Woman Killed Man | 'കൂടെ താമസിച്ചിരുന്നയാളെ സ്ത്രീ കമ്പികൊണ്ട് തലയ്ക്ക് അടിച്ചു കൊലപ്പെടുത്തി'
Jun 20, 2022, 14:57 IST
പത്തനംതിട്ട: (www.kvartha.com) കൂടെ താമസിച്ചിരുന്നയാളെ സ്ത്രീ കമ്പികൊണ്ട് തലയ്ക്ക് അടിച്ചു കൊലപ്പെടുത്തിയതായി പൊലീസ്. കൊട്ടാരക്കര സ്വദേശി ശശീധരന് പിള്ളയാണ് മരിച്ചത്. കൂടല് നെല്ലിമുരുപ്പ് കോളനിയിലാണ് സംഭവം. ഒപ്പം താമസിച്ച രജനിയെ കൂടല് പൊലീസ് കസ്റ്റഡിയിലെടുത്തു.
ഞായറാഴ്ച രാത്രി 12 മണിയോടെയാണ് കൊലപാതകം നടന്നത്. വീടുപണിക്ക് ഉപയോഗിക്കുന്ന കമ്പി ഉപയോഗിച്ചാണ് ശശീധരന് പിള്ളയെ രജനി മര്ദിച്ചതെന്നാണ് വിവരം. ബഹളം കേട്ട് ഓടികൂടിയ നാട്ടുകാരാണ് ശശീധരനെ ആശുപത്രിയിലേക്ക് മാറ്റിയത്.
ആദ്യം പത്തനംതിട്ട ജനറല് ആശുപത്രിയില് എത്തിച്ചെങ്കിലും ഗുരുതരാവസ്ഥയിലായിരുന്നതിനാല് അവിടെനിന്നും കോട്ടയം മെഡികല് കോളജ് ആശുപത്രിയിലേക്ക് മാറ്റുകയായിരുന്നു. തലയ്ക്ക് ഗുരുതരമായിമുറിവേറ്റിരുന്നതിനാല് ചികിത്സയിലിക്കെ പുലചെ മരണം സംഭവിച്ചതായി ആശുപത്രി അധികൃതര് അറിയിച്ചു.
രജനി മാനസിക പ്രശ്നങ്ങള്ക്ക് ചികിത്സ തേടുന്ന ആളാണെന്നും അവര് സംഭവദിവസം മരുന്ന് കഴിച്ചിരുന്നില്ലെന്നാണ് വിവരമെന്നും അതിന്റെ പ്രശ്നങ്ങള് കാണിക്കുന്നുണ്ടെന്നും പൊലീസ് അറിയിച്ചു.
ഇവിടെ വായനക്കാർക്ക് അഭിപ്രായങ്ങൾ
രേഖപ്പെടുത്താം. സ്വതന്ത്രമായ
ചിന്തയും അഭിപ്രായ പ്രകടനവും
പ്രോത്സാഹിപ്പിക്കുന്നു. എന്നാൽ
ഇവ കെവാർത്തയുടെ അഭിപ്രായങ്ങളായി
കണക്കാക്കരുത്. അധിക്ഷേപങ്ങളും
വിദ്വേഷ - അശ്ലീല പരാമർശങ്ങളും
പാടുള്ളതല്ല. ലംഘിക്കുന്നവർക്ക്
ശക്തമായ നിയമനടപടി നേരിടേണ്ടി
വന്നേക്കാം.