Gold Rate | റെകോര്‍ഡ് നിരക്കില്‍നിന്ന് കൂപ്പുകുത്തി സ്വര്‍ണവില; പവന് 320 രൂപ കുറഞ്ഞു, വെള്ളിവിലയിലും ഇടിവ്
● 22 കാരറ്റ് സ്വര്‍ണത്തിന് പവന് 320 രൂപ കുറഞ്ഞ് 66160 രൂപയായി.
● 18 കാരറ്റ് സ്വര്‍ണത്തിന് രണ്ട് വിഭാഗത്തിനും വ്യത്യസ്ത നിരക്കുകള്‍.
● മാര്‍ച്ച് 21 ന് വെള്ളിനിരക്ക് ഗ്രാമിന് രണ്ട് രൂപ കുറഞ്ഞു.
കൊച്ചി: (KVARTHA) കേരളത്തില്‍ ചരിത്രനിരക്കുകള്‍ പിന്നിട്ട് കുതിക്കുകയായിരുന്ന സ്വര്‍ണവില കൂപ്പുകുത്തി. വെള്ളിയാഴ്ച (മാര്‍ച്ച് 21) 22 കാരറ്റ് സ്വര്‍ണത്തിന്റെയും 18 കാരറ്റ് സ്വര്‍ണത്തിന്റെയും വെള്ളിയുടെയും വില കുറഞ്ഞു.
സ്വര്‍ണവ്യാപാരി സംഘടനകള്‍ക്കിടയില്‍ ഭിന്നതകള്‍ നിലനില്‍ക്കുന്നുണ്ടെങ്കിലും, 22 കാരറ്റ് സ്വര്‍ണത്തിന് ഇരു സംഘടനകളും ഒരേവിലയാണ് നിശ്ചയിച്ചത്. ഗ്രാമിന് 40 രൂപയും, പവന് 320 രൂപയുമാണ് കുറഞ്ഞത്. ഇതോടെ ഒരു ഗ്രാം 22 കാരറ്റ് സ്വര്‍ണത്തിന്റെ വിപണി വില 8270 രൂപയായി. ഒരു പവന് സ്വര്‍ണത്തിന്റെ വില 66160 രൂപയിലുമെത്തി. കഴിഞ്ഞ ദിവസവം (മാര്‍ച്ച് 20) സ്വര്‍ണനിരക്ക് ഗ്രാമിന് 20 രൂപയും, പവന് 160 രൂപയുമാണ് കൂടിയത്.
എന്നാല്‍, 18 കാരറ്റ് സ്വര്‍ണത്തിന്റെയും വെള്ളിയുടെയും വില നിര്‍ണയത്തില്‍ സ്വര്‍ണവ്യാപാരി സംഘടനകള്‍ക്കിടയില്‍ വ്യത്യസ്ത അഭിപ്രായങ്ങളാണ് നിലനില്‍ക്കുന്നത്. കെ സുരേന്ദ്രന്‍ പ്രസിഡന്റും അഡ്വ. എസ് അബ്ദുല്‍ നാസര്‍ സെക്രട്ടറിയുമായി പ്രവര്‍ത്തിക്കുന്ന ഓള്‍ കേരള ഗോള്‍ഡ് ആന്‍ഡ് സില്‍വര്‍ മെര്ച്ചന്റ്സ് അസോസിയേഷന്‍ (AKGSMA) 18 കാരറ്റ് സ്വര്‍ണത്തിന്റെ വിലയില്‍ ഇടിവ് വരുത്തിയിട്ടുണ്ട്. ഈ സംഘടനയുടെ കണക്കനുസരിച്ച്, 18 കാരറ്റ് സ്വര്‍ണത്തിന് ഗ്രാമിന് 40 രൂപ കുറഞ്ഞ് 6785 രൂപയായി. അതുപോലെ, ഒരു പവന് 320 രൂപ കുറഞ്ഞ് 54280 രൂപയാണ് പുതിയ വില. സാധാരണ വെള്ളിയുടെ വിലയിലും കുറവ് രേഖപ്പെടുത്തി. ഗ്രാമിന് 112 രൂപയില്‍നിന്ന് രണ്ട് രൂപ കുറഞ്ഞ് 110 രൂപയായി തുടരുമെന്നും അവര്‍ അറിയിച്ചു.
മറുവശത്ത്, ഡോ. ബി ഗോവിന്ദന്‍ ചെയര്‍മാനും ജസ്റ്റിന്‍ പാലത്ര പ്രസിഡന്റുമായുള്ള ഓള്‍ കേരള ഗോള്‍ഡ് ആന്‍ഡ് സില്‍വര്‍ മെര്ച്ചന്റ്സ് അസോസിയേഷന്‍ (AKGSMA) 18 കാരറ്റ് സ്വര്‍ണത്തിന് ഗ്രാമിന് 30 രൂപ കുറച്ച് 6825 രൂപയാണ് വില നിശ്ചയിച്ചിരിക്കുന്നത്. പവന് 240 രൂപ കുറച്ച് 54600 രൂപയാണ് ഈ സംഘടനയുടെ വില. സാധാരണ വെള്ളിയുടെ വിലയിലും സംഘടന മാറ്റം വരുത്തി. അവരുടെ കണക്കനുസരിച്ച്, ഗ്രാമിന് 112 രൂപയിലല്‍ നിന്ന് രണ്ട് രൂപ കുറച്ച് 110 രൂപയാണ് വെള്ളിയുടെ വെള്ളിയാഴ്ചത്തെ വില.
തുടര്‍ച്ചയായുള്ള ഈ വിലയിലെ ചാഞ്ചാട്ടം സ്വര്‍ണവിപണിയിലെ അനിശ്ചിതത്വം വ്യക്തമാക്കുന്നു. വരും ദിവസങ്ങളില്‍ സ്വര്‍ണവില എങ്ങനെയായിരിക്കും എന്ന ആകാംക്ഷയിലാണ് നിക്ഷേപകരും സാധാരണക്കാരും.
ഈ വാർത്തയെക്കുറിച്ച് നിങ്ങളുടെ അഭിപ്രായങ്ങൾ പങ്കുവെക്കുക, കൂടുതൽ ആളുകളിലേക്ക് എത്തിക്കാൻ ഷെയർ ചെയ്യൂ.
Gold prices in Kerala witness a drop, with a decrease of ₹320 per sovereign for 22-carat gold. Variations in 18-carat gold and silver prices reported. Trader associations show differences in pricing. Market uncertainty persists.
#GoldPrice #KeralaGold #GoldMarket #PriceDrop #SilverPrice #MarketFluctuations
