കോഴിക്കോട്: (KVARTHA) ഫറോക്കിൽ പീഡനത്തിനിരയായ പെൺകുട്ടിയുടെ കുടുംബത്തിന് വാടക വീടൊഴിയാൻ കോടതി ഉത്തരവിട്ടതിനെ തുടർന്ന് അവർ തെരുവിലേക്ക് പോകേണ്ട അവസ്ഥയിലാണെന്ന് റിപ്പോർട്ടുകൾ. ചൊവ്വാഴ്ച ഉച്ചയോടെ വീട് ഒഴിയണമെന്നാണ് നിർദ്ദേശമെന്ന് പറയുന്നു.

കഴിഞ്ഞ ദിവസം ഇവരെ ഒഴിപ്പിക്കാനായി പോലീസ് സ്ഥലത്തെത്തിയിരുന്നുവെന്നും ഇതിലൂടെ തനിക്കും സഹോദരനും സംരക്ഷണം നൽകുമെന്ന് സർക്കാർ നൽകിയ വാഗ്ദാനം ലംഘിക്കപ്പെട്ടുവെന്നും ഇരയുടെ മാതാവ് ആരോപിച്ചു.

കുടുംബം വാടക നൽകാത്തതിനെ തുടർന്നാണ് വീട്ടുടമസ്ഥൻ കോടതിയെ സമീപിച്ചതെന്നാണ് വിവരം. തൊഴിലും വരുമാനവും ഇല്ലാത്തതിനാൽ ഇരയുടെ മാതാവിന് വാടക നൽകാൻ സാധിക്കാതെ വന്നുവെന്നും അതേസമയം, പോലീസിൽ നിന്ന് തനിക്ക് യാതൊരു സഹായവും ലഭിച്ചില്ലെന്ന് പെൺകുട്ടിയുടെ മാതാവ് പരാതിപ്പെട്ടതായും റിപ്പോർട്ടുകളുണ്ട്.

ഒരു പോക്സോ കേസിൻ്റെ ഇരയ്ക്ക് ലഭിക്കേണ്ട മതിയായ സംരക്ഷണം ലഭിക്കാത്തതിനെ തുടർന്നാണ് താൻ ആത്മഹത്യ ചെയ്യാൻ ശ്രമിച്ചതെന്നും മാതാവ് പരാതിയിൽ പറയുന്നു.  കേസിനെ തുടർന്ന് ഇരയെയും കുടുംബത്തെയും ബന്ധുക്കൾ ഒറ്റപ്പെടുത്തിയെന്നും കുടുംബം ആരോപിച്ചതായും വിവരങ്ങളുണ്ട്.

The family of a girl assaulted in Feroke faces eviction due to a court order following unpaid rent. The victim's mother alleges lack of protection and police assistance, stating financial hardship due to unemployment. She also claims attempted death due to inadequate support for POSCO victims and social isolation.

#FerokeCase #VictimFamily #Eviction #NoProtection #POSCOVictim #KeralaNews