കാണാതായ 10 വയസുകാരിയെ തട്ടിക്കൊണ്ടുപോയതാണെന്ന് തെളിഞ്ഞു; ബന്ധു അറസ്റ്റില്‍

പൊന്നാനി: വെളിയംകോട് പാലപ്പെട്ടിയില്‍ കാണാതായ അഞ്ചാംക്ലാസുകാരിയെ തട്ടിക്കൊണ്ടുപോയതാണെന്ന് തെളിഞ്ഞു.  സംഭവത്തില്‍ ബന്ധുവിനെ പോലീസ്  അറസ്റ്റ് ചെയ്തു. ബുധനാഴ്ച രാവിലെ ഫിഷറീസ് സ്‌കൂളിലേക്ക് പുറപ്പെട്ട പത്തുവയസ്സുകാരിയായ പെണ്‍കുട്ടി സ്‌കൂളില്‍ എത്താത്തതിനെ തുടര്‍ന്ന് ബന്ധുക്കള്‍ പോലീസില്‍ പരാതി നല്‍കിയിരുന്നു. പോലീസ് നടത്തിയ അന്വേഷണത്തില്‍ സ്‌കൂളിലേക്ക് പോകുംവഴി പെണ്‍കുട്ടിയെ പിതാവിന്റെ ബന്ധുക്കളിലൊരാള്‍ ഓട്ടോറിക്ഷയില്‍ കയറ്റിക്കൊണ്ടുപോകുന്നതു കണ്ടതായി  വിവരം ലഭിച്ചു.

തുടര്‍ന്ന് പോലീസ് ഓട്ടോ ഡ്രൈവറെ കണ്ടെത്തി ചോദ്യം ചെയ്തപ്പോള്‍ സ്‌കൂളിനു സമീപത്തുനിന്ന് കുട്ടിയുടെ ബന്ധു ഓട്ടോയില്‍ കയറ്റി പെരുമ്പടപ്പിലേക്ക് കൊണ്ടുപോകുവാന്‍ പറഞ്ഞതനുസരിച്ച് അവിടെ കുട്ടിയെ ഇറക്കിയിരുന്നതായുള്ള വിവരം ലഭിച്ചു.   കുട്ടിയുടെ ബാഗ് ഓട്ടോയില്‍നിന്ന് പോലീസിന് ലഭിക്കുകയും ചെയ്തു.

ഓട്ടോ ഡ്രൈവറില്‍ നിന്നും പ്രതിയെ കുറിച്ച് മനസിലാക്കിയ തിരൂര്‍
ഡി.വൈ.എസ്, പി.കെ.എം. സൈതലവി, പൊന്നാനി സി.ഐ പി. അബ്ദുല്‍മുനീര്‍ എന്നിവരുടെ നേതൃത്വത്തില്‍ നടത്തിയ അന്വേഷണത്തില്‍ വ്യാഴാഴ്ച രാവിലെ പാലപ്പെട്ടി സ്വദേശി ഉമ്മറിനെ  പിടികൂടുകയായിരുന്നു. പോലീസ് പ്രതിയെ അന്വേഷിക്കുന്നുണ്ടെന്ന വിവരമറിഞ്ഞതിനെ തുടര്‍ന്ന് കുട്ടിയെ ഉപേക്ഷിക്കാന്‍ ശ്രമിക്കുന്നതിനിടയിലാണ് ഉമ്മര്‍ പിടിയിലായത്.

Also Read:
ഗള്‍ഫിലേക്ക് പോകാനുള്ള ഒരുക്കത്തിനിടയില്‍ യുവാവിനെ തീവണ്ടിതട്ടി മരിച്ചനിലയില്‍ കണ്ടെത്തി

Keywords: Ponnani, School, Student, Kidnap, Arrest, Police, Girl, Complaint, Kerala, Malayalam News, National News, Kerala News, International News, Sports News, Entertainment, Stock News. current top stories, photo galleries, Top Breaking News on Politics and Current Affairs in India & around the World, discussions, interviews and more.