എന്ജിനീയറിങ് ബിരുദധാരികള്ക്ക് സേനയില് അവസരം; 49 ആഴ്ചയിലെ പരിശീലനത്തിനുശേഷം ലെഫ്റ്റനന്റ് തസ്തികയില് നിയമിക്കും, മാര്ച് 26-നകം അപേക്ഷ
Mar 12, 2021, 12:26 IST
ന്യൂഡെല്ഹി: (www.kvartha.com 12.03.2021) എന്ജിനീയറിങ് ബിരുദധാരികളായ അവിവാഹിതരായ പുരുഷന്മാര്ക്ക് സേനയില് അവസരം. ഡെറാഡൂണിലെ ഇന്ത്യന് മിലിടറി അകാഡമിയിലെ 133-ാം ടെക്നികല് ഗ്രാജുവേറ്റ് കോഴ്സിലേക്കുള്ള പ്രവേശനത്തിന് അപേക്ഷ ക്ഷണിച്ചു.
ആകെ 40 ഒഴിവുകളാണുള്ളത്. 49 ആഴ്ചയിലെ പരിശീലനത്തിനുശേഷം ലെഫ്റ്റനന്റ് തസ്തികയില് നിയമിക്കും. പരിശീലനസമയത്ത് 56,100 രൂപ സ്റ്റൈപന്ഡ് ലഭിക്കും. 20- 27 വയസ് ആണ് പ്രായപരിധി. 1994 ജൂലായ് രണ്ടിനും 2001 ജൂലായ് ഒന്നിനും ഇടയില്, രണ്ട് തീയതികളും ഉള്പ്പെടെ, ജനിച്ചവരായിരിക്കണം.
വിശദവിവരങ്ങള് www.joinindianarmy.nic.in എന്ന വെബ്സൈറ്റിലുണ്ട്. ചുരുക്കപ്പട്ടികയിലുള്പെടുന്നവര്ക്ക് രണ്ട് ഘട്ടങ്ങളിലായി അഭിമുഖമുണ്ടാകും. അതിനുശേഷമാകും നിയമനം. അവസാന തീയതി: മാര്ച് 26.
ഒഴിവുകള്: സിവില് ആന്ഡ് ബില്ഡിങ് കണ്സ്ട്രക്ഷന് ടെക്നോളജി- 11, മെകാനികല്- 3, ഇലക്ട്രികല്/ ഇലക്ട്രികല് ആന്ഡ് ഇലക്ട്രോണിക്സ്- 4, കംപ്യൂടര് സയന്സ് ആന്ഡ് എന്ജിനീയറിങ്/ കംപ്യൂടര് ടെക്നോളജി/ എം എസ്സി. കംപ്യൂടര് സയന്സ്- 9, ഐ ടി- 3, ഇലക്ട്രോണിക്സ് ആന്ഡ് ടെലികമ്യൂണികേഷന്- 2, ടെലികമ്യൂണികേഷന് എന്ജിനീയറിങ്- 1, ഇലക്ട്രോണിക്സ് ആന്ഡ് കമ്യൂണികേഷന്- 1, സാറ്റലൈറ്റ് കമ്യൂണികേഷന്- 1, എയ്റോനോടികല്/ എയ്റോസ്പേസ്/ എവിയോണിക്സ്- 3, ഓടോമൊബൈല് എന്ജിനീയറിങ്- 1, ടെക്സ്റ്റൈല് എന്ജിനീയറിങ്- 1.
ഇവിടെ വായനക്കാർക്ക് അഭിപ്രായങ്ങൾ
രേഖപ്പെടുത്താം. സ്വതന്ത്രമായ
ചിന്തയും അഭിപ്രായ പ്രകടനവും
പ്രോത്സാഹിപ്പിക്കുന്നു. എന്നാൽ
ഇവ കെവാർത്തയുടെ അഭിപ്രായങ്ങളായി
കണക്കാക്കരുത്. അധിക്ഷേപങ്ങളും
വിദ്വേഷ - അശ്ലീല പരാമർശങ്ങളും
പാടുള്ളതല്ല. ലംഘിക്കുന്നവർക്ക്
ശക്തമായ നിയമനടപടി നേരിടേണ്ടി
വന്നേക്കാം.