കൊല്ലം: (KVARTHA) നഗരത്തിൽ 50 ഗ്രാം എംഡിഎംഎയുമായി ഒരു യുവതി പിടിയിലായി. കർണാടകയിൽ നിന്ന് കാറിൽ കടത്തിക്കൊണ്ടുവന്ന ലഹരിമരുന്നുമായി കൊല്ലം സ്വദേശിനി അനിലാ രവീന്ദ്രനെയാണ് ഡാൻസാഫ് സംഘവും ശക്തികുളങ്ങര പൊലീസും ചേർന്ന് അറസ്റ്റ് ചെയ്തത്. അനില നേരത്തെയും എംഡിഎംഎ കേസിൽ പ്രതിയാണെന്ന് പൊലീസ് അറിയിച്ചു.

കർണാടകയിൽ നിന്ന് ലഹരിമരുന്ന് എത്തിച്ച് കൊല്ലം നഗരത്തിലെ സ്കൂളുകളും കോളേജുകളും കേന്ദ്രീകരിച്ച് വിൽപ്പന നടത്തുന്നുണ്ടെന്ന രഹസ്യ വിവരത്തെത്തുടർന്നാണ് പൊലീസ് അനിലയെ പിടികൂടാൻ ശ്രമം നടത്തിയത്. കൊല്ലം എസിപി ഷരീഫിൻ്റെ നേതൃത്വത്തിൽ മൂന്ന് സംഘങ്ങളായി നടത്തിയ പരിശോധനയിലാണ് യുവതി പിടിയിലായത്.

വൈകുന്നേരം അഞ്ചരയോടെ നീണ്ടകര പാലത്തിന് സമീപത്ത് വെച്ച് അനിലയുടെ കാർ പൊലീസ് കണ്ടു. പൊലീസ് വാഹനം നിർത്താൻ ആവശ്യപ്പെട്ടെങ്കിലും യുവതി നിർത്താതെ പോകാൻ ശ്രമിച്ചു. തുടർന്ന് പൊലീസ് പിന്തുടർന്ന് കാർ തടയുകയും അനിലയെ അറസ്റ്റ് ചെയ്യുകയുമായിരുന്നു. സംഭവത്തിൽ കൂടുതൽ അന്വേഷണം നടക്കുകയാണെന്ന് പൊലീസ് അറിയിച്ചു.

ഈ വാർത്ത പങ്കുവെക്കുകയും അഭിപ്രായങ്ങൾ രേഖപ്പെടുത്തുകയും ചെയ്യുക.

A woman was arrested in Kollam with 50 grams of MDMA that she was smuggling in a car from Karnataka. The accused, Anila Raveendran, a Kollam native, was apprehended by a joint team of DANSAF and Shakthikulangara police. Police reported that she was previously involved in an MDMA case and was intending to sell the drugs near schools and colleges in Kollam city.

#MDMA, #DrugArrest, #Kollam, #Karnataka, #DrugSmuggling, #KeralaPolice