യു എ ഇ യും ഇന്ഡ്യയും തമ്മിലുള്ള വാണിജ്യ സഹകരണം മുന് വര്ഷങ്ങളെ അപേക്ഷിച്ച് കൂടുതല് ശക്തിപ്പെട്ടതായി യു എ ഇ സാമ്പത്തിക വകുപ്പ് മന്ത്രി അബ്ദുല്ല ബിന് തൗഖ് അല് മാരി; അഭിപ്രായ പ്രകടനം നടത്തിയത് മുഖ്യമന്ത്രി പിണറായി വിജയനുമായി നടത്തിയ കൂടിക്കാഴ്ചയില്
Jan 31, 2022, 19:42 IST
ദുബൈ: (www.kvartha.com 31.01.2022) യു എ ഇ യും ഇന്ഡ്യയും തമ്മിലുള്ള വാണിജ്യ സഹകരണം മുന് വര്ഷങ്ങളെ അപേക്ഷിച്ച് കൂടുതല് ശക്തിപ്പെട്ടതായി യു എ ഇ സാമ്പത്തിക വകുപ്പ് മന്ത്രി അബ്ദുല്ല ബിന് തൗഖ് അല് മാരി. ഔദ്യോഗിക സന്ദര്ശനത്തിനായി യു എ ഇ ലെത്തിയ മുഖ്യമന്ത്രി പിണറായി വിജയനുമായി തിങ്കളാഴ്ച ദുബൈയില് വെച്ച് നടത്തിയ കൂടിക്കാഴ്ചയിലായിരുന്നു യു എ ഇ മന്ത്രിയുടെ അഭിപ്രായ പ്രകടനം.
കോവിഡ് വെല്ലുവിളികളെ യു എ ഇ അതിജീവിച്ചിരിക്കുകയാണെന്നും അദ്ദേഹം അഭിപ്രായപ്പെട്ടു. വാണിജ്യ വ്യവസായ മേഖലകളില് നൂതനമായ പദ്ധതികളാണ് യു എ ഇ ആവിഷ്കരിച്ചു കൊണ്ടിരിക്കുന്നത്. നൂറു ശതമാനം ഉടമസ്ഥാവകാശം നല്കുന്ന നിയമം, ചെക് ക്രിമിനല് കുറ്റമല്ലാതാക്കിയ ഭേദഗതി, ദീര്ഘകാല വിസ മുതലായവ യു എ ഇ യെ ഏറ്റവും മികച്ച വ്യവസായ സൗഹൃദ രാജ്യങ്ങളില് ഒന്നാക്കി മാറ്റിയിട്ടുണ്ട്. യു എ ഇ യില് രണ്ടു ലക്ഷത്തോളം പുതിയ തൊഴിലുകളാണ് പുതുതായി സൃഷ്ടിക്കപെടാന് പോകുന്നത്. മലയാളികള് ഉള്പെടെയുള്ള ഇന്ഡ്യക്കാര്ക്ക് ഇത് ഏറെ ഗുണംചെയ്യുമെന്നും യു എ ഇ മന്ത്രി പറഞ്ഞു.
ഇന്ഡ്യയും വിശേഷിച്ച് കേരളവും യു എ ഇ യും തമ്മില് ചരിത്രപരമായ ബന്ധമാണ് ഉള്ളതെന്ന് മുഖ്യമന്ത്രി സൂചിപ്പിച്ചു. മലയാളികള് ഉള്പെടെയുള്ളവരുടെ രണ്ടാം വീടാണ് യു എ ഇ . യു എ ഇ യിലെ പുതിയ നിയമങ്ങള് മലയാളികള് അടക്കമുള്ള കച്ചവടക്കാര്ക്ക് ഏറെ ഉപകാരപ്രദമാണ്. ചെക് മടങ്ങല് നിയമം ഇതില് പ്രധാനപ്പെട്ടതാണെന്നും മുഖ്യമന്ത്രി പറഞ്ഞു.
ഇന്ഡ്യയില് ഏറ്റവും നന്നായി മെച്ചപ്പെടുന്ന വ്യവസായ അന്തരീക്ഷമാണ് കേരളത്തിലുള്ളത്. യു എ ഇയിലെ സര്കാര് മേഖലയില് നിന്നും സ്വകാര്യ മേഖലകളില് നിന്നുമുള്ള നിക്ഷേപകരെ മുഖ്യമന്ത്രി കേരളത്തിലേക്ക് സ്വാഗതം ചെയ്തു. ഇതിനായി സര്കാര് എല്ലാവിധ പിന്തുണയും നല്കുമെന്നും മുഖ്യമന്ത്രി ഉറപ്പ് നല്കി.
ദുബൈ ഇന്റര്നാഷനല് ഫിനാന്ഷ്യല് സിറ്റിയിലെ 41-ാം നിലയിലുള്ള സാമ്പത്തിക വകുപ്പ് കാര്യാലയത്തില് ആയിരുന്നു കൂടിക്കാഴ്ച. ഊഷ്മളമായ സ്വീകരണമായിരുന്നു മുഖ്യമന്ത്രിക്ക് യു എ ഇ സാമ്പത്തിക വകുപ്പ് മന്ത്രി നല്കിയത്. കൂടിക്കാഴ്ചക്കെത്തിയ മുഖ്യമന്ത്രി, യു എ ഇ യിലെ ഇന്ഡ്യന് അംബാസഡര് സഞ്ജയ് സുധീര്, നോര്ക വൈസ് ചെയര്മാനും അബൂദബി ചേംബര് വൈസ് ചെയര്മാനുമായ എം എ യൂസുഫലി ഉള്പെടെയുള്ളവരെ സ്വീകരിക്കാന് യു എ ഇ മന്ത്രിയും മറ്റ് ഉന്നത ഉദ്യോഗസ്ഥരും നേരിട്ടെത്തിയിരുന്നു.
സാമ്പത്തിക വകുപ്പ് അന്ഡെര് സെക്രടറി ജുമാ മുഹമ്മദ് അല് കൈത്, വാണിജ്യ വിഭാഗം അന്ഡെര് സെക്രടറി അബ്ദുല് അസീസ് അല് നെയിമി, എന്നിവരും യോഗത്തില് സംബന്ധിച്ചു.
Keywords: CM receives warm welcome in Dubai; The Finance Ministry held a meeting with the Minister, Dubai, News, Meeting, Chief Minister, Pinarayi vijayan, Gulf, World.
ഇവിടെ വായനക്കാർക്ക് അഭിപ്രായങ്ങൾ
രേഖപ്പെടുത്താം. സ്വതന്ത്രമായ
ചിന്തയും അഭിപ്രായ പ്രകടനവും
പ്രോത്സാഹിപ്പിക്കുന്നു. എന്നാൽ
ഇവ കെവാർത്തയുടെ അഭിപ്രായങ്ങളായി
കണക്കാക്കരുത്. അധിക്ഷേപങ്ങളും
വിദ്വേഷ - അശ്ലീല പരാമർശങ്ങളും
പാടുള്ളതല്ല. ലംഘിക്കുന്നവർക്ക്
ശക്തമായ നിയമനടപടി നേരിടേണ്ടി
വന്നേക്കാം.
