റോക്കി എറണാകുളം

(KVARTHA) കഞ്ചാവിനെപ്പറ്റി നാം ധാരാളം കേട്ടിട്ടുണ്ട്. അത് വീടുകളിലും മറ്റും വളർത്തുന്നത് കുറ്റകരമാണ്. ശരിക്കും ഇതൊരു ലഹരിയായതിനാൽ തന്നെ ഇതിൻ്റെ ഉപയോഗം അനുവദിക്കുന്നുമില്ല. ഹൈബ്രിഡ് കഞ്ചാവിന് സാധാരണ കഞ്ചാവിനെ അപേക്ഷിച്ച് ഗുണനിലവാരം കൂടുതലാണെന്ന് പറയുന്നു. എന്താണ് ഹൈബ്രിഡ് കഞ്ചാവ്? സാധാരണ കഞ്ചാവിനെ അപേക്ഷിച്ച് അതിൻ്റെ പ്രത്യേകതകൾ എന്തൊക്കെ. അത് കൃഷി ചെയ്യുന്ന രീതി ഇവയൊക്കെയാണ് ഇവിടെ പറയുന്നത്. 

എന്താണ് ഹൈബ്രിഡ് കഞ്ചാവ്? 

ഹൈഡ്രോപോണിക് സാങ്കേതിക വിദ്യ ഉപയോഗിച്ച് വളര്‍ത്തിയെടുക്കുന്നതാണ് ഹൈബ്രിഡ് കഞ്ചാവ്. മണ്ണില്ലാതെ പോഷക സമ്പുഷ്ടമായ ലായനിയില്‍ സസ്യങ്ങള്‍ വളര്‍ത്തുന്ന ഒരു രീതിയെ ആണ് ഹൈഡ്രോ പോണിക് എന്ന് പറയുന്നത്. പോഷകങ്ങളുടെ അളവ്, പിഎച്ച് മൂല്യം, വെളിച്ചം തുടങ്ങിയ ഘടക ങ്ങളുടെ കൃത്യമായ നിയന്ത്രണമാണ് ഇതിന്റെ അടിസ്ഥാനം. ചെടികളുടെ വേഗത്തിലുള്ള വളര്‍ച്ച, ഉയര്‍ന്ന വിളവ്, എന്നിവയും ഈ രീതിയില്‍ ലഭ്യമാകുന്നു. ഈ രീതിയില്‍ വളര്‍ത്തുന്ന കഞ്ചാവ് ഗുണ നിലവാരം കൂടുതലായിരിക്കും എന്നാണ് വിലയിരുത്തല്‍. 

കൃത്രിമ വെളിച്ചത്തില്‍ അടച്ചിട്ട, എയര്‍ കണ്ടീഷന്‍ ചെയ്ത മുറികളിലാണ് ഹൈഡ്രോ കഞ്ചാവ് വളര്‍ത്തുന്നത്. ഹൈഡ്രോപോണിക് കഞ്ചാവ് ഗുണനിലവാരത്തില്‍ മികച്ചതാണെന്നും ഇന്ത്യയില്‍ കാണപ്പെടുന്ന സാധാരണ കഞ്ചാവിനേക്കാള്‍ തീവ്രമായ ഗന്ധം ഉണ്ടെന്നും കണക്കാക്കപ്പെടുന്നു. ഹൈബ്രിഡ് കഞ്ചാവ് കണ്ടെത്തുന്ന സമയത്ത് പലപ്പോഴും വിമാനത്താവളത്തിന്റെ അറൈവല്‍ ടെര്‍മിനലില്‍ ഇതിന്റെ ഗന്ധം നിറയാറുണ്ടെന്ന്  കസ്റ്റംസ് ഉദ്യോഗസ്ഥർ പറയുന്നു. ഇത്തരം സവിശേഷതകള്‍ ആണ് ഹൈഡ്രോ കഞ്ചാവിന് വിലകൂടുതലെങ്കിലും ആവശ്യക്കാര്‍ ഏറെയുള്ളതുമാക്കുന്നത്. 

