ഇരിട്ടി: (KVARTHA) കൂട്ടുപുഴയിൽ വീണ്ടും മാരക ലഹരിമരുന്നായ എം.ഡി.എം.എ പിടികൂടി. കെ.വി. റിഷാൻ റയീസ് (25) ആണ് പിടിയിലായത്. കെ.എസ്.ആർ.ടി.സി ബസിൽ യാത്ര ചെയ്യുകയായിരുന്ന ഇയാളെ ഇരിട്ടി പോലീസും റൂറൽ ജില്ലാ പോലീസ് മേധാവിയുടെ കീഴിലുള്ള ലഹരിവിരുദ്ധ സേനയായ ഡാൻസാഫും ചേർന്നാണ് പിടികൂടിയത്.

കഴിഞ്ഞ ദിവസം വൈകുന്നേരം 5.30 ന് എസ്.ഐ ടി.ജി. അശോകന്റെ നേതൃത്വത്തിൽ കൂട്ടുപുഴയിൽ നടന്ന വാഹന പരിശോധനയ്ക്കിടെയാണ് റിഷാൻ റയീസ് പിടിയിലായത്. ഇയാളിൽ നിന്ന് 50,000 രൂപ വിലമതിക്കുന്ന 20.226 ഗ്രാം എം.ഡി.എം.എ കണ്ടെടുത്തു.

സീനിയർ സി.പി.ഒമാരായ പ്രബീഷ്, റോയി തോമസ്, ഷംസുദ്ദീൻ എന്നിവരും ലഹരിവിരുദ്ധ സേനാംഗങ്ങളും റെയ്ഡിൽ പങ്കെടുത്തു. പിടിയിലായ റിഷാൻ റയീസിനെ പോലീസ് വിശദമായി ചോദ്യം ചെയ്തുവരികയാണ്. 

ഇയാൾ അന്തർ സംസ്ഥാന ലഹരി കടത്ത് സംഘത്തിലെ കണ്ണിയാണോ എന്നും പോലീസ് അന്വേഷിക്കുന്നുണ്ട്. കൂട്ടുപുഴയിൽ ലഹരിമരുന്ന് പിടികൂടുന്നത് വർധിച്ചു വരുന്ന സാഹചര്യത്തിൽ പോലീസ് കൂടുതൽ ജാഗ്രത പാലിക്കുന്നുണ്ട്.

ഈ വാർത്തയെക്കുറിച്ചുള്ള അഭിപ്രായങ്ങളും ഇത് സംബന്ധിച്ച് നിങ്ങൾ അറിയുന്ന മറ്റ് കാര്യങ്ങളും കമന്റ് ബോക്സിൽ പങ്കുവെക്കുക. സുഹൃത്തുകൾക്ക് ഈ വിവരങ്ങൾ എത്താനായി ഷെയർ ചെയ്യാനും മറക്കരുത്.

Summary: A youth, K.V. Rishan Rayees (25), was arrested in Koottupuzha with 20.226 grams of MDMA worth ₹50,000. He was traveling on a KSRTC bus and was apprehended by Iritty Police and DANSAF. Police are investigating his potential links to an interstate drug trafficking gang.

#Koottupuzha, #MDMA, #DrugSeizure, #KeralaPolice, #DANSAF, #DrugTraffickin