താര ജാഡയില്ലാതെ സെറ്റില്‍ പ്രണവിന്റെ ഓണാഘോഷം; അച്ഛന്റെ 'ജിമ്മിക്കി കമ്മല്‍' പാട്ടിന് താരത്തിനൊപ്പം ചുവട് വെക്കാന്‍ തുണിയുടുത്ത് അതിഥി രവിയും അനുശ്രീയുമടക്കമുള്ള പെണ്‍പട, വീഡിയോ കാണാം

ഹൈദരാബാദ്:(www.kvartha.com 05/09/2017) താര ജാഡയില്ലാതെ സെറ്റില്‍ പ്രണവിന്റെ ഓണാഘോഷം. അച്ഛന്റെ സിനിമയിലെ 'ജിമ്മിക്കി കമ്മല്‍' എന്ന പാട്ടിന് താരത്തിനൊപ്പം ചുവട് വെക്കാന്‍ തുണിയുടുത്ത മങ്കമാരായി മലയാളികളുടെ ഇഷ്ട നായികമാരായ അതിഥി രവിയും അനുശ്രീയുമടക്കമുള്ളവരുമുണ്ട്. പ്രണവ് മോഹന്‍ലാല്‍ നായകനായി അഭിനയിക്കുന്ന 'ആദി'യുടെ ഹൈദരാബാദ് ഫിലിം സിറ്റിയിലെ സെറ്റിലാണ് പ്രണവും അതിഥിയും അനുശ്രീയും ലെനയുമെല്ലാം ഡാന്‍സും പാട്ടുമായി ഓണം ആഘോഷിച്ചത്.


മോഹന്‍ലാലിന്റെ പുതിയ സിനിമയായ വെളിപാടിന്റെ പുസ്തകത്തിലെ 'എന്റമ്മേടെ ജിമ്മിക്കി കമ്മല്‍.. എന്റച്ഛന്‍ കട്ടോണ്ടുപോയേ' എന്ന് തുടങ്ങുന്ന പാട്ട് ഒരാഴ്ചയായി കേരളക്കരയില്‍ തരംഗമാവുകയാണ്. ഈ വരികള്‍ക്കാണ് താരങ്ങള്‍ ചുവട് വെച്ചത്. വെളിപാടിന്റെ പുസ്തകം വിജയിച്ചില്ലെങ്കിലും അതിലെ ഈ പാട്ട് ഹിറ്റാവുകയായിരുന്നു.

ജിത്തു ജോസഫ് സംവിധാനം ചെയ്യുന്ന ആദിയുടെ ഷൂട്ടിങ്ങ് ഇപ്പോള്‍ നടക്കുന്നത് ഹൈദരബാദിലെ റാമോജി ഫിലിം സിറ്റിയിലാണ്. സിനിമയുടെ അണിയറ പ്രവര്‍ത്തകരുടെ ഓണം വ്യത്യസ്തമാക്കാനായി സ്ത്രീകള്‍ ചേര്‍ന്ന് ഫഌഷ് മോബും സംഘടിപ്പിച്ചിരുന്നു. സംവിധായകന്‍ ജിത്തു ജോസഫ് ഫേസ്ബുക്ക് ലൈവിലൂടെയാണ് തങ്ങളുടെ ഇത്തവണത്തെ ഓണാഘോഷത്തിന്റെ ദൃശ്യങ്ങള്‍ പുറത്ത് വിട്ടിരുന്നത്.