മുംബൈ: (KVARTHA) മഹാരാഷ്ട്രയിലെ ഭിവണ്ടിയിൽ 22 വയസ്സുള്ള യുവതിയെ മുൻ കാമുകനും സുഹൃത്തുക്കളും ചേർന്ന് തട്ടിക്കൊണ്ടുപോയി കൂട്ടബലാത്സംഗം ചെയ്തതായി പരാതി. വ്യാഴാഴ്ച രാത്രിയാണ് സംഭവം നടന്നത്. പരാതിക്കാരിയും മുൻ കാമുകനും ഒരേ ഗ്രാമത്തിൽ താമസിക്കുന്നവരാണ്. യുവതിയുടെ പുതിയ പ്രണയബന്ധത്തെ അറിഞ്ഞതിലുള്ള വൈരാഗ്യമാണ് കൂട്ടബലാത്സംഗത്തിന് കാരണമായതെന്ന് പറയുന്നു.

കേസിലെ പ്രധാന പ്രതിയും പെൺകുട്ടിയുടെ മുൻ കാമുകനുമായ അസ്ലം ഉൾപ്പെടെ ആറ് പേർക്കെതിരെ ശാന്തി നഗർ പൊലീസ് തട്ടിക്കൊണ്ടുപോകലിനും കൂട്ടബലാത്സംഗത്തിനും കേസെടുത്തിട്ടുണ്ട്. പരാതിക്കാരിയും പ്രതിയായ അസ്ലമും കുറേ വർഷങ്ങളായി പ്രണയത്തിലായിരുന്നു. എന്നാൽ നാല് മാസം മുൻപ് ഇരുവരും വേർപിരിഞ്ഞു. അതിനുശേഷം പെൺകുട്ടി പുതിയ പ്രണയബന്ധത്തിലേക്ക് കടന്നതാണ് അസ്ലമിനെ പ്രകോപിപ്പിച്ചത്.

പൊലീസ് പറയുന്നത് ഇങ്ങനെ: 'പരാതിക്കാരിയുടെ സഹോദരനെ ബന്ദിയാക്കിയ ശേഷം പെൺകുട്ടിയെ തന്ത്രപരമായി വിളിച്ചുവരുത്തുകയായിരുന്നു. സംഭവദിവസം പുലർച്ചെ ഒരു മണിയോടെ ഫോൺകോൾ കേട്ടുണർന്ന പെൺകുട്ടിയോട് സഹോദരനെ ഭീഷണിപ്പെടുത്തി തനിക്ക് പനിയാണെന്ന് പറഞ്ഞ് നിശ്ചിത സ്ഥലത്തേക്ക് വരാൻ ആവശ്യപ്പെട്ടു. 

അവിടെയെത്തിയ പെൺകുട്ടിയെ പ്രതികൾ തട്ടിക്കൊണ്ടുപോവുകയും സഹോദരനെയും റിക്ഷാ ഡ്രൈവറെയും മർദ്ദിക്കുകയും ചെയ്തു. തുടർന്ന് പെൺകുട്ടിയെ പിക്ക് അപ്പ് വാനിനുള്ളിൽ വെച്ച് മുൻ കാമുകനും മറ്റ് അഞ്ച് സുഹൃത്തുക്കളും ചേർന്ന് കൂട്ടബലാത്സംഗം ചെയ്തുവെന്നാണ് പരാതി. ഒരാളെ പൊലീസ് അറസ്റ്റ് ചെയ്തിട്ടുണ്ട്. ബാക്കിയുള്ളവർക്കായുള്ള അന്വേഷണം നടക്കുകയാണ്'.

ഈ വാർത്ത പങ്കുവെക്കുകയും അഭിപ്രായങ്ങൾ രേഖപ്പെടുത്തുകയും ചെയ്യുക 

A 22-year-old woman was allegedly gang-assaulted by her ex-boyfriend and his friends in Bhiwandi, Maharashtra. The incident occurred on Thursday night. The victim and the accused live in the same village. The motive behind the crime is said to be the ex-boyfriend's jealousy over the woman's new relationship.

#GangAssault#Maharashtra #Crime #Assault #Bhiwandi #Justice