ടി.പി വധക്കേസ് വിധി: സി.പി.എം ഗൂഢാലോചന നടത്തിയിട്ടില്ലെന്ന് വ്യക്തമായതായി പിണറായി

ഡെല്‍ഹി: ടി.പി.ചന്ദ്രശേഖരന്‍ വധത്തിലെ കോടതി വിധി പൂര്‍ണമായും സി.പി.എമ്മിന്  അനുകൂലമാണെന്ന് സി.പി.എം സംസ്ഥാന സെക്രട്ടറി പിണറായി വിജയന്‍. ഇതില്‍ നിന്നും വ്യക്തമാകുന്നത് സി.പി.എമ്മിന് സംഭവത്തോട് യാതൊരു ബന്ധവുമില്ലെന്നാണ്.

സി.പി.എമ്മിനെ കോടതി പൂര്‍ണമായും കുറ്റവിമുക്തമാക്കിയിരിക്കുകയാണ്. ശിക്ഷയില്‍ കഴിയുന്നവരെ വെച്ച് ഗൂഢാലോചന നടത്താന്‍ കഴിയില്ലെന്നും ആ നീക്കം കോടതി വിധിയോടെ പൊളിഞ്ഞിരിക്കുകയാണെന്നും പിണറായി  പറഞ്ഞു. .

പി.കെ.കുഞ്ഞനന്തന്‍ ഉള്‍പ്പെടെയുള്ള പാര്‍ട്ടി പ്രവര്‍ത്തകര്‍ക്ക് കോടതി ശിക്ഷ നല്‍കിയത്  നിര്‍ഭാഗ്യകരമാണെന്നും ഇതേകുറിച്ച് പാര്‍ട്ടി അന്വേഷണം നടത്തുന്നുണ്ടെന്നും പിണറായി പറഞ്ഞു.  വിധിയെ സ്വാഗതം ചെയ്യുന്നോ എന്ന് മാധ്യമപ്രവര്‍ത്തകര്‍ ചോദിച്ചപ്പോള്‍ വ്യക്തമായ അഭിപ്രായം പിന്നീട് പറയാമെന്നാണ് പിണറായി പറഞ്ഞത്.

ഗൂഢാലോചന ആരോപിച്ച് കേസിലെ അന്വേഷണം വഴി തിരിച്ചുവിടാനാണ്  തുടക്കം മുതലേ ശ്രമിച്ചിരുന്നത്. സി.പി.എം നേതാക്കളടക്കം 76 പേര്‍  പ്രതികളായത് അങ്ങനെയാണെന്നും പിണറായി കുറ്റപ്പെടുത്തി.

കുറ്റപത്രം തയ്യാറാക്കിയപ്പോള്‍ രണ്ടു പേരെയും ഹൈക്കോടതിയുടെ ഇടപെടലിലൂടെ 15 പേരെയും പിന്നീട് അന്വേഷണ സംഘം  കണ്ണൂര്‍ ജില്ലാ സെക്രട്ടേറിയേറ്റംഗം കാരായി രാജന്‍ ഉള്‍പ്പെടെ 20 പേരെയും ഒഴിവാക്കുകയായിരുന്നു.

ഇപ്പോള്‍ 24 പേരെയാണ്  കോടതി വിട്ടയച്ചിരിക്കുന്നത്. ഇതില്‍ നിന്നും
ടി.പിയെ കൊല്ലാന്‍ സി.പി.എം ഗൂഢാലോചന നടത്തിയിട്ടില്ലെന്ന കാര്യം വ്യക്തമാണെന്നും പിണറായി കൂട്ടിച്ചേര്‍ത്തു.
ഖുര്‍ആന്‍, അതിനെ മുറുകെപ്പിടിക്കുന്നവര്‍ക്ക് വഴി കാണിക്കുക തന്നെ ചെയ്യും: പി.എം.എ. ഗഫൂര്‍