കണ്ണൂർ: (KVARTHA) ഒരു ഫുട്‌വെയർ കടയിൽ നടന്ന അപ്രതീക്ഷിതമായ ഒരു സംഭവം നഗരത്തെ ഞെട്ടിച്ചു. പഴയ ഒരു രൂപയുടെ നോട്ട് കൊണ്ട് ആദ്യം എത്തുന്ന 75 പേർക്ക് ഇഷ്ടമുള്ള ചെരുപ്പ് സൗജന്യമായി നൽകുമെന്ന പ്രഖ്യാപനം സോഷ്യൽ മീഡിയയിൽ വൈറലായതോടെയാണ് സംഭവം.

ആദ്യം കാര്യമായ പ്രതികരണം ഉണ്ടാകില്ലെന്നായിരുന്നു ഫൂട് വെയര്‍ കട ഉടമ കരുതിയത്. എന്നാല്‍ ഈ ഓഫറിന്‍റെ സമയപരിധി അടുത്തതോടെ ആളുകൾ കടയിലെക്ക് ഒഴുകിയെത്തി. പിന്നീട് ഇത് വലിയ ജനക്കൂട്ടത്തിന്‍റെ രൂപത്തിൽ മാറി, ഇതോടെ സമീപ പ്രദേശത്തും ഗതാഗത തടസ്സം ഉണ്ടായി. സംഭവം ഗണ്യമായി വളർന്ന്, അധിക്ഷേപവും ആക്രോഷവും സൃഷ്ടിക്കുന്നതായി മാറിയതോടെ, കണ്ണൂർ ടൗൺ പോലീസ് ഇടപെട്ട് കട അടപ്പിച്ചു.

ഞായറഴ്ച ഉച്ചക്ക് 12 മണി മുതല്‍ 3 മണി വരെയായിരുന്ന ഓഫർ സമയത്ത്, പഴയ ഒരു രൂപ നോട്ടുമായി കടയിലെത്തുന്ന ആദ്യ 75 ആളുകൾക്ക്, അവരുടെ ഇഷ്ടമുള്ള ഷൂ വാങ്ങാമെന്നായിരുന്നു ഒഫർ.

മറ്റു ഓഫറുകളും ഇഷ്ടാനുസൃതമായി കടയിൽ ലഭ്യമാകും എന്നും പരസ്യത്തിലുണ്ടായിരുന്നു. ഒരു രൂപ നോട്ട് തപ്പിയെടുത്ത് ജില്ലയില്‍നിന്നും പുറത്തും ഉള്ളവര്‍ അതിരാവിലെ എത്തി. 11 മണിയോടെ ആ പ്രദേശമാകെ ആളുകളെ കൊണ്ട് നിറഞ്ഞു.

സോഷ്യൽ മീഡിയയിൽ പ്രചരിച്ച വീഡിയോകളും ചിത്രങ്ങളും കണ്ട് അനേകം ആളുകൾ ചെരുപ്പ് വാങ്ങാൻ എത്തി. ആദ്യ 75 പേരിൽ ഉൾപ്പെടാൻ പുലർച്ചെ മുതൽ സ്ത്രീകൾ ഉൾപ്പെടെ എത്തിയതോടെ കടയ്ക്ക് മുന്നിൽ വലിയ തിരക്ക് അനുഭവപ്പെട്ടു.

ഗതാഗതം പൂർണമായും തടസ്സപ്പെട്ടു. തുടർന്ന് ടൗണ്‍ പോലീസ് ഇടപെട്ട്, പൊലീസിന്റെ നിർദ്ദേശപ്രകാരം ഉടമകള്‍ കട പൂട്ടിയതോടെ ഓഫര്‍ ലഭിക്കാത്ത നിരാശയില്‍ ആളുകള്‍ പിരിഞ്ഞുപോയി. കടയുടമയ്ക്ക് മികച്ച പരസ്യവും ലഭിക്കുകയുണ്ടായി.

#Kannur, #ShoeOffer, #TrafficJam, #PoliceIntervention, #CrowdControl, #SocialMediaOffer