തലശ്ശേരി: (KVARTHA) പിണറായി പാനുണ്ട ശിവക്ഷേത്രത്തിലെ ഭണ്ഡാരം കുത്തിത്തുറന്ന് മോഷണം നടത്തിയ കുപ്രസിദ്ധ മോഷ്ടാവിനെ സംഭവം നടന്ന് രണ്ടു ദിവസത്തിനകം പിണറായി പോലീസ് പിടികൂടി. കെ. എ ഗിരീഷ് (42) ആണ് അറസ്റ്റിലായത്. നിലമ്പൂരിലെ വാടക വീട്ടിൽ നിന്നാണ് ഇയാളെ പോലീസ് സംഘം പിടികൂടിയത്.

പൊലീസ് പറയുന്നതനുസരിച്ച്, കഴിഞ്ഞ 23-ാം തീയതിയാണ് പാനുണ്ട ശിവക്ഷേത്രത്തിന്റെ നടപ്പന്തലിൽ സ്ഥാപിച്ചിരുന്ന സ്റ്റീൽ ഭണ്ഡാരത്തിന്റെ പൂട്ട് തകർത്ത് അതിലെ പണം മോഷ്ടിക്കപ്പെട്ടത്. 

തലശ്ശേരി എ.എസ്.പി കിരൺ പി.ബിയുടെ നിർദ്ദേശാനുസരണം പിണറായി പോലീസ് സ്റ്റേഷൻ എസ്.ഐ ബാവിഷ് ബി.എസ്, സി.പി.ഒമാരായ രജിഷ് ഉച്ചുമ്മൽ, എ.എസ്.പി സ്ക്വാഡ് അംഗങ്ങളായ രതീഷ്, ഹിരൺ, ലിജു, ശ്രീലാൽ, സായൂജ് എന്നിവരടങ്ങിയ സംഘമാണ് പ്രതിയെ പിടികൂടിയത്. 

അറസ്റ്റിലായ ഇയാൾക്കെതിരെ സംസ്ഥാനത്തെ വിവിധ പോലീസ് സ്റ്റേഷനുകളിലായി സമാനമായ 15 കേസുകൾ നിലവിലുണ്ട്. പ്രതിയെ കോടതിയിൽ ഹാജരാക്കിയ ശേഷം റിമാൻഡ് ചെയ്തു.

പിണറായി ക്ഷേത്രത്തിലെ കവർച്ച നടത്തിയ മോഷ്ടാവ് പിടിയിലായതിനെക്കുറിച്ചുള്ള നിങ്ങളുടെ അഭിപ്രായങ്ങൾ പങ്കുവെക്കൂ!

Summary: Notorious thief K. A. Gireesh, accused of breaking into and robbing the Pinarayi Panunda Shiva Temple, has been arrested by the Pinarayi Police within two days of the incident. He was apprehended from his rented house in Nilambur and has 15 similar cases registered against him in various police stations across the state.

#PinarayiTempleTheft, #KeralaCrime, #NotoriousThiefArrested, #TheftCase, #ThalasseryPolice, #KAGireesh