പാശ്ചാത്യ രാജ്യങ്ങളിലും, ഗള്‍ഫ് രാജ്യങ്ങളിലും ഹൈബ്രിഡ് കഞ്ചാവിന് ഡിമാന്‍ഡ് കൂടുതലാണ്. ഉയര്‍ന്ന നിലവാരമുള്ള ഹൈഡ്രോ കഞ്ചാവിന് കിലോ ഗ്രാമിന് 60 ലക്ഷം മുതല്‍ 80 ലക്ഷം വരെ വില ലഭിക്കും. വ്യത്യസ്ത ഇനത്തിലുള്ള കഞ്ചാവ് ചെടികളെ സംയോജിപ്പിച്ചാണ് ഹൈബ്രിഡ് ഇനങ്ങൾ രൂപപ്പെടുത്തുന്നത്. ജനിതക മോഡിഫിക്കേഷനിലൂടെ ഗന്ധം, ലഹരി പോലുള്ള സ്വഭാവത്തി ലും മാറ്റം വരുത്താനാകും. കഞ്ചാവ് നിയമവിധേയമാക്കിയ ആദ്യത്തെ തെക്ക് -കിഴക്കന്‍ ഏഷ്യന്‍ രാജ്യമാണ് തായ്‌ലന്‍ഡ്. മെഡിക്കല്‍ ആവശ്യങ്ങള്‍ക്കായാണ് 2018 ല്‍ ഇത്തരം ഒരു തീരുമാനം കൈക്കൊണ്ടത്. പിന്നാലെ 2022 ല്‍ കഞ്ചാവ് കൃഷി പരിപോഷിപ്പിക്കാനുള്ള നടപടികളും ആരംഭിച്ചു.

കൃഷി വ്യാപിപ്പിക്കാന്‍ വീടുകളില്‍ കഞ്ചാവ് ചെടികള്‍ വിതരണം ചെയ്യാന്‍ പോലും തായ്‌ലന്റ് ആരോഗ്യ വകുപ്പിന് പദ്ധതിയുണ്ടായിരുന്നു. ഇതിന് പിന്നാലെയാണ് തായ്ലന്‍ഡില്‍, ഹൈഡ്രോപോണിക് കൃഷിയുടെ വര്‍ധിച്ചത്. ഇതോടെ ഇന്ത്യയിലേക്കും മറ്റ് രാജ്യങ്ങളിലേക്കും കള്ളക്കടത്തായി എത്തുന്ന ഹൈഡ്രോ കഞ്ചാവിന്റെ പ്രധാന ഉറവിടമായും ബാങ്കോക്ക് മാറി. നർക്കോട്ടിക് ഡ്രഗ്സ് ആന്റ് സൈക്കോട്രാപിക് സബ്സ്റ്റൻസസ് (എന്‍ഡിപിഎസ്) നിയമത്തിലെ പഴുതുകളാണ് രാജ്യത്ത് കഞ്ചാവ് പ്രതിരോധത്തില്‍ നിയമ സംവിധാനങ്ങള്‍ക്ക് വെല്ലുവിളിയാകുന്നത്. ഒരു കിലോ ഗ്രാമില്‍ താഴെ കഞ്ചാവ് കൈവശം വയ്ക്കുന്നത് ജാമ്യം ലഭിക്കാവുന്ന കുറ്റമാണ്. 

സാധാരണ കഞ്ചാവിനും ഹൈബ്രിഡ് കഞ്ചാവിനും ഈ വ്യവസ്ഥ ബാധകമാണ്. ഇതിനാല്‍, 999 ഗ്രാം വരെ ഹൈബ്രിഡ് കഞ്ചാവുമായി പിടിക്കപ്പെടുന്ന ആള്‍ക്കും എളുപ്പത്തില്‍ ജാമ്യം ലഭിക്കുന്ന സാഹചര്യമുണ്ട്. വിദേശത്തുനിന്നുമാണ് ഹൈബ്രിഡ് കഞ്ചാവ് നിലവില്‍ ഇന്ത്യയിലും കേരളത്തിലും എത്തുന്നത്. എന്നാല്‍ ഇന്ത്യയില്‍ തന്നെ ഇത്തരം ആധുനിക കൃഷിരീതി വ്യാപകമാകാനുള്ള സാധ്യതയാണ് മറ്റൊരു വെല്ലുവിളി. ഹൈഡ്രോ പോണിക് സജ്ജീകരണങ്ങള്‍ക്ക് കുറഞ്ഞ സ്ഥലം മാത്രമാണ് ആവശ്യമെന്നതിനാല്‍ അടച്ചിട്ട പ്രദേശങ്ങളില്‍ പോലും ഇത്തരം കൃഷികള്‍ക്ക് അവസരം ഉണ്ടാകും. ഹൈബ്രിഡ് കഞ്ചാവിന്റെ വര്‍ധിച്ചുവരുന്ന ലഭ്യത ഇന്ത്യയിലെ മയക്കുമരുന്ന് വിപണിയില്‍ ഇതിന്റെ ആവശ്യകത വര്‍ധിപ്പിക്കാനും ഇടയാക്കും. 

