ഷൂട്ടിംഗിനിടെ വാട്ടര്‍ ടാങ്ക് തകര്‍ന്ന് നടി വേദിക വെള്ളത്തില്‍ ഒലിച്ചുപോകാതിരുന്നത് ഭാഗ്യംകൊണ്ട്

കൊച്ചി: ഷൂട്ടിംഗിനിടെ വാട്ടര്‍ ടാങ്ക് തകര്‍ന്ന് നടി വേദിക വെള്ളത്തില്‍ ഒലിച്ചുപോകാതിരുന്നത് ഭാഗ്യംകൊണ്ട്. ദിലീപ് നായകനായ ശൃംഗാരവേലന്റെ  ക്ലൈമാക്‌സ് രംഗത്തിലാണ് വേദിക അത്ഭുതകരമായി അപകടത്തില്‍പെടാതെ രക്ഷപ്പെട്ടത്.

നിര്‍മാണം നടന്നുകൊണ്ടിരിക്കുന്ന  ബഹുനില കെട്ടിടത്തിന്റെ ഏറ്റവും മുകളിലത്തെ നിലയിലാണ് ഷൂട്ടിംഗ് നടന്നത്.  ഓടിയടുത്ത വില്ലന്മാരില്‍ നിന്ന് രക്ഷപെടുത്താനായി ദിലീപ് നായികയായ വേദികയെ വാരിയെടുത്തു മുകളിലുള്ള വാട്ടര്‍ ടാങ്കിലേക്ക് എറിയുന്ന രംഗം ചിത്രീകരിക്കുന്നതിനിടയിലാണ് ഒന്നരയാള്‍ പൊക്കത്തിലുള്ള കൃത്രിമ വാട്ടര്‍ടാങ്കിന്റെ നാലുഭിത്തികളും തകര്‍ന്നുവീണത്.

ടാങ്കിന്റെ ഭിത്തി തകര്‍ന്നപ്പോള്‍ വെള്ളത്തിന്റെ ശക്തമായ ഒഴുക്കുണ്ടായെങ്കിലും മൂന്ന് നിലയിലുള്ള കെട്ടിടത്തിന്റെ താഴേക്ക് നടി പതിക്കാതിരുന്നത് ഭാഗ്യമൊന്നുകൊണ്ടു മാത്രമാണ്.

പുറത്തിറങ്ങിയ സിനിമയില്‍ നടിയെ ടാങ്കിലേക്കിടുന്ന ദൃശ്യം മാത്രമാണ് പ്രേക്ഷകര്‍ക്ക് കാണാന്‍ കഴിഞ്ഞത്. ചിത്രം പുറത്തിറങ്ങി രണ്ടുമാസത്തിനുള്ളിലാണ് നടി അപകടത്തില്‍ പെട്ട ദൃശ്യം യൂട്യൂബിലൂടെ പുറത്തുവന്നത്.

ടാങ്ക് തകര്‍ന്നപ്പോള്‍ സ്തംഭിച്ചുനിന്ന വേദികയെ ക്യാമറാ അസിസ്റ്റന്റ് പെട്ടെന്ന് അവിടെ നിന്നും മാറ്റി. യാതൊരു  സുരക്ഷാ സംവിധാനങ്ങളുമില്ലാതെയാണ് ഇത്തരം രംഗങ്ങള്‍ ചിത്രീകരിക്കുന്നതെന്ന് ഈ ദൃശ്യങ്ങള്‍ തെളിയിക്കുന്നു.

 കലാസംവിധായകന്റെ കരവിരുതില്‍ നിര്‍മിച്ച വാട്ടര്‍ ടാങ്കിന്റെ ഭിത്തിക്ക് യാതൊരുവിധ ഉറപ്പും ഇല്ലെന്ന് അറിയാമായിരുന്നിട്ടും നടിയെ ഇത്തരമൊരു സാഹസിക രംഗം ചിത്രീകരിക്കാന്‍ ഉപയോഗിച്ചത് സിനിമാ രംഗത്തുള്ളവരേയും പൊതുജനങ്ങളേയും ഒരുപോലെ ഞെട്ടിച്ചിരിക്കയാണ്.

വേദിക അപകടത്തില്‍പെടുന്ന യൂട്യൂബ് വീഡിയോ സോഷ്യല്‍ മീഡിയകളില്‍ വൈറലായിരിക്കയാണ്. നടി വെള്ളത്തില്‍ വീണപ്പോള്‍ വെപ്രാളപ്പെട്ട് ടാങ്കിന്റെ ഭിത്തിയില്‍ ചെറുതായൊന്ന് പിടിച്ചതാണ് ടാങ്ക് തകര്‍ന്ന് വീഴാന്‍ കാരണമായതെന്നാണ് കരുതുന്നത്. നടിയെ ഉയരത്തില്‍ നിന്നും വെള്ളത്തില്‍ ഇട്ടപ്പോള്‍ ടാങ്ക് തകര്‍ന്നിരുന്നുവെങ്കില്‍ ദുരന്തം സംഭവിക്കുമെന്ന കാര്യം ഉറപ്പാണ്.



ഞങ്ങളുടെ Facebookലും Twitterലും അംഗമാകൂ. ഓരോ വാര്‍ത്തയും കെവാര്‍ത്തയിലൂടെ അറിയാം.

Also Read:
മറാഠി വിഭാഗത്തെ പട്ടികവര്‍ഗ ലീസ്റ്റില്‍ ഉള്‍പ്പെടുത്തുന്നതിനെതിരെ സുപ്രീം കോടതിയില്‍ ഹര്‍ജിനല്‍കി

Keywords:  Vedika, Kochi, Film, Actress, Accident, Cine Actor, Dileep, Entertainment, Cinema, Malayalam News, National News, Kerala News, International News, Sports News, Entertainment, Stock News. current top stories, photo galleries, Top Breaking News on Politics and Current Affairs in India & around the World, discussions, interviews and more, Kerala culture, Malayalam comedy, Malayalam news channel, Kerala news paper, News malayalam, Today news paper, Today cricket news, Malayalam hot news, Malayalam kathakal, Live malayalam news, News Kerala, Malayalam gulf news.