ദുബൈ: (KVARTHA) ഐസിസി ചാമ്പ്യൻസ് ട്രോഫിയിൽ ഇന്ത്യ പാകിസ്ഥാനെ ആറ് വിക്കറ്റിന് പരാജയപ്പെടുത്തിയത് പാകിസ്ഥാൻ ക്രിക്കറ്റ് ടീമിന് മറക്കാനാവാത്ത രാത്രിയായിരുന്നു.  ഇന്ത്യയുടെ മികച്ച പ്രകടനമാണ് പാകിസ്ഥാന്റെ സെമിഫൈനൽ പ്രതീക്ഷകൾക്ക് മങ്ങലേൽപ്പിച്ചത്. മത്സരത്തിനിടെ പാകിസ്ഥാൻ ക്യാപ്റ്റൻ മുഹമ്മദ് റിസ്‌വാൻ 'തസ്ബീഹ് മാല' ഉപയോഗിച്ച് പ്രാർത്ഥിക്കുന്ന ദൃശ്യങ്ങൾ ശ്രദ്ധേയമായി. പ്രാർഥനകൾ ഉരുവിടുമ്പാൾ എണ്ണം പിടിക്കാൻ വിശ്വാസികൾ കയ്യിൽ കരുതുന്ന ഒരു തരം മാലയാണ് തസ്ബീഹ് മാല

ഇതേക്കുറിച്ച് മുൻ ഇന്ത്യൻ ക്രിക്കറ്റ് താരം സുരേഷ് റെയ്നയുടെ പ്രതികരണമാണ് ഇപ്പോൾ സാമൂഹ്യ മാധ്യമങ്ങളിൽ വൈറലായിരിക്കുന്നത്. റിസ്‌വാൻ തസ്ബീഹ് ഉപയോഗിച്ച് പ്രാർത്ഥിക്കുമ്പോൾ രോഹിത് ശർമ്മ മഹാമൃത്യുഞ്ജയ മന്ത്രം ജപിക്കുന്നുണ്ടാകും എന്നായിരുന്നു റെയ്ന തമാശ രൂപേണ പറഞ്ഞത്.  മഹാമൃത്യുഞ്ജയ മന്ത്രം ദുഷ്ടശക്തികളെ അകറ്റി നിർത്തി ഭക്തനെ സുരക്ഷിതമായി നിലനിർത്താൻ സഹായിക്കുമെന്ന വിശ്വാസമുണ്ട്. ഈ മതപരമായ പരാമർശമാണ് റെയ്ന നടത്തിയത്.

Pakistanis are part time cricketers full time Maulanas😹😹😹😹#INDvsPAK pic.twitter.com/GJg4tvmw4R

— God (@Indic_God) February 23, 2025

മത്സരത്തിൽ ആദ്യം ബാറ്റ് ചെയ്ത പാകിസ്ഥാൻ 49.4 ഓവറിൽ 241 റൺസിന് ഓൾ ഔട്ട് ആയി. സൗദ് ഷക്കീൽ 62 റൺസും ക്യാപ്റ്റൻ റിസ്വാൻ 46 റൺസും നേടി. ഇന്ത്യ 42.3 ഓവറിൽ നാല് വിക്കറ്റ് നഷ്ടത്തിൽ ലക്ഷ്യം മറികടന്നു. രോഹിത് ശർമ്മയും ശുഭ്‌മാൻ ഗില്ലും മികച്ച തുടക്കം നൽകി. വിരാട് കോഹ്‌ലിയും ശ്രേയസ് അയ്യറും വിജയം ഉറപ്പാക്കി. കോഹ്‌ലി 51-ാം സെഞ്ച്വറിയാണ് മത്സരത്തിൽ അടിച്ചെടുത്തത്.