കള്ളക്കടത്തും പ്രാദേശിക കൃഷിക്കും വഴിയൊരുക്കുമെന്നും  മുന്നറിയിപ്പ് നല്‍കുന്നു. ഹൈബ്രിഡ് കഞ്ചാവിൽ ലഹരിയുടെ അംശം കൂടുതലായിരിക്കും. കൂടുതൽ ഊർജം നൽകി തലച്ചോറിനെ കൂടുതൽ ഉണർത്തുകയാണ് ഹൈബ്രിഡ് കഞ്ചാവിന്റെ റോൾ. സാധാരണ കഞ്ചാവ് ഉപയോഗിക്കുമ്പോൾ ലഭിക്കുന്നതിനെക്കാൾ കൂടിയ അളവിൽ ലഹരി ലഭിക്കുകയും അത് മണിക്കൂറുകളോളം നിൽനിൽക്കുകയും ചെയ്യും. ഇതുതന്നെയാണ് ഇതിന്റെ ഗുണമായി ലഹരിപ്രേമികൾ കണക്കുകൂട്ടുന്നത്. ചിലർ ഹൈബ്രിഡ് കഞ്ചാവിനൊപ്പം ചില സിന്തറ്റിക്ക് ലഹരി വസ്തുക്കളും ചേർക്കാറുണ്ടത്രേ. ലഹരി ഉണ്ടാക്കുന്ന ഘടകങ്ങളുടെ തോതനുസരിച്ചാണ് ഹൈബ്രിഡ് കഞ്ചാവുകളുടെ വില നിശ്ചയിക്കുന്നത്. 

കഞ്ചാവ് ഏറ്റവും കൂടുതൽ കാണപ്പെടുന്നത് ഏഷ്യൻ ഭൂഖണ്ഡത്തിലാണ്. പണ്ടുകാലം മുതൽക്കേ ഔഷധമായും ലഹരി പദാർത്ഥമായും ഇതിനെ ഉപയോഗിക്കുന്നുണ്ട്. എന്നാലിപ്പോൾ ലഹരിക്കുവേണ്ടിയാണ് കൂടുതൽ ഉപയോഗിക്കുന്നത്. കാന്നാബിസ് ഇൻഡിക്ക് എന്ന കഞ്ചാവ് ചെടിയെ സംസ്കൃതത്തിൽ ഗഞ്ചിക എന്നാണ് അറിയപ്പെടുന്നത്. നേപ്പാളിൽ ഇതിനെ ഗഞ്ച് എന്നും അറിയപ്പെടുന്നു. അതിൽ നിന്നാണ് മലയാള ത്തിലെ കഞ്ചാവ് എന്ന പേരിന്റെ ഉത്ഭവം എന്നാണ് കരുതുന്നത്. പുരാതന കാലത്ത് കഞ്ചാവ് ചെടിയെ താന്ത്രിക, മാന്ത്രിക ചടങ്ങുകൾക്ക് ഉപയോഗിച്ചിരുന്നതിനാൽ അതിൽ നിന്ന് ലഭിക്കുന്ന ലഹരിക്ക് ഒരു ദൈവിക മാനവും ചിലർ നൽകിയിരുന്നു. 

