സംസ്ഥാന പബ്ലിക് സര്‍വീസ് കമ്മീഷന്‍ നടത്തുന്ന ഡിപാര്‍ട്‌മെന്റല്‍ പരീക്ഷയ്ക്ക് സൗജന്യ ഓണ്‍ലൈന്‍ പരിശീലനത്തിനായി അപേക്ഷിക്കാം; അവസാന തീയതി ഡിസംബര്‍ 15
Dec 2, 2020, 16:06 IST
തിരുവനന്തപുരം: (www.kvartha.com 02.12.2020) സംസ്ഥാന പബ്ലിക് സര്‍വീസ് കമ്മീഷന്‍ നടത്തുന്ന ഡിപാര്‍ട്‌മെന്റല്‍ പരീക്ഷയ്ക്ക് പട്ടിക ജാതി - പട്ടിക വര്‍ഗ്ഗ വിഭാഗങ്ങളില്‍പെട്ട സര്‍ക്കാര്‍ ഉദ്യോഗസ്ഥര്‍ക്ക് ഇൻറ്റിറ്റ്യൂട് ഓഫ് മാനേജ്മന്റ് ഇന്‍ ഗവണ്മെന്റ് (ഐ എം ജി) സൗജന്യ ഓണ്‍ലൈന്‍ പരിശീലനം നടത്തുന്നു. ക്ലാസ് രണ്ട്, ക്ലാസ് മൂന്ന് വിഭാഗത്തിലെ താത്പര്യമുള്ള ഉദ്യോഗസ്ഥര്‍ വിശദംശങ്ങള്‍ മേലധികാരിയുടെ ശുപാര്‍ശയോടെ ഐ എം ജി ഓഫീസില്‍ നല്‍കണം.
എന്നാല്‍ മുന്‍പ് ഈ പരിശീലനത്തില്‍ മുമ്പ് പങ്കെടുത്തിട്ടുള്ളവരും ഏതെങ്കിലും പ്രത്യേക വിഷയം മാത്രം എഴുതുന്നവരും അപേക്ഷിക്കേണ്ടതില്ല. മുന്‍പ് ഈ പരിശീലന പരിപാടിയില്‍ പങ്കെടുത്തിട്ടില്ല എന്നും, ഡിപാര്‍ട്‌മെന്റല്‍ പരീക്ഷ ഭാഗികമായി വിജയിച്ചിട്ടില്ല എന്നും, പരിശീലന കാലാവധി മുഴുവനും പരിശീലനത്തില്‍ പങ്കുകൊള്ളാമെന്നുമുള്ള സാക്ഷ്യപത്രം അപേക്ഷയ്ക്കൊപ്പം ഉള്ളടക്കം ചെയ്യണം.
ഡയറക്ടര്‍, ഐ എം ജി, വികാസ് ഭവന്‍, തിരുവനന്തപുരം എന്ന മേല്‍വിലാസത്തിലോ imgtvpm@gmail.com എന്ന മെയിലിലോ നാമനിര്‍ദ്ദേശം അയയ്ക്കണം. നാമനിര്‍ദ്ദേശം ലഭിക്കേണ്ട അവസാന തിയതി ഡിസംബര്‍ 15. വിശദവിവരങ്ങള്‍ക്ക്: www.img.kerala.gov.in. പരിശീലനം ജനുവരി ആദ്യവാരം ആരംഭിക്കും.
ഇവിടെ വായനക്കാർക്ക് അഭിപ്രായങ്ങൾ
രേഖപ്പെടുത്താം. സ്വതന്ത്രമായ
ചിന്തയും അഭിപ്രായ പ്രകടനവും
പ്രോത്സാഹിപ്പിക്കുന്നു. എന്നാൽ
ഇവ കെവാർത്തയുടെ അഭിപ്രായങ്ങളായി
കണക്കാക്കരുത്. അധിക്ഷേപങ്ങളും
വിദ്വേഷ - അശ്ലീല പരാമർശങ്ങളും
പാടുള്ളതല്ല. ലംഘിക്കുന്നവർക്ക്
ശക്തമായ നിയമനടപടി നേരിടേണ്ടി
വന്നേക്കാം.
