Conditions | ജാമ്യം ലഭിച്ചു, പക്ഷേ മുഖ്യമന്ത്രിയുടെ ഓഫീസിൽ പോകാനാവില്ല; കേജ്‌രിവാളിന് 5 നിബന്ധനകൾ

  

ജാമ്യവ്യവസ്ഥകൾ

1. കേസുമായി ബന്ധപ്പെട്ട സാക്ഷികളോട് സംസാരിക്കാൻ പാടില്ല.
2. ജാമ്യത്തുകയായ 50,000 രൂപ കെട്ടിവെക്കണം. അതേ തുകയുടെ ആൾ ജാമ്യവും വേണം.
3. ആരോപണവിധേയമായ മദ്യനയ അഴിമതി കേസിൽ തൻ്റെ പങ്കിനെക്കുറിച്ച് പ്രതികരിക്കരുത്.
4. മുഖ്യമന്ത്രിയുടെ ഓഫീസിൽ പോകാനോ ഡൽഹി സെക്രട്ടേറിയറ്റിലേക്ക് പോകാനോ പാടില്ല
5. ലഫ്റ്റനൻ്റ് ഗവർണറുടെ അനുമതിയില്ലാതെ ഒരു ഫയലിലും ഒപ്പിടരുത്.

ലോക്‌സഭാ തിരഞ്ഞെടുപ്പ് പ്രചാരണത്തിനായി സുപ്രീം കോടതി ജൂൺ ഒന്ന് വരെയാണ് ഡൽഹി മുഖ്യമന്ത്രിക്ക് ഇടക്കാല ജാമ്യം അനുവദിച്ചത്. ജൂൺ രണ്ടിന് ഹാജരായി വീണ്ടും ജയിലിലേക്ക് പോകേണ്ടിവരും. ജസ്റ്റിസ് സഞ്ജീവ് ഖന്ന, ജസ്റ്റിസ് ദീപങ്കർ ദത്ത എന്നിവരടങ്ങിയ ബെഞ്ചാണ് ഉത്തരവ് പുറപ്പെടുവിച്ചത്. ജൂൺ അഞ്ച് വരെ ഇടക്കാല ജാമ്യം അനുവദിക്കണമെന്ന കേജ്‌രിവാളിൻ്റെ അഭിഭാഷകൻ അഭിഷേക് സിംഗ്വിയുടെ ആവശ്യം ബെഞ്ച് അംഗീകരിച്ചില്ല. ലോക്‌സഭാ തിരഞ്ഞെടുപ്പിൻ്റെ അവസാന ഘട്ട വോട്ടെടുപ്പ് ജൂൺ ഒന്നിന് നടക്കും. ജൂൺ നാലിനാണ് വോട്ടെണ്ണൽ.