ചില സന്യാസിമാർ കഞ്ചാവ് ഇപ്പോഴും ഉപയോഗിക്കാറുണ്ടെന്ന് പറയപ്പെടുന്നു. കേന്ദ്ര നാഡീ വ്യൂഹത്തിൽ വരുത്തുന്ന മാറ്റങ്ങളാണ് കഞ്ചാവിനെ മദ്യത്തിൽ നിന്ന് വ്യത്യസ്ത മാക്കുന്നത്. ഇത് ഉപയോഗിക്കുന്നവരിൽ ഉന്മേഷം കൂടുതലായിരിക്കും. മാത്രമല്ല ഇവരുടെ കേൾവിശക്തി അതി കൂർമമാകും. വിശപ്പും കാര്യമായി വർദ്ധിക്കും. ഇവർക്ക് ഭക്ഷണത്തി ന്റെ രുചിയും മണവും കൂടുതൽ ആസ്വദിക്കാൻ കഴിയും . എന്നാൽ നിരന്തരമുള്ള ഉപയോഗം മനുഷ്യന്റെ എല്ലാ കഴിവുകളും ഇല്ലാതാക്കും. 

കഞ്ചാവിന്‍റെ ഇരുണ്ടവശം

കഞ്ചാവ് ഉപയോഗം മാനസികാരോഗ്യത്തെ സാരമായി ബാധിക്കും.  പ്രത്യേകിച്ച് ഹൈബ്രിഡ് കഞ്ചാവ് ഉപയോഗിക്കുന്നവരിൽ ഉത്കണ്ഠ, വിഷാദം തുടങ്ങിയ മാനസിക പ്രശ്നങ്ങൾ വർധിക്കാനുള്ള സാധ്യത വളരെ കൂടുതലാണ്.  ചില പഠനങ്ങൾ സൂചിപ്പിക്കുന്നത് കഞ്ചാവ് ഉപയോഗം സ്കീസോഫ്രീനിയ പോലുള്ള ഗുരുതരമായ മാനസിക രോഗങ്ങൾക്ക് വരെ കാരണമായേക്കാം എന്നാണ്.  കൗമാരപ്രായത്തിൽ കഞ്ചാവ് ഉപയോഗിക്കുന്നവരിൽ തലച്ചോറിന്‍റെ വികാസം പൂർണ്ണമാകാത്തതിനാൽ, മാനസികാരോഗ്യ പ്രശ്നങ്ങൾ ഉണ്ടാകാനുള്ള സാധ്യത ഇരട്ടിയായി വർധിക്കുന്നു.  ഹൈബ്രിഡ് കഞ്ചാവിന്‍റെ ഉയർന്ന ലഹരി ഈ അപകടസാധ്യത ഇനിയും കൂട്ടുന്നു.

കഞ്ചാവ് പുകവലി ശ്വാസകോശ സംബന്ധമായ രോഗങ്ങൾക്ക് കാരണമാകും.  സ്ഥിരമായി കഞ്ചാവ് ഉപയോഗിക്കുന്നവരിൽ ബ്രോങ്കൈറ്റിസ്, ശ്വാസതടസ്സം, വിട്ടുമാറാത്ത ചുമ തുടങ്ങിയ പ്രശ്നങ്ങൾ സാധാരണമാണ്.  പുകയില പുകവലിയേക്കാൾ അപകടകരമാണ് കഞ്ചാവ് പുകവലി എന്ന് ചില പഠനങ്ങൾ പറയുന്നു.  ഹൃദയ സംബന്ധമായ പ്രശ്നങ്ങളും കഞ്ചാവ് ഉപയോഗം മൂലം ഉണ്ടാകാം.  രക്തസമ്മർദ്ദം വർധിക്കാനും ഹൃദയമിടിപ്പ് കൂടാനും ഇത് കാരണമാകുന്നു.  ഗർഭിണികൾ കഞ്ചാവ് ഉപയോഗിച്ചാൽ ഗർഭസ്ഥ ശിശുവിനും ആരോഗ്യപ്രശ്നങ്ങൾ ഉണ്ടാകാൻ സാധ്യതയുണ്ട്.

