ഇഷയുടെ വിവാഹ സത്ക്കാരത്തില്‍ ആടിത്തിമിര്‍ത്ത് ഐശ്വര്യയും ദീപികയും; ഡാന്‍സ് സോഷ്യല്‍ മീഡിയയില്‍ വൈറലായതോടെ 'സ്‌റ്റെപ്പ് കണ്ടാല്‍ അറിയാം ഇരുവരും പൂസിലാണെന്ന്' പയ്യന്‍മാര്‍

ജയ്പൂര്‍: (www.kvartha.com 13.12.2018) വ്യവസായി മുകേഷ് അംബാനിയുടെ മകള്‍ ഇഷ അംബാനിയുടെ വിവാഹ സല്‍ക്കാരത്തിനിടെ ഒപ്പത്തിനൊപ്പം ചുവടുവെച്ച് താരറാണിമാരായ ഐശ്വര്യാ റായിയും ദീപിക പദുകോണും. ദീപിക പദുക്കോണിനെ കെട്ടിപ്പിടിച്ച് ഡാന്‍സ് കളിക്കുന്ന ഐശ്വര്യറായിയുടെ വീഡിയോയാണ് ഇപ്പോള്‍ സോഷ്യല്‍ മീഡിയയില്‍ വൈറലായിരിക്കുന്നത്.

ദീപികയെ കൈ പിടിച്ചുകൊണ്ടുവരുന്ന ഐശ്വര്യ പഞ്ചാബി ഗാനത്തിന് ചുവടുവെച്ച് ഡാന്‍സ് ചെയ്യിപ്പിക്കുകയായിരുന്നു. അതേസമയം ഐശ്വര്യ റായ് മദ്യപിച്ച് ലക്കുകെട്ടിരിക്കുകയാണെന്നും അത് ആ ഡാന്‍സ് സ്‌റ്റൈപ് കണ്ടാല്‍ തന്നെ അറിയാമെന്നും വീഡിയോ കണ്ട ആരാധകര്‍ വിമര്‍ശിച്ചു.


എന്നാല്‍ എന്നെങ്കിലുമാണ് അവര്‍ മനസ്സ് തുറന്ന് ആഘോഷിക്കുന്നത്. അവരെ വെറുതെ വിടൂ എന്നും ചിലര്‍ പറഞ്ഞു. ദൃശ്യങ്ങളില്‍ തൊട്ടടുത്ത് ഡാന്‍സ് കളിക്കുന്ന രണ്‍വീര്‍ സിങിനെയും അഭിഷേക് ബച്ചനെയും കാണാം. ഇരുവരുടെയും ഡാന്‍സിന്റെ വീഡിയോ ഇപ്പോള്‍ സോഷ്യല്‍ മീഡിയയില്‍ വാറലായിക്കഴിഞ്ഞു.