സോളി കെ ജോസഫ് 

(KVARTHA) തേനീച്ചകൾ ലോകത്ത് ഇല്ലാതായാൽ നാം അതിന് വലിയ വില നൽകേണ്ടി വരും. ഒരു അർത്ഥത്തിൽ ഈ ലോകം ഇത്ര ഭംഗിയായി പിടിച്ചു നിർത്തുന്നതിൽ തേനീച്ചകളും വലിയ പങ്കു വഹിക്കുന്നുണ്ടെന്നതാണ് സത്യം. പലപ്പോഴും നാം അതിനെ തേൻ തരുന്ന ഒന്നായി മാത്രമേ കാണാൻ ശ്രമിച്ചിട്ടുള്ളു. പക്ഷേ, അതിനുമപ്പുറം ഈ ലോകത്തെ തന്നെ പിടിച്ചു നിർത്താൻ ഉതകുംവിധം  ഒരുപാട് ഗുണഗണങ്ങൾ തേനിച്ചയ്ക്ക് ഉണ്ടെന്നതാണ് സത്യം. അതുമായി ബന്ധപ്പെട്ട് പുറത്തുവന്ന ഒരു കുറിപ്പാണ് വൈറൽ ആയിരിക്കുന്നത്. കുറിപ്പിൽ പറയുന്നത് ഇങ്ങനെയാണ്. 

ലോകത്തുള്ള തേനീച്ചകൾ മുഴുക്കെ അപ്രത്യക്ഷമായാൽ എന്ത് സംഭവിക്കും? 

'നമുക്ക് തേൻ ലഭിക്കാതെ വരും എന്നായിരി ക്കും കൂടുതൽ പേരും പറയുന്ന മറുപടി. എന്നാൽ തേനീച്ചകളുടെ നാശം കേവലം തേൻ ലഭിക്കാതിരിക്കുന്നതിൽ മാത്രം ഒതുങ്ങുന്നതല്ല എന്നതാണ് സത്യം. പ്രകൃതിയുടെ അമൃതാണ് തേൻ. തേനീച്ചയും മനുഷ്യരും തമ്മിലുള്ള ബന്ധം പ്രാചീനകാലം മുതൽ ആരംഭിച്ചിട്ടുള്ളതാണ്. സപുഷ്പികളിൽ പരാഗണം നടത്തി ഫലങ്ങൾ ഉൽപ്പാദിപ്പിക്കുന്നതിൽ സഹായകമായി വർത്തിക്കുന്നതിനാൽ എല്ലാ ജീവജാലങ്ങൾക്കും തേനീച്ചകൾ നൽകുന്ന സംഭാവന സീമാതീതമാണ്. 

ഷഡ്ദ വിഭാഗത്തിലെ എപ്പിഡെ (Apidae) കുടുംബ ത്തിൽപ്പെട്ട ഹണീബീ (Honeybee) എന്ന ആംഗലേയ നാമത്തിൽ അറിയപ്പെടുന്ന തേനീച്ചകളെ അന്റാർട്ടിക്ക് ഒഴികെയുള്ള എല്ലാ ഭൂപ്രദേശങ്ങളിലും കാണാം. ഏഴ് ജാതി തേനീച്ചകളെയും അതിന്റെ എണ്ണങ്ങളെയുമാണ് ഇതുവരെ ഉപജാതികളായി നാല്പത്തിനാല് തിരിച്ചറിഞ്ഞിട്ടുള്ളത്. പരിസ്ഥിതി സംരക്ഷണത്തിൽ വിശിഷ്യ ജൈവ വൈവിധ്യത്തെ പരിപോഷിപ്പിക്കുന്നതിൽ തേനീച്ചകൾ അമൂല്യമായ സേവനമാണ് അനുഷ്ഠിച്ചുവരുന്നത്. ഇവയെ സംരക്ഷിക്കേണ്ടത് ജൈവ സമുഹത്തിന്റെ ആവശ്യകതയാണ്. 