കഞ്ചാവ് ഒരു ലഹരിവസ്തുവാണ്, സ്ഥിരമായി ഉപയോഗിച്ചാൽ അടിമത്തം ഉണ്ടാകാനുള്ള സാധ്യതയുണ്ട്.  ഹൈബ്രിഡ് കഞ്ചാവ് കൂടുതൽ ശക്തിയേറിയ ലഹരി നൽകുന്നതിനാൽ, അടിമത്തത്തിനുള്ള സാധ്യതയും വർധിക്കുന്നു.  കഞ്ചാവ് ഉപയോഗം ബുദ്ധിപരമായ കഴിവുകളെയും ഓർമ്മശക്തിയെയും പ്രതികൂലമായി ബാധിക്കും.  വിദ്യാർത്ഥികൾ കഞ്ചാവ് ഉപയോഗിച്ചാൽ പഠനത്തിൽ ശ്രദ്ധ കുറയുകയും പരീക്ഷകളിൽ മോശം പ്രകടനം കാഴ്ചവെക്കുകയും ചെയ്യും. ദീർഘകാലം കഞ്ചാവ് ഉപയോഗിക്കുന്നവരിൽ തലച്ചോറിന്‍റെ പ്രവർത്തനം മന്ദഗതിയിലാകാനും ഓർമ്മക്കുറവ്, ഏകാഗ്രതയില്ലായ്മ തുടങ്ങിയ പ്രശ്നങ്ങൾ ഉണ്ടാകാനും സാധ്യതയുണ്ട്.

കഞ്ചാവ് ഉപയോഗം വ്യക്തിഗത പ്രശ്നങ്ങൾ മാത്രമല്ല, സാമൂഹികവും സാമ്പത്തികവുമായ പ്രശ്നങ്ങളും സൃഷ്ടിക്കുന്നു.  കഞ്ചാവ് ഉപയോഗിക്കുന്നവർക്ക് ജോലിസ്ഥലത്തും കുടുംബ ജീവിതത്തിലും പ്രശ്നങ്ങൾ ഉണ്ടാകാം.  അപകടകരമായ ഡ്രൈവിംഗ്, കുറ്റകൃത്യങ്ങൾ എന്നിവയിലേക്കും കഞ്ചാവ് ഉപയോഗം വഴിതെളിക്കാം.  കഞ്ചാവ് ഉപയോഗം ചികിത്സിക്കാൻ വലിയ സാമ്പത്തിക ചിലവ് വരും.  ഇതെല്ലാം സമൂഹത്തിന് വലിയ ഭാരമുണ്ടാക്കുന്നു.

കഞ്ചാവ് വേണ്ട, നല്ല നാളേക്കായി

കഞ്ചാവ് അപകടങ്ങളുടെയും ദുരിതങ്ങളുടെയും കെണിയാണെന്ന് ഓർമ്മിക്കുക.  പ്രത്യേകിച്ച് ഹൈബ്രിഡ് കഞ്ചാവ് കൂടുതൽ അപകടകാരിയാണ്.  സ്വയം രക്ഷിക്കുക, കുടുംബത്തെ രക്ഷിക്കുക, സമൂഹത്തെ രക്ഷിക്കുക. കഞ്ചാവ് ഉപയോഗത്തിനെതിരെ ബോധവൽക്കരണം നടത്തുകയും, യുവതലമുറയെ ഇതിൽ നിന്ന് അകറ്റി നിർത്താൻ ശ്രമിക്കുകയും ചെയ്യേണ്ടത് അത്യാവശ്യമാണ്. ലഹരിമുക്തമായ നല്ലൊരു സമൂഹത്തിനായി നമുക്കൊരുമിച്ച് പ്രയത്നിക്കാം. ലഹരി ആപത്താണ്. അത് കുടുംബത്തെയും സമൂഹത്തെയും നശിപ്പിക്കുന്നു. അതിനാൽ അത് ഉണ്ടാക്കുകയും വിതരണം ചെയ്യുന്നതും തെറ്റ് തന്നെ.

ഈ വാർത്ത എല്ലാവരിലേക്കും എത്തിക്കാൻ ഷെയർ ചെയ്യൂ. നിങ്ങളുടെ അഭിപ്രായങ്ങൾ കമൻ്റ് ചെയ്യൂ.

Hybrid cannabis, grown using hydroponic techniques, poses a severe threat to the younger generation. It's more potent than regular cannabis, fetching high prices, and is cultivated in controlled environments. Legal loopholes and potential for local cultivation exacerbate the issue, leading to increased addiction and health risks.

#HybridCannabis, #DrugAbuse, #YouthRisk, #HydroponicCannabis, #DrugAwareness, #SayNoToDrugs