കെ.ടി. ജ­യ­കൃ­ഷ്­ണന്‍ വ­ധ­ക്കേ­സില്‍ ടി.കെ. ര­ജീ­ഷി­നെ ചോദ്യം ചെ­യ്യാന്‍ അ­നുമതി

തി­രു­വ­ന്ത­പുരം: കെ.ടി. ജയകൃഷ്ണന്‍ വധക്കേ­സില്‍, ടി.പി വധക്കേസിലെ പ്ര­തിയായ ടി കെ രജീഷിനെ ചോദ്യം ചെയ്യാന്‍ കോടതി അനുമതി നല്‍കി. ജയകൃഷ്ണന്‍ വധക്കേസില്‍ തുടരന്വേഷണം ആരംഭിക്കുന്നതിന്റെ ഭാഗമായാണ് രജീഷിനെ ചോദ്യം ചെ­യ്യു­ന്നത്. ജയില്‍ സൂപ്രണ്ടിന്റെ സാന്നിധ്യത്തിലായിരിക്കും ചോദ്യം ചെയ്യുക.

രജീഷിനെ ചോദ്യം ചെയ്യാന്‍ അനുമതി തേടി അന്വേഷണ ഉദ്യോഗസ്ഥനായ ഡി.വൈ.എസ്.പി. എ.പി ഷൗക്കത്തലി ടി.പി. വ­ധ­ക്കേസ് വിചാരണ നടക്കുന്ന അഡീഷനല്‍ സെഷന്‍സ്­ കോടതി­യില്‍ അപേക്ഷ നല്‍­കി­യ­തി­നെ തു­ട­ര്‍­ന്നാ­ണ് ര­ജീ­ഷി­നെ ചോദ്യം ചെ­യ്യാന്‍ അ­നുമ­തി നല്‍­കി­യത്.

ടി.പി ചന്ദ്രശേഖരന്‍ വധക്കേസില്‍ പിടിയിലായ ടി.കെ. രജീഷിന്റെ മൊഴിയെത്തുടര്‍ന്നാണ് ജയകൃഷ്ണന്‍ മാസറ്റര്‍ വധക്കേസ് പുനരന്വേഷിക്കണമെന്ന ആവശ്യം ശക്തമായത്­. കെ ടി ജയകൃഷ്ണന്‍ മാസ്റ്റര്‍ വധക്കേസില്‍ പ്രതികളായവര്‍ യഥാര്‍ത്ഥ പ്രതികളല്ലെന്നാണ് രജീഷ് മൊഴി നല്‍കിയത്. സി പി എം നല്‍കിയ പ്രതികളെയാണ് പോലീസ് അറസ്റ്റ് ചെയ്തതെ­ന്നും മൊ­ഴി­യില്‍ പ­റ­യുന്നു.

ടി.പി വ­ധ­ക്കേ­സില്‍ കോടതി ശിക്ഷിച്ച അഞ്ച്­ പ്രതികളില്‍ ഒന്നാം പ്രതിയായ അച്ചാരുപറമ്പില്‍ പ്രദീപന്‍ മാത്രമാണ്­ കൃത്യത്തില്‍ ത­ന്നോ­ടൊപ്പം പങ്കെടുത്ത­തെന്നും മ­റ്റു­ള്ള­വര്‍ യ­ഥാര്‍ത്ഥ പ്രതികളല്ലെന്നും രജീഷ് വെളിപ്പെടുത്തി. പ്രമുഖ നേതാവിന്റെ തീരുമാനമനുസരിച്ചായിരുന്നു കൊലപാതകം നടത്തിയതെന്നും നേതാവിന്റെ അടുത്ത സഹായിയാണ്­ കൊലയ്ക്ക്­ നേതൃത്വം നല്‍കിയതെന്നും രജീഷ്­ വെളിപ്പെടുത്തി.

ജയകൃഷ്ണന്‍ മാസ്റ്റര്‍ വധക്കേസില്‍ ഏഴു പ്രതികളില്‍ അഞ്ചു പേരെ തലശേരി അതിവേഗ കോടതി വധ ശിക്ഷയ്ക്ക് വിധിച്ചിരു­ന്നു. പ്ര­തി­കള്‍ നല്‍കി­യ അ­പ്പീ­ലി­നെ തു­ടര്‍ന്ന സുപ്രീംകോടതി രണ്ടു മുതല്‍ നാലു പ്രതികളെ വെറുതെ വിടുകയും ഒന്നാം പ്രതി അച്ചാരുപറമ്പില്‍ പ്രദീപിനെ ശിക്ഷിക്കുകയും ചെയ്തു. പ്രദീപിന്റെ ശിക്ഷ കോടതി ജീവപര്യന്തമാക്കി കുറയ്­ക്കുകയായിരുന്നു.
രജീഷിന്റെ വെളിപ്പെടുത്തലിനെ തുടര്‍ന്ന്­ കേസ്­ പുനരന്വേഷിക്കണമെന്ന്­ ആവശ്യപ്പെട്ട്­ ജയകൃഷ്ണന്റെ അമ്മ പി.കെ കൗസല്യ മുഖ്യമന്ത്രിക്കും ആഭ്യന്തരമന്ത്രിക്കും നിവേദനം നല്‍­കി­യ­തി­ന്റെ അ­ടി­സ്ഥാ­ന­ത്തി­ലാണ് ­ സര്‍ക്കാര്‍ നടപടി സ്വീകരിച്ചത്­.

Keywords: K.T. Jayakrishnan Master,  Police, Thiruvananthapuram, T.P Chandrasekhar Murder Case, Court, CPM, Supreme Court of India, Chief Minister, Mother, Kerala, Court grants permission to interrogate TK Rajeesh