടുക്കാന്‍ സാധിച്ചു.
അതായത് ഗോദയിലിറങ്ങും മുമ്പ് സി.പി.എം വിജയിച്ചുവെന്നര്‍ത്ഥം. ഷുക്കൂര്‍ വധക്കേസില്‍ പി .ജയരാജനെയും രാജേഷ് എം.എല്‍.എയും ഉള്‍പ്പെടുത്തിയത് ഗൂഢാലോചനയുടെ ഭാഗമാണെന്നും സംഭവത്തെക്കുറിച്ച് ഉന്നത തല അന്വേഷണം നടത്തണമെന്നും പാര്‍ട്ടിയുടെ തലതൊട്ടപ്പന്‍ പിണറായി ആവശ്യപ്പെട്ടിരുന്നു. എന്നാല്‍ പിണറായി വിജയന്‍ തന്റേടമുണ്ടെങ്കില്‍ സി.ബി.ഐ അന്വേഷണം നടത്താന്‍ തയാറുണ്ടോയെന്ന് ജില്ലാ മുസ്ലിംലീഗ് കമ്മറ്റി ഭാരവാഹികളുടെ അടിയന്തര യോഗം ആവശ്യപ്പെടുകയുണ്ടായി. സാക്ഷികളെ ഭീഷണിപ്പെടുത്തല്‍ തൊഴിലാക്കിയ സി.പി. എം തലകുത്തി മറിഞ്ഞാലും പ്രതികള്‍ക്ക് രക്ഷപ്പെടാനാവില്ല. അര്‍ഹമായ ശിക്ഷ വാങ്ങിക്കൊടുക്കാന്‍ പാര്‍ട്ടി ഏതറ്റം വരെയും പോകുമെന്നും ലീഗ് നേതാക്കള്‍ ഘോരഘോരം പ്രസംഗിച്ചു.
ഇത്തരം ബാലിശമായ വാഗ്ദാനങ്ങളും, പ്രഖ്യാപനങ്ങളും മാത്രമായി ലീഗും യു.ഡി.എഫും ചുരുങ്ങുമ്പോള്‍ ജയിക്കുന്നത് നമ്മുടെ സഖാക്കന്‍മാര്‍തന്നെ. ലീഗ് പ്രവര്‍ത്തകന്റെ വധത്തിന് പിന്നിലെ യഥാര്‍ഥ ശക്തികളെ കണ്ടെത്താനുള്ള അവസരം ബുദ്ധിമോശം കൊണ്ട് കളഞ്ഞുകുളിക്കുകയാണ് ലീഗ് നേതൃത്വം ചെയ്തത്. ഗൂഢാലോചന അറിഞ്ഞിട്ടും പോലീസിനെ അറിയിച്ചില്ലെന്ന കുറ്റത്തിന് സാക്ഷികള്‍ക്കെതിരെ കേസ് വരുമെന്ന ഘട്ടത്തിലാണ് സാക്ഷികളുടെ മൊഴിമാറ്റം. ലീഗ്കാരുടെ മൊഴിമാറ്റത്തിലൂടെ സി.പി.എം നേതാക്കള്‍ രക്ഷപ്പെടുമ്പോള്‍ കേസ് ദുര്‍ബലപ്പെടുത്തിയതിന്റെ ഉത്തരവാദിത്വത്തില്‍ നിന്ന് ഒഴിഞ്ഞുമാറാന്‍ ലീഗ്-കോണ്‍ഗ്രസ് നേതാക്കള്‍ക്ക് ഇനി സാധിക്കില്ല.
1970ല്‍ സി. എച്ച്. മുഹമ്മദ് കോയ ആഭ്യന്തരമന്ത്രിയായിരിക്കുന്ന കാലത്തും സി.പി.എം നേതാക്കള്‍ മൊഴിമാറ്റത്തിലൂടെ രക്ഷപ്പെട്ടത് ചരിത്രമാണ്. ഈ ചരിത്രം 2013ലും ആവര്‍ത്തിക്കപ്പെടുകയാണ്. സാക്ഷികള്‍ക്ക് സംരക്ഷണം നല്‍കാനും നിയമം നിയമത്തിന്റെ വഴിക്ക് നീക്കാനുമുളള ഇച്ഛാശക്തി അന്നും ഇന്നും യു.ഡി.എഫ് സര്‍ക്കാറിനില്ലെന്ന് ഷുക്കൂര്‍ വധക്കേസിലെ മൊഴി മാറ്റത്തിലൂടെ വ്യക്തമാവുകയാണ്. ഈ സാഹചര്യത്തില്‍ സി.പി.എം വീണ്ടും വിജയം വരിക്കുമ്പോള്‍ അവര്‍ ആ മുദ്രാവാക്യം ഒരിക്കല്‍കൂടി ഏറ്റുവിളിക്കും.... കാലം സാക്ഷി ചരിത്രം സാക്ഷി... രണാങ്കണത്തിലെ രക്തം സാക്ഷി...
-എം.കെ. ജോസഫ്
Keywords: CPM, Shukkur murder case, Witness, UDF, Muslim league, C.H.Mohammed Koya, Victory, Kerala News, International News, National News, Gulf News, Health News, Educational News, Business News, Stock News, Gold News
ഇവിടെ വായനക്കാർക്ക് അഭിപ്രായങ്ങൾ
രേഖപ്പെടുത്താം. സ്വതന്ത്രമായ
ചിന്തയും അഭിപ്രായ പ്രകടനവും
പ്രോത്സാഹിപ്പിക്കുന്നു. എന്നാൽ
ഇവ കെവാർത്തയുടെ അഭിപ്രായങ്ങളായി
കണക്കാക്കരുത്. അധിക്ഷേപങ്ങളും
വിദ്വേഷ - അശ്ലീല പരാമർശങ്ങളും
പാടുള്ളതല്ല. ലംഘിക്കുന്നവർക്ക്
ശക്തമായ നിയമനടപടി നേരിടേണ്ടി
വന്നേക്കാം.
