കരുനാഗപ്പള്ളി: (KVARTHA) യുവതിയെ പെട്രോൾ ഒഴിച്ച് തീക്കൊളുത്തിയ ശേഷം യുവാവ് സ്വയം ജീവനൊടുക്കി. കൊല്ലം ജില്ലയിലെ കരുനാഗപ്പള്ളി അഴിക്കൽ പുതുവലിലാണ് സംഭവം. പാലാ സ്വദേശിയായ ഷിബു ചാക്കോ (47) എന്നയാളാണ് തന്റെ കൂടെ താമസിക്കുന്ന ഷൈജാമോൾ (41) എന്ന യുവതിയെ പെട്രോൾ ഒഴിച്ച് തീക്കൊളുത്തിയ ശേഷം സ്വയം ജീവനൊടുക്കിയത്. സംഭവത്തിൽ ഷൈജാമോളിന് ശരീരത്തിന്റെ 80 ശതമാനത്തിലധികം ഭാഗത്ത് പൊള്ളലേറ്റിട്ടുണ്ട്. യുവതിയെ ഉടൻ തന്നെ ആശുപത്രിയിലേക്ക് മാറ്റി. ഗുരുതര പരിക്കുകളോടെ ചികിത്സയിലാണ്. 

ഷൈജാമോൾ ആദ്യ ഭർത്താവിനെയും കുട്ടികളെയും ഉപേക്ഷിച്ച് ഷിബു ചാക്കോയുമായി ഒന്നിച്ചു താമസിക്കുകയായിരുന്നു. ഷിബു ചാക്കോയ്‌ക്കെതിരെ വീസ തട്ടിപ്പുമായി ബന്ധപ്പെട്ട കേസ് നിലവിലുണ്ടായിരുന്നു. ഇതുമായി ബന്ധപ്പെട്ട കേസിൽ ഷൈജും ഷിബുവും ജയിലിൽ അടയ്ക്കപ്പെട്ടിരുന്നു. ജയിൽ ശിക്ഷ പൂർത്തിയാക്കി പുറത്തിറങ്ങിയ ശേഷം ഷിബു മുമ്പത്തെ താമസ സ്ഥലം വിട്ട് മറ്റൊരിടത്തായിരുന്നു.

ശനിയാഴ്ച വൈകിട്ട് ഏഴരയോടകം ഷിബു ചാക്കോ തിരിച്ച് വീട്ടിൽ വരികയും  ഷൈജാമോളുമായി വാക്കേറ്റത്തിൽ ഏർപ്പെടുകയുമായിരുന്നു. വാക്കേറ്റം രൂക്ഷമായതോടെ ഷിബു പെട്രോൾ എടുത്ത് ഷൈജാമോന്റെ തലയിൽ ഒഴിച്ച് തീ കൊളുത്തി. തുടർന്ന് സ്വയം തീയിട്ട് ജീവനൊടുക്കുകയായിരുന്നു.

#KeralaCrime #Murder #DomesticViolence #PetrolAttack #JusticeForVictim