ന്യൂഡൽഹി: (KVARTHA) ന്യൂസീലൻഡിനെതിരായ ടെസ്റ്റ് പരമ്പരയിലെ ഇന്ത്യയുടെ പരാജയം ഇന്ത്യൻ ക്രിക്കറ്റ് ആരാധകരെ നിരാശയിലാക്കിയിരിക്കുന്നു. മൂന്ന് മത്സരങ്ങളും തോറ്റതോടെ ഇന്ത്യൻ ടീം വലിയ വിമർശനങ്ങൾക്ക് ഇടയാക്കിയിരിക്കുന്നു. മൂന്നാം ടെസ്റ്റിലെ അവസാന ദിനം 148 റൺസ് വിജയലക്ഷ്യത്തോടെ ഇറങ്ങിയ ഇന്ത്യക്ക് അത് നേടാൻ കഴിഞ്ഞില്ല. 

121 റൺസിന് പുറത്തായ ഇന്ത്യ 25 റൺസിന് പരാജയപ്പെട്ടു. പരമ്പര 3-0ന് സ്വന്തമാക്കി ന്യൂസിലാൻഡ് ചരിത്രം രചിച്ചു. സ്വന്തം മണ്ണിൽ ആദ്യമായാണ് ഇന്ത്യക്ക് ഇങ്ങനെയൊരു തോൽവി. റിഷഭ് പന്തിന്റെ 64 റൺസ് മാത്രമായിരുന്നു ശ്രദ്ധേയമായ ഇന്നിങ്സ്. ഇതോടെ റാങ്കിങ്ങിൽ ഒന്നാം സ്ഥാനത്തുനിന്ന് ഇന്ത്യ രണ്ടാമത്തേക്ക് പിന്തള്ളപ്പെട്ടു. 2023-25 വർഷത്തിൽ ഇന്ത്യ 14 ടെസ്റ്റ് മത്സരങ്ങൾ കളിച്ചിട്ടുണ്ട്. ഇതിൽ എട്ട് ജയം, അഞ്ച് തോൽവി, ഒരു സമനില എന്നതാണ് ഇന്ത്യയുടെ പ്രകടനം. ഇന്ത്യയുടെ വിജയ ശതമാനം 58.33 ആണ്. 

ഓസ്ട്രേലിയ 12 മത്സരങ്ങളിൽ എട്ട് ജയിച്ച് ഒന്നാം സ്ഥാനത്തെത്തി. അവരുടെ വിജയ ശതമാനം 62.50 ആണ്. ശ്രീലങ്ക മൂന്നാം സ്ഥാനത്തും ന്യൂസിലാൻഡ് നാലാം സ്ഥാനത്തും ദക്ഷിണാഫ്രിക്ക അഞ്ചാം സ്ഥാനത്തുമാണ്. ഇംഗ്ലണ്ട്, പാകിസ്ഥാൻ, ബംഗ്ലാദേശ്, വെസ്റ്റ് ഇൻഡീസ് എന്നീ ടീമുകൾ ക്രമമായി ആറാം, ഏഴാം, എട്ടാം, ഒമ്പതാം സ്ഥാനങ്ങളിലാണ്.

ബാറ്റിംഗിൽ പോരായ്മ 

ഈ പരമ്പര ഇന്ത്യൻ ബാറ്റിംഗിലെ പോരായ്മകൾ വെളിപ്പെടുത്തിയിരിക്കുന്നു. മൂന്ന് ടെസ്റ്റ് മത്സരങ്ങളിലായി, രോഹിത് ശർമ്മ, വിരാട് കോഹ്‌ലി, ഋഷഭ് പന്ത് തുടങ്ങിയ സീനിയർ താരങ്ങൾ ഉൾപ്പെടെ, ഇന്ത്യൻ ബാറ്റ്‌സ്മാന്മാർക്ക് സ്ഥിരത പുലർത്താൻ കഴിഞ്ഞിട്ടില്ല. ചില താരങ്ങൾ ഏതാനും ഇന്നിംഗ്‌സുകളിൽ മികച്ച പ്രകടനം കാഴ്‌ചവച്ചെങ്കിലും, പരമ്പരയിലുടനീളം ഒരൊറ്റ ഇന്ത്യൻ ബാറ്റ്‌സ്മാനും മികച്ച ഫോമിൽ തുടരാൻ കഴിഞ്ഞില്ല എന്നതാണ് വാസ്തവം. 

