ഇതെന്താണിത് ഇത് ശരിയല്ല മാറിനില്‍ക്കൂ; നാട്ടിലെ ബൂതില്‍ വോട് ചെയ്യാനെത്തിയപ്പോള്‍ മൈകുമായി അടുത്തെത്തിയ മാധ്യമപ്രവര്‍ത്തകരോട് മാറി നില്‍ക്കാന്‍ പറഞ്ഞ് നടന്‍ ഫഹദ് ഫാസില്‍
Apr 6, 2021, 18:53 IST
ആലപ്പുഴ: (www.kvartha.com 06.04.2021) നാട്ടിലെ ബൂതില്‍ വോട് ചെയ്യാനെത്തിയപ്പോള്‍ മൈകുമായി അടുത്തെത്തിയ മാധ്യമപ്രവര്‍ത്തകരോട് മാറി നില്‍ക്കാന്‍ പറഞ്ഞ് നടന്‍ ഫഹദ് ഫാസില്‍. തെരഞ്ഞെടുപ്പിനെ കുറിച്ച് അഭിപ്രായം ചോദിച്ചുകൊണ്ട് അടുത്തേക്ക് മൈകുമായി എത്തിയ മാധ്യമപ്രവര്‍ത്തകരോട് ഇതെന്താണിത് ഇത് ശരിയല്ല മാറിനില്‍ക്കൂ എന്നാണ് ഫഹദ് പറഞ്ഞത്. 
നടന്‍ മമ്മൂട്ടി വോട് ചെയ്യാന്‍ എത്തിയതിനെ തുടര്‍ന്ന് രാവിലെ പോളിങ് ബൂതില്‍ വാക്കേറ്റം നടന്നിരുന്നു. മമ്മൂട്ടി വോട് ചെയ്യാന്‍ വന്നതിന്റെ ചിത്രങ്ങള്‍ പകര്‍ത്തുകയായിരുന്ന മാധ്യമപ്രവര്‍ത്തകരെ ബിജെപി പ്രവര്‍ത്തകര്‍ തടഞ്ഞു. തൃക്കാക്കര മണ്ഡലത്തിലാണ് മമ്മൂട്ടിക്ക് വോട്. പൊന്നുരുന്നി സികെഎസ് സ്‌കൂളിലാണ് ഭാര്യ സുല്‍ഫത്തിനൊപ്പം മമ്മൂട്ടി വോട് രേഖപ്പെടുത്തിയത്.
താരം പോളിങ് ബൂതിലെത്തിയ സമയത്താണ് സ്ഥലത്ത് സംഘര്‍ഷമുണ്ടായത്. മമ്മൂട്ടി വോട് ചെയ്യാനെത്തിയ ദൃശ്യങ്ങള്‍ പകര്‍ത്തുന്നതിനെതിരെ ബിജെപി പ്രവര്‍ത്തകര്‍ പ്രതിഷേധിക്കുകയായിരുന്നു. തൃക്കാക്കരയിലെ ബിജെപി സ്ഥാനാര്‍ഥി എസ് സജിയുടെ ഭാര്യയുടെ നേതൃത്വത്തിലാണ് മമ്മൂട്ടിയുടെ ചിത്രങ്ങള്‍ പകര്‍ത്തുന്നതില്‍ നിന്ന് ബിജെപി പ്രവര്‍ത്തകര്‍ മാധ്യമപ്രവര്‍ത്തകരെ തടഞ്ഞത്.
Keywords: What is this? This is not right. Actor Fahad Fazil told reporters who approached him with a mike to stand aside while voting at a local booth, Alappuzha, News, Assembly-Election-2021, Media, Cine Actor, Cinema, Fahad Fazil, Kerala, Politics.
ഇവിടെ വായനക്കാർക്ക് അഭിപ്രായങ്ങൾ
രേഖപ്പെടുത്താം. സ്വതന്ത്രമായ
ചിന്തയും അഭിപ്രായ പ്രകടനവും
പ്രോത്സാഹിപ്പിക്കുന്നു. എന്നാൽ
ഇവ കെവാർത്തയുടെ അഭിപ്രായങ്ങളായി
കണക്കാക്കരുത്. അധിക്ഷേപങ്ങളും
വിദ്വേഷ - അശ്ലീല പരാമർശങ്ങളും
പാടുള്ളതല്ല. ലംഘിക്കുന്നവർക്ക്
ശക്തമായ നിയമനടപടി നേരിടേണ്ടി
വന്നേക്കാം.