അശാസ്ത്രീയമായ തേൻ ശേഖരണം, കീടനാശിനികളുടെ പ്രസരണം, മൊബൈൽ ടവറുകളിൽ നിന്നുമുള്ള വൈദ്യതി കാന്തിക പ്രസരണ ദോഷങ്ങൾ, വൈറസ് രോഗങ്ങൾ എന്നിവ തേനീച്ചകളുടെ നാശത്തിനു കാരണമാകുന്നുണ്ട്. തേനീച്ചകളെ സംബന്ധിച്ചുള്ള ഗവേഷണങ്ങളും പഠനങ്ങളും കൂടുതൽ ഉണ്ടാവകയും ഇവയെ പരിരക്ഷിക്കുന്നതിനുള്ളനടപ്പിലാക്കേണ്ടതും കാലഘട്ടത്തിന്റെ കർമ്മ പദ്ധതികൾ ആവിഷ്ക്കരിച്ചു അനിവാര്യതയായി മാറിയിരി ക്കുന്നു. ഐൻസ്റ്റീന്റെ പേരിൽ പറയപ്പെടുന്ന ഒരു പ്രസിദ്ധ വചനം ഇങ്ങനെയാണ്, 'ഭൂമുഖത്തുനിന്നും തേനീച്ചകൾ അപ്രത്യ ക്ഷ്യമായാൽ, പിന്നീട് മനുഷ്യൻ ഭൂമിയിൽ നാലു വർഷം മാത്രമേ ജീവിക്കൂ', (If the Bee Disappea red Off the Face of the Earth, Man Would Only Have Four Years Left To Live) 

ഈ വാക്കുകൾ 100% സത്യമല്ലെങ്കിലും ഇതിൽ ഒരു വലിയ സത്യമുണ്ട്. കാരണം നാം ദിനേന കഴിക്കുന്ന ഭക്ഷണത്തിൻ്റെ വലിയ ഒരു അളവ് നമുക്ക് ലഭിക്കുവാൻ കാരണം ഈ കൊച്ചു ജീവികളാണ്. ദിവസേനയുള്ള നമ്മുടെ ഭക്ഷണത്തിൻ്റെ മൂന്നിലൊന്ന് ഭാഗത്തോട് നാം ഈ ജീവികളോട് കടപ്പെട്ടിരിക്കുന്നു. നാം കഴിക്കുന്ന ഫലവർഗങ്ങളും, ധാന്യങ്ങളും അടക്കം 75% വരുന്ന നമ്മുടെ ഭക്ഷണ പദാർത്ഥങ്ങൾ ഉൽപാദിപ്പിക്കുന്നത് തേനീച്ചകൾ കാരണമാണ്. പൂക്കളുള്ള സസ്യങ്ങൾ തേനീച്ചക്ക് ആവശ്യമാണ്, തിരിച്ച് തേനീച്ച പൂക്കളുള്ള സസ്യങ്ങൾക്കും ആവശ്യമാണ്. ഇവ‍ പൂക്കളിൽ നിന്ന് തേനിനോ ടൊപ്പം പൂമ്പൊടിയും (Pollen) ശേഖരിക്കുന്നു. 

ഒരു സ്ഥലത്ത് നിന്നും പൂമ്പൊടി എടുത്ത് മറ്റുപൂവിൽ എത്തിച്ച് ഭൂമിയിലെ നല്ലൊരു ശതമാനം സസ്യങ്ങളുടെയും പരാഗണം (Pollination) സാധ്യമാക്കുന്നത് തേനീച്ചകളാണ്. തേനീച്ച അപ്രത്യക്ഷമായാൽ ഭൂമിയിലുള്ള ആയിരക്കണക്കിന് വ്യത്യസ്തങ്ങളായ വൃക്ഷങ്ങളും, വിളകളും നാമാവശേഷമാകും. ലക്ഷക്കണക്കിന്‌ മനുഷ്യർ ക്രമേണ പട്ടിണിയാകും. ഈ കൊച്ചു ജീവികൾ ഓരോ വർഷവും സംഭാവന ചെയ്യുന്ന സാമ്പത്തിക ലാഭമെത്രയാണെന്നോ 265 ബില്ല്യൺ ഡോളർ! വിശ്വസിക്കാൻ പ്രയാസമായിരിക്കും. തക്കാളി, ഉരുളക്കിഴങ്ങ്‌, ഉള്ളി, ആപ്പിൾ, ഓറഞ്ച്, മുന്തിരി, ബദാം, നാരങ്ങ, ബെറി വർഗങ്ങൾ, സോയാബീൻ, കാപ്പി..etc അങ്ങിനെ നീണ്ടു പോകുന്നു ലിസ്റ്റ്. ഇവയെല്ലാം നമുക്ക് ലഭിക്കാൻ കാരണം തേനീച്ചകളാണ്. 

