അഹ്‌മദാബാദ്: (KVARTHA) വിവാഹ വെബ്സൈറ്റുകളിലൂടെ പരിചയപ്പെട്ട 15-ൽ അധികം സ്ത്രീകളെ വിവാഹ വാഗ്ദാനം നൽകി പീഡിപ്പിച്ച കേസിൽ 26-കാരനെ പൊലീസ് അറസ്റ്റ് ചെയ്തു. ഗുജറാത്തിലെ അഹമ്മദാബാദ് സ്വദേശിയായ ഹിമാൻഷു യോഗേഷ്ഭായ് പഞ്ചാലാണ് കഴിഞ്ഞ രണ്ടര വർഷമായി ഈ തട്ടിപ്പ് നടത്തിയിരുന്നത്. ഡൽഹി ക്രൈം ബ്രാഞ്ചിലെ സൈബർ സുരക്ഷാ വിഭാഗത്തിൽ ഉദ്യോഗസ്ഥനാണെന്നും, സമ്പന്ന കുടുംബാംഗമാണെന്നും നിരവധി സ്വത്തുക്കളുടെ ഉടമയാണെന്നും വ്യാജ പ്രൊഫൈലുകളിൽ ഇയാൾ രേഖപ്പെടുത്തിയിരുന്നു.

തട്ടിപ്പിന്റെ രീതി

'ഇരകളുമായി ബന്ധം സ്ഥാപിച്ച ശേഷം വാസായി, മുംബൈ, അഹമ്മദാബാദ് എന്നിവിടങ്ങളിലെ ഹോട്ടലുകളിലേക്ക് വിളിച്ചുവരുത്തും. വിവാഹം ഉറപ്പിച്ച് വ്യാജ ഡയമണ്ട് ആഭരണങ്ങൾ സമ്മാനമായി നൽകും. ആദ്യ കൂടിക്കാഴ്ചയിൽ തന്നെ ശാരീരിക ബന്ധത്തിന് നിർബന്ധിക്കും. പിന്നീട് പണം ആവശ്യപ്പെട്ട് ഭീഷണിപ്പെടുത്തുകയും,  ലൈംഗികമായും സാമ്പത്തികമായും ചൂഷണം ചെയ്ത ശേഷം ബന്ധം ഉപേക്ഷിക്കുകയും ചെയ്യും', പൊലീസ് പറഞ്ഞു.

പൊലീസിൽ പരാതി

മീരാ റോഡിൽ നിന്നുള്ള 31-കാരിയായ ഒരു സ്ത്രീയാണ് പൊലീസിൽ പരാതി നൽകിയത്.  വിവാഹ വെബ്സൈറ്റ് വഴി പരിചയപ്പെട്ട പഞ്ചാൽ തന്നെ ബലാത്സംഗം ചെയ്തെന്നും, വ്യാജ ഡയമണ്ട് നെക്ലേസ് സമ്മാനമായി നൽകി വിശ്വസിപ്പിച്ചെന്നും  പരാതിയിൽ പറയുന്നു. വാസായിലെയും അഹമ്മദാബാദിലെയും രണ്ട് ഹോട്ടലുകളിൽ വെച്ചാണ് പീഡനം നടന്നതെന്നും ഇവർ മൊഴി നൽകി.

അറസ്റ്റും അന്വേഷണവും

പ്രതി പഞ്ചാൽ നല്ലരീതിയിൽ സംസാരിക്കുന്ന ആളാണെന്നും,  മികച്ച ഇംഗ്ലീഷ് ഭാഷാ പ്രാവീണ്യം  ഉണ്ടെന്നും വാളിവ് പൊലീസ് സ്റ്റേഷനിലെ അസിസ്റ്റന്റ് പൊലീസ് ഇൻസ്‌പെക്ടർ സച്ചിൻ സനപ് പറഞ്ഞു. അഞ്ച് ഫോണുകളും ഒരു ആപ്പിൾ ലാപ്ടോപ്പും  ഉപയോഗിച്ചിരുന്നെന്നും,  ഹോട്ടലുകളിലെ വൈഫൈയും വാട്‌സ്ആപ്പും  കോളുകൾക്കായി ഉപയോഗിച്ചിരുന്നെന്നും പൊലീസ് കണ്ടെത്തി. സൈബർ സെല്ലിന്റെ സഹായത്തോടെയുള്ള അന്വേഷണത്തിലാണ് അഹമ്മദാബാദിൽ നിന്ന് ഇയാളെ അറസ്റ്റ് ചെയ്തത്.

A 26-year-old man from Ahmedabad, Gujarat, has been arrested for allegedly cheating and assaulting over 15 women after posing as a wealthy man on marriage websites. The accused, Himanshu Yogeshbhai Panchal, used to create fake profiles claiming to be a cyber security officer with the Delhi Crime Branch and the owner of several properties. He would lure women to hotels under the pretext of marriage, establish physical relationships, and then blackmail them for money. The arrest was made following a complaint filed by a 31-year-old woman from Mira Road.

#MarriageFraud #CyberCrime #OnlineDating #Assault #Arrested #FakeProfile