ദുബൈ: (KVARTHA) വിദേശത്ത് നിയമക്കുരുക്കിൽ അകപ്പെട്ട ഒരാൾക്ക് വേണ്ടി വ്യവസായ പ്രമുഖൻ എം എ യൂസഫലിയെ സന്ദർശിച്ച് സയ്യിദ് മുനവ്വറലി ശിഹാബ് തങ്ങൾ. ബന്ധപ്പെട്ട വ്യക്തിയുടെ മക്കളുടെ അഭ്യർത്ഥന പ്രകാരമാണ് തങ്ങൾ യൂസഫലിയെ കണ്ടത്. അദ്ദേഹത്തോടൊപ്പം ദുബൈ കെഎംസിസി പ്രസിഡൻറ് ഡോ. അൻവർ അമീനും ഉണ്ടായിരുന്നു.

സെക്രട്ടറി ഷാഹിദുമായി ബന്ധപ്പെട്ടപ്പോൾ യൂസഫലി വളരെ താൽപ്പര്യത്തോടെ കൂടിക്കാഴ്ചയ്ക്ക് സമയം അനുവദിച്ചുവെന്ന് സയ്യിദ് മുനവ്വറലി തങ്ങൾ ഫേസ്ബുക്ക് പോസ്റ്റിൽ കുറിച്ചു. ളുഹറിന് ശേഷം യൂസഫലിയുടെ വസതിയിലെത്തിയപ്പോൾ അദ്ദേഹം ഒരു ഓൺലൈൻ മീറ്റിംഗിലായിരുന്നു. എപ്പോഴും കർമ്മനിരതനായിരിക്കുന്ന യൂസഫലി സാഹിബിൻ്റെ ജീവിത മൂല്യങ്ങൾ എല്ലാ തലമുറയിലുള്ളവർക്കും പ്രചോദനമാണെന്ന് സയ്യിദ് മുനവ്വറലി അഭിപ്രായപ്പെട്ടു. 

ലോകം ഇത്രയധികം ഉയരങ്ങളിൽ നിൽക്കുമ്പോഴും അദ്ദേഹത്തിൻ്റെ ആതിഥ്യ മര്യാദയും എളിമയും സ്നേഹത്തോടെയുള്ള പെരുമാറ്റവും എല്ലാവരെയും വിസ്മയിപ്പിക്കുന്നതാണ്. ചെന്ന വിഷയം ബന്ധപ്പെട്ട വ്യക്തിയുടെ മക്കളിൽ നിന്ന് യൂസഫലി സാഹിബ് വളരെ വേഗത്തിൽ മനസ്സിലാക്കിയെടുത്തു. വെറും പത്ത് മിനിറ്റിനുള്ളിൽ കാര്യങ്ങൾ ക്രോസ് ചെക്ക് ചെയ്ത് വിഷയത്തിൻ്റെ ഗൗരവം ഉൾക്കൊള്ളാൻ അദ്ദേഹത്തിന് സാധിച്ചു. ആ വിഷയം അത്ര വേഗത്തിൽ തനിക്ക് പോലും ഗ്രഹിക്കാൻ കഴിഞ്ഞിരുന്നില്ല എന്നതാണ് സത്യമെന്ന് സയ്യിദ് മുനവ്വറലി തുറന്നു പറഞ്ഞു. 

എന്നാൽ യൂസഫലി സാഹിബ് നിമിഷങ്ങൾക്കുള്ളിൽ കാര്യങ്ങൾ മനസ്സിലാക്കുകയും അദ്ദേഹത്തിൻ്റെ ഭാഗത്തുനിന്നുള്ള വിലപ്പെട്ട സഹായം ഉറപ്പുനൽകുകയും ചെയ്തു. ഈ വിഷയം കേൾക്കാനും അതിനോട് പ്രതികരിക്കാനും സഹായം വാഗ്ദാനം ചെയ്യാനും കാണിച്ച ആ വലിയ മനസ്സിന് ഹൃദയം നിറഞ്ഞ നന്ദി അറിയിക്കുന്നതായി സയ്യിദ് മുനവ്വറലി തങ്ങൾ കൂട്ടിച്ചേർത്തു. 