തേനീച്ച അപ്രത്യക്ഷമായാൽ ഇവ മുഴുക്കെ കൂടെ അപ്രത്യക്ഷമാകും. ഇവയ്ക്ക് പുറമേ ഇവയെ ആശ്രയിച്ച് നീങ്ങുന്ന മറ്റു പല വിഭവങ്ങളെയും അത് ബാധിക്കും. ഉദാഹരണത്തിനു ബദാം നാം കഴിക്കുന്നു, അതിൻെറ തോടുകളാണ് (almond hulls) ലോകത്തുള്ള കാലി-കോഴിത്തീറ്റയിലെ പ്രധാന ചേരുവകളിലോന്ന്. ഇവ ചേർത്ത കാലിത്തീറ്റകളാണ് ഫാമുകളിലും മറ്റും ഭക്ഷണമായി നൽകുന്നത്. ഇവ നല്ല പോഷകവസ്തുവായതിനാൽ അത് കഴിക്കുന്ന മൃഗങ്ങൾ ധാരാളം പാലും മുട്ടയുമെല്ലാം നൽകുന്നു. അപ്പോൾ തേനീച്ച അപ്രത്യക്ഷമായാൽ ആദ്യം ബദാം മരം അപ്രത്യക്ഷ്യമാകും അതോടൊപ്പം നമ്മുടെ പാലും, പാലുൽപ ന്നങ്ങളും മുട്ടയും കുറയും.

ഒന്ന് ഒന്നിനെ ആശ്രയിച്ചാണ്‌ പ്രകൃതി മുന്നോട്ട് നീങ്ങുന്നത്. 2006 മുതൽ ഇന്നുവരെ ലോകത്തെ 50 % തേനീച്ചയും അപ്രത്യക്ഷപ്പെട്ടു കഴിഞ്ഞിരിക്കുന്നു എന്ന പുതിയ വാർത്ത നമ്മിൽ ഞെട്ടലുളവാക്കേണ്ടതാണ്. അമേരിക്കയിലെ തേനീച്ച കർഷകരിൽ 30% -90%വരെ നഷ്ടം വന്നതായി രേഖപ്പെടുത്തപ്പെട്ടിരിക്കുന്നു. തേനീച്ചകളുടെ കോളനികൾ (hives) കൂട്ടമായി അപ്രത്യക്ഷമാകുന്ന ഈ പ്രതിഭാസത്തെ 'Colony collapse disorder' (CCD) എന്നാണറിയപ്പെടുന്നത്. 2006 മുതൽ ഇതിൻ്റെ തോത് വർദ്ധിച്ചു വരികയാണത്രേ! എന്ത് കൊണ്ട് തേനീച്ച കോളനികൾ കൂട്ടമായി അപ്രത്യക്ഷമാകുന്നു എന്നതിന് ഏറ്റവും പ്രധാനപ്പെട്ട കാരണമായി പറയപ്പെടുന്നത് നാം ഉപയോഗിക്കുന്ന മാരകമായ ഒരു കീടനാശിനിയാണ്‌. 'Neonicotinoids' എന്ന പേരിലുള്ള ഈ കീടനാശി നി വളരെ അപകടത്തിന് ഹേതുവാകുന്നു . 

2013 ൽ അമേരിക്കയിൽ ഇവയുടെ ഉപയോഗം 95 % ശതമാനമായിരുന്നത്രേ, ലോകത്തെ കീടനാശി നി വിപണനത്തിലെ 24 % നവും ഇവർ കയ്യടക്കി വെച്ചിരിക്കുന്നു . ഈ കീടനാശിനികൾ സസ്യങ്ങളുടെ മേലെ സ്പ്രേ ചെയ്യുന്നവയല്ല, മറിച്ച് വിത്തിൽ നിക്ഷേപിക്കുന്ന ഇത്തരം കീടനാശിനികൾ കൂടുതൽ അപകടകാരികളാണ് (systemic insecticide). ഇവ വളർന്നു വരുന്ന ചെടിയുടെ ഓരോ കോശങ്ങളിലുമെത്തുന്നു. ഈ ചെടിയിൽ നിന്നും തേനീച്ച തേൻ ശേഖരിച്ച് അവയുടെ കോളനിയിൽ നിക്ഷേപിക്കുമ്പോൾ കോളനി മുഴുക്കെ കീടനാശിനി പരക്കുന്നു. തേനീച്ചകളുടെ കേന്ദ്രനാഡീ വ്യവസ്ഥയുടെ (CNS) പ്രവർത്തനത്തെ ഈ കീടനാശിനികൾ തകരാറിലാക്കുന്നു. ഫലം തളർച്ചയും മരണവും കൂടെ മറവിയുമായിരിക്കും.

