മഅദനിയുടെ ജാമ്യാപേക്ഷ: മറുപടി നല്‍കാന്‍ കൂടുതല്‍ സമയം വേണമെന്ന് കര്‍ണാടക

ബംഗളൂരു: ബംഗളൂരു സ്‌ഫോടനക്കേസില്‍ പ്രതി ചേര്‍ക്കപ്പെട്ട പരപ്പന അഗ്രഹാര ജയിലില്‍ കഴിയുന്ന പി.ഡി.പി നേതാവ് അബ്ദുല്‍ നാസര്‍ മഅ്ദനി ജാമ്യം അനുവദിക്കണമെന്നാവശ്യപ്പെട്ടു നല്‍കിയ അപേക്ഷയ്ക്ക്  മറുപടി നല്‍കാന്‍ കൂടുതല്‍ സമയം വേണമെന്ന് കര്‍ണാടക സര്‍ക്കാര്‍ സുപ്രീംകോടതിയില്‍ ആവശ്യപ്പെടും.


തിങ്കളാഴ്ചയാണ് മഅ്ദനിയുടെ ജാമ്യാപേക്ഷ സുപ്രീംകോടതി പരിഗണിക്കുന്നത്. ഈ അവസരത്തിലാണ് ജാമ്യക്കാര്യത്തില്‍ കര്‍ണാടക സര്‍ക്കാര്‍ സമയം നീട്ടി നല്‍കണമെന്ന് ആവശ്യം ഉന്നയിച്ചത്. മുമ്പ് മഅ്ദനി നല്‍കിയ  ജാമ്യാപേക്ഷയില്‍ കേരളത്തെ കക്ഷിചേര്‍ക്കണമെന്ന്  ആവശ്യപ്പെട്ടിരുന്നു.

എന്നാല്‍ ജാമ്യക്കാര്യത്തില്‍  കര്‍ണാടക സര്‍ക്കാരിന്റെ മറുപടി ലഭിച്ചശേഷം ഇക്കാര്യത്തില്‍ തീരുമാനമെടുക്കാമെന്ന നിലപാടിലായിരുന്നു കോടതി സ്വീകരിച്ചത്. മഅ്ദനിയുടെ ജാമ്യത്തിനുവേണ്ടി കക്ഷി രാഷ്ട്രീയ ഭേദമന്യേ എല്ലാവരും ഒറ്റക്കെട്ടായി നില്‍ക്കുകയാണ്.
മോഷണവീരന്‍ ജീപ്പുമണി അറസ്റ്റില്‍