ഫേസ്‌ബുക്ക് പോസ്റ്റിന്റെ പൂർണരൂപം:

വിദേശത്തത്ത് നിയമക്കുരുക്കിൽ അകപ്പെട്ട വേണ്ടപ്പെട്ടൊരാൾക്ക് വേണ്ടി അദ്ദേഹത്തിൻറെ മക്കളുടെ ആവശ്യപ്രകാരമാണ്  ഇന്നലെ ആദരണീയനായ MA യൂസഫലി സാഹിബിനെ കാണുന്നത്.ദുബൈ കെഎംസിസി പ്രസിഡൻറ് ഡോ.അൻവർ അമീനോടൊപ്പമാണ് അദ്ദേഹത്തിൻറെയടുത്ത് പോയത്. സെക്രട്ടറി ഷാഹിദിലൂടെ ബന്ധപ്പെട്ടപ്പോൾ വളരെ താൽപ്പര്യപൂർവ്വമാണ് അദ്ദേഹം സമയം അനുവദിച്ചത്.ളുഹറിന് ശേഷം വസതിയിലെത്തിയപ്പോൾ ഒരു ഓൺലൈൻ മീറ്റിംഗിലായിരുന്നു അദ്ദേഹം.എപ്പോഴും കർമ്മ നിരതനായിരിക്കുന്ന യൂസഫലി സാഹിബീൻറെ ജീവിത മൂല്യങ്ങൾ തലമുറ ഭേദമെന്യേ വിജയിക്കാനാഗ്രഹിക്കുന്ന മനുഷ്യർക്ക് പ്രചോദനമാവുന്നത് 

ഇങ്ങനെയൊക്കെയാണെന്നോർത്തു.ലോകത്തോളം ഉയർന്ന് നിൽക്കുമ്പോഴും ആതിഥ്യ മര്യാദയും എളിമയും സ്നേഹ സാന്ദ്രമായ പെരുമാറ്റവും കൊണ്ട് അദ്ദേഹം നമ്മെ വിസ്മയിപ്പിക്കുന്നു. ചെന്ന കാര്യം ബന്ധപ്പെട്ട വ്യക്തിയുടെ മക്കളിൽ നിന്നും  വളരെ വേഗം അദ്ദേഹം മനസ്സിലാക്കിയെടുത്തു.10 മിനിറ്റ് കൊണ്ട് ക്രോസ്സ് ചെക്കിംഗ് നടത്തി വിഷയത്തിൻറെ ആകത്തുക അദ്ദേഹം ഉൾകൊണ്ടു.

പ്രസ്തുത വ്യക്തിയുടെ മക്കളിൽ നിന്നും അത്ര വേഗം ആ വിഷയം ഗ്രഹിച്ചെടുക്കാൻ എനിക്ക് സാധിച്ചിരുന്നില്ല എന്നതാണ് സത്യം.എന്നാൽ യൂസഫലി സാഹിബ് ആ വിഷയത്തിൻറെ ആകത്തുക മിനിറ്റുകൾ കൊണ്ട് മനസ്സിലാക്കുകയും അദ്ദേഹത്തിൻറെ ഭാഗത്തു നിന്നുമുള്ള വിലപ്പെട്ട സഹായം ഉറപ്പ് നൽകുകയും ചെയ്തു.
ഈ വിഷയം കേൾക്കാനും അതിനോട് പ്രതികരിക്കാനും സഹായം വാഗ്ദാനം ചെയ്യാനും അദ്ദേഹം കാണിച്ച വലിയ മനസ്സിന് ഹൃദയം നിറഞ്ഞ നന്ദി അറിയിക്കുന്നു.

ആരോഗ്യത്തോടെയുള്ള ആയുസ്സ് നൽകി,അദ്ദേഹം ചെയ്യുന്ന മഹത്തായ സത്കർമ്മങ്ങൾ അഭംഗുരം തുടരാൻ അള്ളാഹു ആ മഹദ് വ്യക്തിത്വത്തെ ഇനിയുമേറെ അനുഗ്രഹിക്കട്ടെ എന്ന് പ്രാർത്ഥിക്കുന്നു..

ഈ വാർത്തയെക്കുറിച്ചുള്ള നിങ്ങളുടെ അഭിപ്രായങ്ങൾ പങ്കുവെക്കുക.

MA Yusuf Ali provides support to expat in legal trouble, helping resolve the matter swiftly. Syed Munavvarali Shihab's heartfelt post expresses gratitude.

#MAYusufAli #ExpatSupport #DubaiNews #LegalHelp #SyedMunavvarali #Humanity