തുടർച്ചയായ രണ്ട് തോൽവികൾ ഏറ്റുവാങ്ങിയ പാകിസ്ഥാന്റെ സെമിഫൈനൽ പ്രതീക്ഷകൾ ഇപ്പോൾ അവസാനിച്ചിരിക്കുകയാണ്. അവർക്ക് ഇനി ഒരു മത്സരം ബംഗ്ലാദേശിനെതിരെ ബാക്കിയുണ്ട്. ഈ മത്സരത്തിൽ വലിയ മാർജിനിൽ വിജയിക്കുകയും മറ്റു മത്സരങ്ങളുടെ ഫലങ്ങൾ അനുകൂലമായി വരുകയും ചെയ്താൽ മാത്രമേ പാകിസ്ഥാന് ചെറിയ പ്രതീക്ഷയെങ്കിലും ബാക്കിയുണ്ടാകൂ. ഇന്ത്യ ഇതിനോടകം തന്നെ സെമിഫൈനലിൽ ഏകദേശം സ്ഥാനം ഉറപ്പിച്ചു കഴിഞ്ഞു.

പാകിസ്ഥാൻ അവരുടെ അവസാന മത്സരം ബംഗ്ലാദേശിനെതിരെ ഫെബ്രുവരി 27-ന് ജയിക്കുകയും ന്യൂസിലൻഡ് അല്ലെങ്കിൽ ബംഗ്ലാദേശ് രണ്ടോ അതിലധികമോ മത്സരങ്ങൾ ജയിക്കാതിരിക്കുകയും ചെയ്താൽ മാത്രമേ പാകിസ്ഥാന് പ്രതീക്ഷ ബാക്കിയുള്ളു. ഫെബ്രുവരി 24-ന് റാവൽപിണ്ടിയിൽ നടക്കുന്ന ബംഗ്ലാദേശ്-ന്യൂസിലൻഡ് മത്സരം പാകിസ്ഥാന് നിർണായകമാണ്. ന്യൂസിലൻഡ് ബംഗ്ലാദേശിനെ തോൽപ്പിച്ചാൽ പാകിസ്ഥാൻ പുറത്താകും. ഇന്ത്യയും ന്യൂസിലൻഡും സെമി ഫൈനലിൽ പ്രവേശിക്കും.

ബംഗ്ലാദേശ് ന്യൂസിലൻഡിനെ തോൽപ്പിക്കുകയും പാകിസ്ഥാൻ ബംഗ്ലാദേശിനെ തോൽപ്പിക്കുകയും ചെയ്താൽ കാര്യങ്ങൾ കൂടുതൽ സങ്കീർണമാകും. മാർച്ച് രണ്ടിന് ദുബൈയിൽ നടക്കുന്ന ന്യൂസിലൻഡ്-ഇന്ത്യ മത്സരത്തിൽ ഇന്ത്യ ന്യൂസിലൻഡിനെ തോൽപ്പിക്കണം. അങ്ങനെ സംഭവിച്ചാൽ ന്യൂസിലൻഡ്, ബംഗ്ലാദേശ്, പാകിസ്ഥാൻ എന്നീ മൂന്ന് ടീമുകൾക്കും രണ്ട് പോയിന്റ് വീതം ലഭിക്കും. അപ്പോൾ മികച്ച നെറ്റ് റൺ റേറ്റ് ഉള്ള ടീം ഇന്ത്യയോടൊപ്പം സെമി ഫൈനലിൽ പ്രവേശിക്കും.

ഈ വാർത്തയെക്കുറിച്ച് നിങ്ങളുടെ അഭിപ്രായങ്ങൾ എന്താണ്? 

During the India-Pakistan match, Mohammad Rizwan was seen using prayer beads, which led to a humorous comment from Suresh Raina. Raina joked that while Rizwan was praying, Rohit Sharma might be chanting the Mahamrityunjaya Mantra. India won the match, leaving Pakistan's hopes for the semi-finals uncertain.

#INDvPAK #Cricket #ChampionsTrophy #Rizwan #Raina #RohitSharma