രോഹിത് ശർമ്മ - 2, 52, 0, 8, 18, 11 വിരാട് കോഹ്‌ലി- 0, 70, 1, 17, 4, 1 യശസ്വി ജയ്‌സ്വാൾ- 13, 35, 30, 77, 30, 5 സർഫറാസ് ഖാൻ- 0, 150, 11, 9, 0, 1 ഋഷഭ് പന്ത്- 20, 99, 18, 0, 60, 64 ശുഭ്മാൻ ഗിൽ - 30, 23, 90, 1 എന്നിങ്ങനെയിരുന്നു ഏറെ പ്രതീക്ഷയർപ്പിച്ച താരങ്ങളുടെ പ്രകടനം. വിരാട് കോഹ്‌ലിക്ക് ന്യൂസിലൻഡിനെതിരായ ആറ് ഇന്നിംഗ്സുകളിൽ നിന്ന് 93 റൺസ് മാത്രമേ നേടാനായുള്ളൂ. രോഹിത് ശർമ്മയുടെ ഫോമും മികച്ചതായിരുന്നില്ല. 

Losing 3-0 at home is a tough pill to swallow, and it calls for introspection.
Was it lack of preparation, was it poor shot selection, or was it lack of match practice? @ShubmanGill showed resilience in the first innings, and @RishabhPant17 was brilliant in both innings— his… pic.twitter.com/8f1WifI5Hd

— Sachin Tendulkar (@sachin_rt) November 3, 2024

രോഹിതിന്റെ ഫോമില്ലായ്മ 

വിരാട് കോഹ്‌ലിക്ക് രണ്ട് വർഷത്തിന് ശേഷം 2013ൽ ടെസ്റ്റ് കരിയർ ആരംഭിച്ച രോഹിത് ശർമ്മ, 2022 വരെ 45 ടെസ്റ്റ് മത്സരങ്ങളിൽ നിന്ന് 46.13 ശരാശരിയിൽ 3137 റൺസ് നേടിയിരുന്നു. ഇതിൽ 8 സെഞ്ചുറികളും ഉൾപ്പെടുന്നു. എന്നാൽ 2023 മുതൽ രോഹിത്തിന്റെ ശരാശരിയിൽ കുറവ് കാണാം. 2023 ജനുവരി മുതൽ, ക്യാപ്റ്റൻ രോഹിത് ശർമ്മ 18 ടെസ്റ്റുകളിൽ നിന്ന് 35.61 ശരാശരിയിൽ 1104 റൺസ് മാത്രമാണ് നേടിയത്. ഈ കാലയളവിൽ നേടിയത് നാല് സെഞ്ചുറികളും. പ്രത്യേകിച്ചും ഏഷ്യയിൽ സ്പിന്നിനെതിരെ രോഹിത് ശർമ്മയുടെ ശരാശരി 36.2 ആണ്.

വ്യാപക വിമർശനം 

പുതിയ പരിശീലകൻ ഗൗതം ഗംഭീറിൻ്റെ പരിശീലനത്തിന് കീഴിൽ ഇന്ത്യൻ ടീം തുടർച്ചയായി മോശം പ്രകടനമാണ് നടത്തുന്നത്. ബംഗ്ലാദേശിനെതിരായ പരമ്പര വിജയിച്ചതിന് ശേഷം ന്യൂസീലൻഡിനെതിരെ ടീം ഇന്ത്യ മികച്ച പ്രകടനം കാഴ്ചവെക്കുമെന്ന് പ്രതീക്ഷിച്ചിരുന്നെങ്കിലും മൂന്ന് മത്സരങ്ങളിലും ഇന്ത്യയുടെ ബാറ്റിംഗ് നിര പരാജയപ്പെട്ടു. 

View this post on Instagram

A post shared by Virender Sehwag (@virendersehwag)

ഇന്ത്യൻ ടീമിൻറെ മോശം പ്രകടനം സോഷ്യൽ മീഡിയയിലും വലിയ ചർച്ചയായി. മുൻ ഇന്ത്യൻ താരങ്ങളും ക്രിക്കറ്റ് വിദഗ്ധരും ഇന്ത്യൻ ടീമിനെ വിമർശിച്ചു. ന്യൂസിലൻഡ് ടീമിനെ പ്രശംസിച്ചുകൊണ്ട് ന്യൂസിലൻഡ് ക്രിക്കറ്റിൻ്റെ ചരിത്രത്തിലെ ഏറ്റവും മികച്ച നിമിഷങ്ങളിൽ ഒന്നായി ഈ വിജയത്തെ വിശേഷിപ്പിച്ചു.

ഇന്ത്യൻ ടീമിലെ മോശം പ്രകടനം ഓസ്‌ട്രേലിയയിൽ നടക്കാനിരിക്കുന്ന അഞ്ച് ടെസ്റ്റ് മത്സരങ്ങളുടെ പരമ്പരയെക്കുറിച്ചുള്ള ആശങ്കകൾ വർദ്ധിപ്പിച്ചിരിക്കുന്നു. ഇന്ത്യൻ ടീം ഈ പരമ്പരയിൽ മികച്ച പ്രകടനം കാഴ്ചവെക്കണമെങ്കിൽ മുതിർന്ന താരങ്ങൾ ഫോം വീണ്ടെടുക്കേണ്ടത് അത്യാവശ്യമാണ്.

#INDvNZ #TestCricket #Cricket #RohitSharma #ViratKohli #GautamGambhir #TeamIndia