(KVARTHA) ബേസിൽ ജോസഫ് നായകനായെത്തുന്ന 'മരണമാസ്സ്' സിനിമ വ്യാഴാഴ്ച മുതൽ തിയേറ്ററുകളിൽ എത്തും. ചിത്രത്തിന് യു/എ സർട്ടിഫിക്കറ്റ് ലഭിച്ചതായി സെൻസർ ബോർഡ് അറിയിച്ചു. അൽപ്പം മുൻപ് സെൻസർ ബോർഡ് അംഗങ്ങൾക്കായി സിനിമയുടെ പ്രത്യേക പ്രദർശനം നടന്നിരുന്നു. വിഷു റിലീസായി എത്തുന്ന ഈ ചിത്രം ഏപ്രിൽ 10നാണ് പ്രേക്ഷകരിലേക്ക് എത്തുന്നത്.

നവാഗതനായ ശിവപ്രസാദ് ആണ് ഈ സിനിമ സംവിധാനം ചെയ്യുന്നത്. ടൊവിനോ തോമസ് പ്രൊഡക്‌ഷൻസ്, റാഫേൽ ഫിലിം പ്രൊഡക്‌ഷൻസ്, വേൾഡ് വൈഡ് ഫിലിംസ് എന്നീ ബാനറുകളിൽ ടൊവിനോ തോമസ്, റാഫേൽ പൊഴോലിപറമ്പിൽ, ടിങ്സ്‌റ്റൺ തോമസ്, തൻസീർ സലാം എന്നിവർ ചേർന്നാണ് ചിത്രത്തിന്റെ നിർമ്മാണം നിർവഹിച്ചിരിക്കുന്നത്. നടൻ സിജു സണ്ണിയുടേതാണ് ചിത്രത്തിന്റെ കഥ. തിരക്കഥയും സംഭാഷണവും ഒരുക്കിയിരിക്കുന്നത് സിജു സണ്ണിയും സംവിധായകൻ ശിവപ്രസാദും ചേർന്നാണ്.

ബേസിൽ ജോസഫിനൊപ്പം രാജേഷ് മാധവൻ, സിജു സണ്ണി, പുളിയനം പൗലോസ്, സുരേഷ് കൃഷ്ണ, ബാബു ആന്റണി, അനിഷ്‌മ അനിൽകുമാർ എന്നിവരും ഈ ചിത്രത്തിൽ പ്രധാന കഥാപാത്രങ്ങളെ അവതരിപ്പിക്കുന്നു.

സിനിമയുടെ ബുക്കിംഗ് ആരംഭിച്ചിട്ടുണ്ട്. ഇതിനോടകം തന്നെ മികച്ച പ്രതികരണമാണ് ലഭിക്കുന്നത്. ബേസിൽ ജോസഫിനെ വളരെ രസകരവും സ്റ്റൈലിഷുമായ ലുക്കിലാണ് ഈ സിനിമയിൽ അവതരിപ്പിക്കുന്നത്. വ്യത്യസ്തമായ ഗെറ്റപ്പിലുള്ള ബേസിലിന്റെ ഫസ്റ്റ് ലുക്ക് പോസ്റ്റർ ഏറെ ശ്രദ്ധ നേടിയിരുന്നു. 

ബേസിൽ ജോസഫിന്റെ തനത് കോമഡി ശൈലിയോടൊപ്പം സസ്പെൻസും ആക്ഷനും നിറഞ്ഞ ഒരു ചിത്രമായിരിക്കും 'മരണമാസ്സ്' എന്ന സൂചന നൽകി പുറത്തിറങ്ങിയ ട്രെയിലർ ഏറെ ശ്രദ്ധിക്കപ്പെട്ടിരുന്നു. ചിത്രത്തിലെ ട്രെയിലറും, പ്രൊമോ സോങ്ങായ ഫ്ലിപ് സോങ്ങും ഇപ്പോഴും ട്രെൻഡിംഗിൽ ഉണ്ട്. ഇതിനിടയിൽ ചിത്രത്തിലെ ഏറ്റവും പുതിയ ഗാനമായ ‘ചില്ല് നീ’ യൂട്യൂബിൽ റിലീസ് ചെയ്തിരിക്കുകയാണ്. വിനായക് ശശി കുമാറിന്റെ വരികൾക്ക് ജെ കെ ആണ് സംഗീതം നൽകിയിരിക്കുന്നത്.

ഗോകുൽനാഥ് ജി ആണ് ചിത്രത്തിന്റെ എക്സിക്യൂട്ടീവ് പ്രൊഡ്യൂസർ. നീരജ് രവിയാണ് ഛായാഗ്രഹണം നിർവഹിച്ചിരിക്കുന്നത്. സംഗീതം ജയ് ഉണ്ണിത്താൻ, എഡിറ്റിംഗ് ചമൻ ചാക്കോ, വരികൾ വിനായക് ശശികുമാർ, പ്രൊഡക്ഷൻ ഡിസൈൻ മാനവ് സുരേഷ്, വസ്ത്രാലങ്കാരം മഷർ ഹംസ, മേക്കപ്പ് ആർ ജി വയനാടൻ, സൗണ്ട് ഡിസൈൻ ആൻഡ് മിക്സിങ് വിഷ്ണു ഗോവിന്ദ്, വിഎഫ്എക്സ് എഗ്ഗ് വൈറ്റ് വിഎഫ്എക്സ്, ഡിഐ ജോയ്നർ തോമസ്, പ്രൊഡക്ഷൻ കൺട്രോളർ എൽദോ സെൽവരാജ്, സംഘട്ടനം കലൈ കിങ്‌സൺ, കോ ഡയറക്ടർ ബിനു നാരായൺ, ചീഫ് അസ്സോസിയേറ്റ് ഡയറക്ടർ ഉമേഷ് രാധാകൃഷ്ണൻ, സ്റ്റിൽസ് ഹരികൃഷ്ണൻ, ഡിസൈൻസ് സർക്കാസനം, ഡിസ്ട്രിബൂഷൻ ടോവിനോ തോമസ് പ്രൊഡക്ഷൻസ് ത്രൂ ഐക്കൺ സിനിമാസ്, പിആർഒ വൈശാഖ് സി വടക്കേവീട്, ജിനു അനിൽകുമാർ എന്നിവരാണ് മറ്റ് അണിയറ പ്രവർത്തകർ.

ഈ വാർത്ത പങ്കുവെക്കുകയും  അഭിപ്രായങ്ങൾ രേഖപ്പെടുത്തുകയും ചെയ്യുക.

Basil Joseph's upcoming movie 'Maranmass' is set to hit theaters on Thursday, April 10th, as a Vishu release, having received a U/A certificate. Directed by debutant Sivasankaran and produced by Tovino Thomas and others, the film is anticipated to be a comedy with suspense and action elements. Booking has started with positive responses.

 #Maranmass #BasilJoseph #MalayalamMovie #VishuRelease #UAcertificate #TovinoThomas