കിലോമീറ്ററുകൾ സഞ്ചരിക്കുന്ന തേനീച്ചകൾക്ക് വഴി കണ്ടെത്തുന്ന മെക്കാനിസം (navigation) പ്രവർത്തനരഹിതമാകുമ്പോൾ അവ വഴി തെറ്റി മറ്റൊവിടെയോ എത്തിച്ചേരുന്നു. കൂട്ടം തെറ്റിയ അവ പിന്നീട് മരണത്തിനു കീഴടങ്ങുന്നു. അങ്ങിനെ കോളനിയിലെ തേനീച്ചകൾ ഓരോന്നായി ക്രമേണേ അപ്രത്യക്ഷമാകുന്നു. ലോകം മുഴുക്കെ ഈ മാരകമായ കീടനാശിനിക്കെതിരെ ശബ്ദമുയർന്നിട്ടുണ്ട്. ഇനിയും വൈകിയാൽ ഒരു പക്ഷെ നിലനില്പിനു വേണ്ടിയുള്ള ഈ സമരത്തിൽ തേനീച്ച കീഴടങ്ങിയേക്കാം. 

ഷെക്സ്പിയറിൻ്റെ ഹാംലെറ്റിലെ പ്രസിദ്ധ പ്രയോഗം ഒരൽപം മാറ്റി നമുക്ക് നമ്മോട് തന്നെ ചോദിക്കാം , 'To bee , or not to bee'?? മനുഷ്യനാണ് എവിടെയും വില്ലൻ, പ്രകൃതിയെ , ആ സംവിധാനങ്ങളെ മാറ്റി മറിക്കുന്നത് മനുഷ്യകരങ്ങളുടെ പ്രവർത്തനങ്ങളാണ്. നൂറ്റാണ്ടുകൾ ഭീമാകാരങ്ങളായ ദിനോസറുകൾ ഭൂമി അടക്കിവാണപ്പോഴും ഭൂമിയുടെ പ്രകൃതി യിൽ അവയ്ക്ക് ഒരു വ്യതിയാനവും സൃഷ്ടി ക്കാൻ സാധിച്ചിരുന്നില്ല. ശാസ്ത്രമല്ല പ്രശ്നം അതുപയോഗിക്കുന്ന മനുഷ്യനാണ്!'

ഈ വിവരം എല്ലാവരും അറിഞ്ഞിരിക്കേണ്ട ഒന്നാണ്. ഇന്ന് തേനീച്ചയെക്കുറിച്ച് പലർക്കും അറിയാത്ത വിവരങ്ങളാണ് ഇതിൽ പ്രതിപാദിച്ചിരിക്കുന്നത്. തീർച്ചയായും തേനിച്ചകൾ നശിക്കാതെ കാത്തുപരിപാലിക്കേണ്ടത് നമ്മുടെ ഒരോരുത്തരുടെയും അല്ലെങ്കിൽ ഈ സമൂഹത്തിൻ്റെ തൻ്റെ കർത്തവ്യമാണെന്ന് ഇത് ചൂണ്ടിക്കാട്ടുന്നു. തേനീച്ചകൾ ഇല്ലാത്ത ലോകത്തെക്കുറിച്ച് നമുക്ക് സങ്കല്പിക്കുക തന്നെ അസാധ്യം. ലോകത്ത് തേനീച്ചകൾ ഇല്ലാതായാൽ നാം അതിന് വില തന്നെ നൽകേണ്ടി വരും തീർച്ച.

ഈ ലേഖനം നിങ്ങൾക്ക് ഉപകാരപ്രദമായിരിക്കുമെന്ന് വിശ്വസിക്കുന്നു. നിങ്ങളുടെ അഭിപ്രായങ്ങളും നിർദ്ദേശങ്ങളും കമൻ്റ് ബോക്സിൽ രേഖപ്പെടുത്തുക. ഈ അറിവ് മറ്റുള്ളവർക്കും പ്രയോജനകരമാകുന്നതിന് വേണ്ടി ഷെയർ ചെയ്യുക.

The decline in bee populations worldwide poses a serious threat to our ecosystem. Bees are vital for pollination, and their disappearance could lead to food shortages and ecological imbalances. This article highlights the importance of bees, the reasons for their decline, and the potential consequences.

#SaveTheBees #BeeAware #PollinatorProtection #EcologicalBalance #FoodSecurity #EnvironmentalCrisis