6 വര്‍ഷത്തെ ബന്ധം അവസാനിപ്പിച്ചു; സൊമാറ്റോ സഹസ്ഥാപകനും ചീഫ് ഓപെററ്റിങ് ഓഫിസറുമായ ഗൗരവ് ഗുപ്ത രാജിവച്ചു
Sep 14, 2021, 15:16 IST
മുംബൈ: (www.kvartha.com 14.09.2021) പ്രശസ്തമായ ഓണ്‍ലൈന്‍ ഭക്ഷണ വിതരണ കമ്പനിയായ സൊമാറ്റോയുടെ സഹസ്ഥാപകനും ചീഫ് ഓപെററ്റിങ് ഓഫിസറുമായ ഗൗരവ് ഗുപ്ത രാജിവച്ചു. കമ്പനിയില്‍നിന്ന് പുറത്തുപോകാനുള്ള യഥാര്‍ഥ കാരണം വ്യക്തമാക്കിയില്ല.
സൊമാറ്റോയുമായുള്ള 6 വര്‍ഷത്തെ ബന്ധം അവസാനിപ്പിച്ചാണ് ഗൗരവ് ഗുപ്തയുടെ പടിയിറക്കം. നേരത്തേ സൊമാറ്റോ സ്ഥാപകന്‍ ദീപീന്ദര്‍ ഗോയലുമായുണ്ടായ തര്‍ക്കത്തിന് പിന്നാലെ ഗൗരവ് കമ്പനി വിടുമെന്ന റിപോര്‍ടുകള്‍ പുറത്തുവന്നിരുന്നു.
അതേസമയം ഗൗരവ് കമ്പനിക്ക് അയച്ച മെയിലിന്റെ വിശദാംശങ്ങള്‍ പുറത്തുവന്നു. 6 വര്‍ഷത്തെ ബന്ധം ഉപേക്ഷിച്ച് പുതിയ അധ്യായം ആരംഭിക്കാന്‍ പോകുന്നുവെന്നായിരുന്നു സന്ദേശം.
2015ലാണ് ഗുപ്ത സൊമാറ്റോയുടെ ഭാഗമാകുന്നത്. 2018ല്‍ ചീഫ് ഓപെററ്റിങ് ഓഫിസറായി. കമ്പനി വിദേശത്തേക്ക് വ്യാപിപ്പിക്കാനുള്ള ഗുപ്തയുടെ നീക്കം പരാജയമായിരുന്നു. എന്നാല്‍ സൊമാറ്റോയുടെ ഐ പി ഒയില്‍ പ്രധാന സാനിധ്യമായിരുന്ന ഗുപ്ത മാധ്യമങ്ങളുമായും നിക്ഷേപകരുമായുമുള്ള ചര്‍ച്ചകള്‍ക്ക് എന്നും നിര്‍ണായക നേതൃത്വം നല്‍കിയിരുന്നു.
Keywords: News, National, India, Mumbai, Online, Technology, Business, Business Man, Food, Zomato Co-Founder Gaurav Gupta Quits, Says 'Taking A New Turn' In LifeThank you @grvgpta – the last 6 years have been amazing and we have come very far. There's so much of our journey still ahead of us, and I am thankful that we have a great team and leadership to carry us forward.https://t.co/AJAmC5ie6R
— Deepinder Goyal (@deepigoyal) September 14, 2021
ഇവിടെ വായനക്കാർക്ക് അഭിപ്രായങ്ങൾ
രേഖപ്പെടുത്താം. സ്വതന്ത്രമായ
ചിന്തയും അഭിപ്രായ പ്രകടനവും
പ്രോത്സാഹിപ്പിക്കുന്നു. എന്നാൽ
ഇവ കെവാർത്തയുടെ അഭിപ്രായങ്ങളായി
കണക്കാക്കരുത്. അധിക്ഷേപങ്ങളും
വിദ്വേഷ - അശ്ലീല പരാമർശങ്ങളും
പാടുള്ളതല്ല. ലംഘിക്കുന്നവർക്ക്
ശക്തമായ നിയമനടപടി നേരിടേണ്ടി
വന്നേക്കാം.
