Arrested | ചുരത്തില്‍ ചരക്കുലോറി ക്ലീനര്‍ കൊല്ലപ്പെട്ട കേസില്‍ ഡ്രൈവര്‍ അറസ്റ്റില്‍

കണ്ണൂര്‍: (www.kvartha.com) നിടുംപൊയില്‍ ചുരത്തില്‍ ചരക്കുലോറി ക്ലീനറെ തലയ്ക്ക് അടിച്ചുകൊലപ്പെടുത്തിയെന്ന കേസില്‍ ഡ്രൈവറെ പൊലീസ് അറസ്റ്റ് ചെയ്തു. കൊല്ലം ജില്ലയിലെ നിശാദ് (29) ആണ് അറസ്റ്റിലായത്. ഇയാള്‍ കണ്ണവം പൊലീസ് സ്റ്റേഷനില്‍ കീഴടങ്ങുകയായിരുന്നു. ഇതേ തുടര്‍ന്ന് ഇയാളെ പേരാവൂര്‍ പൊലീസിന് കൈമാറി അറസ്റ്റ് രേഖപ്പെടുത്തി. കൊല്ലം പത്തനാപുരം സ്വദേശി സിദ്ദീഖ് (28) ആണ് മരിച്ചത്.
     നിടുംപൊയിലിന് സമീപം മാനന്തവാടി ചുരത്തില്‍ ചൊവ്വാഴ്ച പുലര്‍ചെ നാലരയോടെയാണ് സംഭവം. മദ്യലഹരിയില്‍ ഇരുവരും തമ്മില്‍ പണത്തെ ചൊല്ലി വാക്കേറ്റം ഉണ്ടാവുകയും സിദ്ദീഖിനെ ജാകി ലിവര്‍ കൊണ്ട് നിശാദ് അടിച്ച് കൊലപ്പെടുത്തുകയുമായിരുന്നുവെന്ന് പൊലീസ് പറഞ്ഞു.
       ആന്ധ്രയില്‍ നിന്നും സിമന്റ് കയറ്റി കൂത്തുപറമ്പിലേക്ക് വരികയായിരുന്നു ലോറി. മൃതദേഹം പോസ്റ്റുമോര്‍ടം നടപടികള്‍ക്കായി പരിയാരത്തെ കണ്ണൂര്‍ ഗവ. മെഡികല്‍ കോളജ് ആശുപത്രിയിലേക്ക് മാറ്റി. < !- START disable copy paste -->