Guruvayoor Ambalanadayil | പൃഥ്വിരാജ്, ബേസില് ചിത്രം 'ഗുരുവായൂര് അമ്പലനടയില്'; പൂജാ ചടങ്ങുകള് കഴിഞ്ഞു
May 12, 2023, 16:04 IST
തൃശൂര്: (www.kvartha.com) പൃഥ്വിരാജ് സുകുമാരന്, ബേസില് ജോസഫ് എന്നിവര് പ്രധാന കഥാപാത്രങ്ങളെ അവതരിപ്പിക്കുന്ന ഗുരുവായൂരമ്പലനടയില് എന്ന ചിത്രം ആരംഭിച്ചു. പൂജയും സ്വിചോണ് കര്മവും ഗുരുവായൂര് ക്ഷേത്ര നടയില് വച്ചാണ് നടന്നത്. ജയ ജയ ജയ ജയ ഹേ എന്ന സൂപര് ഹിറ്റ് ചിത്രത്തിന് ശേഷം വിപിന് ദാസ് സംവിധാനം ചെയ്യുന്ന ചിത്രമാണിത്.
പൃഥ്വിരാജ് പ്രൊഡക്ഷന്സിന്റെ ബാനറില് സുപ്രിയ മേനോന്, ഇഫോര് എന്റര്ടൈന്മെന്റിന്റെ ബാനറില് മുകേഷ് ആര് മേത്ത, സി വി സാരഥി എന്നിവര് ചേര്ന്നാണ് ചിത്രം നിര്മിക്കുന്നത്. കുഞ്ഞിരാമായണം എന്ന ചിത്രത്തിന് ശേഷം ദീപു പ്രദീപ് രചന നിര്വഹിക്കുന്ന ചിത്രമാണിത്.
ചിത്രത്തില് പൃഥ്വിരാജ് അവതരിപ്പിക്കുന്നത് വില്ലന് കഥാപാത്രത്തെയാണെന്ന് മറ്റൊരു കഥാപാത്രത്തെ അവതരിപ്പിക്കുന്ന ബൈജു സന്തോഷ് നേരത്തെ ഒരു അഭിമുഖത്തില് പറഞ്ഞിരുന്നു. അതേസമയം കഴിഞ്ഞ വര്ഷത്തെ ഏറ്റവും ജനപ്രീതി നേടിയ ചിത്രങ്ങളില് മുന്നിരയിലാണ് ജയ ജയ ജയ ജയ ഹേയുടെ സ്ഥാനം. ബോക്സ് ഓഫീസ് കളക്ഷനില് പല സൂപ്പര്താര ചിത്രങ്ങളേക്കാളും മുന്നിലായിരുന്നു വിപിന് ദാസ് സംവിധാനം നിര്വഹിച്ച ഈ ചിത്രം.
Keywords: Thrissur, News, Kerala, Malayalam Movie, Movie, Guruvayoor Ambalanadayil, New Malayalam movie Guruvayoor Ambalanadayil Starts rolling from today.
ഇവിടെ വായനക്കാർക്ക് അഭിപ്രായങ്ങൾ
രേഖപ്പെടുത്താം. സ്വതന്ത്രമായ
ചിന്തയും അഭിപ്രായ പ്രകടനവും
പ്രോത്സാഹിപ്പിക്കുന്നു. എന്നാൽ
ഇവ കെവാർത്തയുടെ അഭിപ്രായങ്ങളായി
കണക്കാക്കരുത്. അധിക്ഷേപങ്ങളും
വിദ്വേഷ - അശ്ലീല പരാമർശങ്ങളും
പാടുള്ളതല്ല. ലംഘിക്കുന്നവർക്ക്
ശക്തമായ നിയമനടപടി നേരിടേണ്ടി
വന്നേക്കാം.