Gold Rate | സ്വര്‍ണവില താഴേക്ക്; രണ്ടാം ദിനവും പവന് 320 രൂപ കുറഞ്ഞു
● 22 കാരറ്റ് സ്വര്‍ണത്തിന് പവന് 320 രൂപ കുറഞ്ഞ് 66160 രൂപയായി.
● 18 കാരറ്റ് സ്വര്‍ണത്തിന് രണ്ട് വിഭാഗത്തിനും വ്യത്യസ്ത നിരക്കുകള്‍.
● മാര്‍ച്ച് 21 ന് കുറഞ്ഞും മാറ്റമില്ലാതെയും വെള്ളിനിരക്കിലും ഭിന്നത.
കൊച്ചി: (KVARTHA) കേരളത്തില്‍ ചരിത്രനിരക്കുകള്‍ പിന്നിട്ട് കുതിക്കുകയായിരുന്ന സ്വര്‍ണവിലയില്‍ രണ്ടാം ദിനവും ഇടിവ് രേഖപ്പെടുത്തി. ശനിയാഴ്ച (മാര്‍ച്ച് 22) 22 കാരറ്റ് സ്വര്‍ണത്തിന്റെയും 18 കാരറ്റ് സ്വര്‍ണത്തിന്റെയും വെള്ളിയുടെയും വില കുറഞ്ഞു.
എന്നാല്‍, സ്വര്ണവ്യാപാരി സംഘടനകള്ക്കിടയില് ഭിന്നതകള്‍ നിലനില്‍ക്കുന്നുണ്ടെങ്കിലും, 22 കാരറ്റ് സ്വര്‍ണത്തിന് ഇരു സംഘടനകളും ഒരേവിലയാണ് നിശ്ചയിച്ചത്. ഗ്രാമിന് 40 രൂപയും, പവന് 320 രൂപയുമാണ് കുറഞ്ഞത്. ഇതോടെ ഒരു ഗ്രാം 22 കാരറ്റ് സ്വര്ണത്തിന്റെ വിപണി വില 8230 രൂപയായി. ഒരു പവന് സ്വര്ണത്തിന്റെ വില 65840 രൂപയിലുമെത്തി. കഴിഞ്ഞ ദിവസം (മാര്‍ച്ച് 21) സ്വര്‍ണനിരക്ക് ഗ്രാമിന് 40 രൂപയും, പവന് 320 രൂപയുമാണ് കുറഞ്ഞത്.
എന്നാല്‍, 18 കാരറ്റ് സ്വര്‍ണത്തിന്റെയും വെള്ളിയുടെയും വില നിര്‍ണയത്തില്‍ സ്വര്ണവ്യാപാരി സംഘടനകള്ക്കിടയില് വ്യത്യസ്ത അഭിപ്രായങ്ങളാണ് നിലനില്‍ക്കുന്നത്. കെ സുരേന്ദ്രന്‍ പ്രസിഡന്റും അഡ്വ. എസ് അബ്ദുല്‍ നാസര്‍ സെക്രട്ടറിയുമായി പ്രവര്‍ത്തിക്കുന്ന ഓള്‍ കേരള ഗോള്‍ഡ് ആന്‍ഡ് സില്‍വര്‍ മെര്ച്ചന്റ്സ് അസോസിയേഷന്‍ (AKGSMA) 18 കാരറ്റ് സ്വര്ണത്തിന്റെ വിലയില് ഇടിവ് വരുത്തിയിട്ടുണ്ട്. ഈ സംഘടനയുടെ കണക്കനുസരിച്ച്, 18 കാരറ്റ് സ്വര്‍ണത്തിന് ഗ്രാമിന് 35 രൂപ കുറഞ്ഞ് 6750 രൂപയായി. അതുപോലെ, ഒരു പവന് 280 രൂപ കുറഞ്ഞ് 54000 രൂപയാണ് പുതിയ വില. സാധാരണ വെള്ളിയുടെ വിലയില് മാറ്റമില്ല. ഗ്രാമിന് 110 രൂപയായി തുടരുമെന്നും അവര്‍ അറിയിച്ചു.
മറുവശത്ത്, ഡോ. ബി ഗോവിന്ദന്‍ ചെയര്‍മാനും ജസ്റ്റിന്‍ പാലത്ര പ്രസിഡന്റുമായുള്ള ഓള്‍ കേരള ഗോള്‍ഡ് ആന്‍ഡ് സില്‍വര്‍ മെര്ച്ചന്റ്സ് അസോസിയേഷന്‍ (AKGSMA) 18 കാരറ്റ് സ്വര്‍ണത്തിന് ഗ്രാമിന് 30 രൂപ കുറച്ച് 6795 രൂപയാണ് വില നിശ്ചയിച്ചിരിക്കുന്നത്. പവന് 240 രൂപ കുറച്ച് 54360 രൂപയാണ് ഈ സംഘടനയുടെ വില. സാധാരണ വെള്ളിയുടെ വിലയിലും സംഘടന മാറ്റം വരുത്തി. അവരുടെ കണക്കനുസരിച്ച്, ഗ്രാമിന് 110 രൂപയില്‍ നിന്ന് രണ്ട് രൂപ കുറച്ച് 108 രൂപയാണ് വെള്ളിയുടെ ശനിയാഴ്ചത്തെ വില.
തുടര്ച്ചയായുള്ള വിലയിലെ ചാഞ്ചാട്ടം സ്വര്ണവിപണിയിലെ അനിശ്ചിതത്വം വ്യക്തമാക്കുന്നു. വരും ദിവസങ്ങളില്‍ സ്വര്‍ണവില എങ്ങനെയായിരിക്കും എന്ന ആകാംക്ഷയിലാണ് നിക്ഷേപകരും സാധാരണക്കാരും.
ഈ വാർത്ത നിങ്ങളുടെ സുഹൃത്തുക്കളുമായി പങ്കുവെക്കുക. നിങ്ങളുടെ അഭിപ്രായങ്ങൾ കമന്റുകളായി രേഖപ്പെടുത്തുക.
Gold prices in Kerala have decreased, with a sovereign of 22-carat gold dropping by ₹320. There are variations in 18-carat gold and silver prices due to differing opinions among gold trader associations, indicating market uncertainty.
#GoldPrice, #KeralaGold, #EconomyNews, #MarketUpdate, #GoldRate, #BusinessNews
