കൈരളി പുറത്തുവിട്ട ചിത്രം വ്യാജമെന്നും അല്ലെന്നും; ഫേസ്ബുക്കില്‍ തുറന്നപോര്

തിരുവനന്തപുരം: സോളാര്‍ തട്ടിപ്പ് കേസിലെ മുഖ്യപ്രതി സരിതാ എസ് നായര്‍ മുഖ്യമന്ത്രി ഉമ്മന്‍ചാണ്ടിയുമൊത്തുള്ള ചിത്രം വ്യാജമാണെന്ന് ഫേസ്ബുക്കിലെ യു.ഡി.എഫ് അനുകൂലികള്‍. ഫോട്ടോഷോപ്പില്‍ എഡിറ്റ് ചെയ്തതാണ് ചിത്രമെന്നും മുഖ്യമന്ത്രിയെ താഴെയിറക്കാന്‍ സി.പി.എം കേന്ദ്രങ്ങള്‍ പാര്‍ട്ടി ചാനലിനെ കൂട്ടുപിടിച്ചാണ് ഇത് ചെയ്തതെന്നുമാണ് ഫേസ്ബുക്കിലെ യു.ഡി.എഫ് അനുഭാവികള്‍ ചൂണ്ടിക്കാട്ടുന്നത്.

തിങ്കളാഴ്ചത്തെ സെക്രട്ടേറിയറ്റ് ഉപരോധത്തിന് കൊഴുപ്പ് കൂട്ടാനാണ് സി.പി.എം കേന്ദ്രങ്ങള്‍ ആസൂത്രിതമായി ഇത് നടപ്പാക്കിയതാണിതെന്നും യു.ഡി.എഫ് അനുകൂലികള്‍ ആരോപിക്കുന്നു. ചിത്രത്തിലുള്ള പ്ലാസ്റ്റിക് കുപ്പി പാതി മുറിച്ചതാണെന്നും കേരളത്തിലെ ഏത് മുഖ്യമന്ത്രിക്കാണ് ഇത്തരത്തില്‍ പാതി മുറിച്ച പ്ലാസ്റ്റിക് കുപ്പിയില്‍ വെള്ളം നല്‍കുകയെന്നുമാണ് ഇവര്‍ ചോദിക്കുന്നത്.

അതേസമയം യു.ഡി.എഫ് കേന്ദ്രങ്ങളുടെ അനുകൂലികളുടെ പ്രചരണങ്ങള്‍ക്ക് ചുട്ടമറുപടിയുമായി സി.പി.എം അനുകൂലികളും ഫേസ്ബുക്കിലെത്തി. കൂജയും, ഒപ്പം ഗ്ലാസ് കമഴ്ത്തി വെച്ചതിനെയാണ് വെള്ളത്തിന്റെ ബോട്ടില്‍ മുറിച്ചുവെച്ചതെന്ന രീതിയില്‍ പ്രചരിപ്പിക്കുന്നതെന്നും ഇവര്‍ മറ്റൊരു ചിത്രത്തോടൊപ്പം ചൂണ്ടിക്കാട്ടുന്നു. സരിത സ്റ്റേജില്‍ കയറുന്നതിന് മുമ്പുള്ള ചിത്രവും, അതില്‍ കൂജയും, ഗ്ലാസ് കമഴ്ത്തി വെച്ചതടക്കമുള്ള വ്യക്തമായ തെളിവുകള്‍ നിരത്തിയാണ് എല്‍.ഡി.എഫ് കേന്ദ്രങ്ങള്‍ യു.ഡി.എഫിന്റെ പ്രചരണങ്ങള്‍ക്ക് മറുപടി നല്‍കുന്നത്. ഇതോടെ യു.ഡി.എഫ്, എല്‍.ഡി.എഫ് അനുകൂലികള്‍ തമ്മില്‍ ഫേസ്ബുക്കില്‍ തുറന്ന പോരിലാണ്.

അതിനിടെ വിവാദ സരിതാ ഫോട്ടോയില്‍ ഉമ്മന്‍ചാണ്ടിക്ക് പകരം പ്രതിപക്ഷ നേതാവ് വി.എസ് അച്യുതാനന്ദന്റെ ഫോട്ടോ ചേര്‍ത്തുള്ള ചിത്രവും ഫേസ്ബുക്കില്‍ പ്രചരിക്കുന്നുണ്ട്.

കൈരളി പീപ്പിള്‍ ടി.വിയാണ് സരിതാ എസ്. നായരും മുഖ്യമന്ത്രി ഉമ്മന്‍ ചാണ്ടിയും ഒത്തുള്ള ചിത്രം പുറത്തുവിട്ടത്. ഒരു കൈയ്യില്‍ രേഖകളുമായി മുഖ്യമന്ത്രിയുടെ അടുത്തെത്തിയ സരിത ഉമ്മന്‍ചാണ്ടിയുമായി സംസാരിക്കുന്നതായാണ് ചിത്രത്തില്‍ കാണുന്നത്.

Keywords : Oommen Chandy, Channel, Photo, Fake, Facebook, LDF, UDF, Kerala, Malayalam News, National News, Kerala News, International News, Sports News, Entertainment, Stock News. current top stories, photo galleries, Top Breaking News on Politics and Current Affairs in India & around the World, discussions, interviews and more.