ഇന്ത്യക്കാരനേയും വീട്ടുജോലിക്കാരിയേയും സിംഗപ്പൂരിലെ ഹോട്ടലില്‍ മരിച്ച നിലയില്‍ കണ്ടെത്തി

സിംഗപ്പൂര്‍: (www.kvartha.com 03/02/2015) ഇന്ത്യക്കാരനേയും ഇന്തോനേഷ്യക്കാരി വീട്ടുജോലിക്കാരിയേയും സിംഗപ്പൂരിലെ ഒരു ഹോട്ടല്‍ മുറിയില്‍ മരിച്ചനിലയില്‍ കണ്ടെത്തി. ഗേലാംഗിലെ ഹോട്ടല്‍ മുറിയിലാണ് മൃതദേഹങ്ങള്‍ കണ്ടെത്തിയത്.

29കാരിയായ വീട്ടുജോലിക്കാരിയുടെ കഴുത്തറുത്ത നിലയിലാണ് മൃതദേഹം. അതേസമയം 31കാരനായ ചിന്നസ്വാമി ബാസ്‌ക്കറിന്റെ മൃതദേഹം തൂങ്ങിയ നിലയിലാണ്.

കഴിഞ്ഞ 5 വര്‍ഷമായി ചിന്നസ്വാമി സിംഗപ്പൂരിലെത്തിയിട്ട്. നിര്‍മ്മാണ മേഖലയിലാണിദ്ദേഹം തൊഴില്‍ ചെയ്തിരുന്നത്. ഇയാള്‍ അവിവാഹിതനാണ്.
അതേസമയം ഇന്തോനേഷ്യക്കാരി വിവാഹിതയും രണ്ട് കുട്ടികളുടെ അമ്മയുമാണ്.

ഇരുവരുടേയും മൃതദേഹങ്ങള്‍ നാട്ടിലേയ്ക്ക് അയക്കാനുള്ള തയ്യാറെടുപ്പുകള്‍ ആരംഭിച്ചതായി എംബസി അധികൃതര്‍ അറിയിച്ചു. അസ്വാഭാവിക മരണത്തിന് പോലീസ് കേസെടുത്തിട്ടുണ്ട്.

SUMMARY: A 31-year-old Indian and an Indonesian maid were found dead in a hotel room here in Geylang, according to local media reports.

Keywords: Indonesia, Singapore, Chinasamy Baskar, Indian, House Maid, Murder, Suicide, Slit Throat,