യുഎഇയില്‍ 2022 ജനുവരിയില്‍ പെട്രോള്‍, ഡീസല്‍ വില കുറയും; ഇന്ധനവില പ്രഖ്യാപിച്ചു
Dec 29, 2021, 11:49 IST
അബൂദബി: (www.kvartha.com 29.12.2021) യുഎഇയില്‍ 2022 ജനുവരി മാസത്തേക്കുള്ള ഇന്ധനവില പ്രഖ്യാപിച്ചു. ദേശീയ ഫ്യുവല്‍ പ്രൈസ് കമിറ്റിയാണ് വില പ്രഖ്യാപിച്ചത്. ഡിസംബറിലെ വിലയെ അപേക്ഷിച്ച് പെട്രോളിനും ഡീസലിനും രാജ്യത്ത് അടുത്ത മാസം വിലകുറയും.
സൂപെര്‍ 98 പെട്രോളിന് 2.65 ദിര്‍ഹമായിരിക്കും ജനുവരി ഒന്ന് മുതല്‍ വില. നിലവില്‍ ഇത് 2.77 ദിര്‍ഹമാണ്. ഇപ്പോള്‍ 2.66 ദിര്‍ഹം വിലയുള്ള സ്‌പെഷ്യല്‍ 95 പെട്രോളിന് ജനുവരിയില്‍ 2.53 ദിര്‍ഹമായിരിക്കും വില.
ഇ-പ്ലസ് 91 പെട്രോളിന് നിലവില്‍ 2.58 ദിര്‍ഹമാണ് വില. ജനുവരിയില്‍ ഇതിന് 2.46 ദിര്‍ഹമായി വില കുറയും. ഡീസല്‍ വില 2.77 ദിര്‍ഹത്തില്‍ നിന്ന് 2.56 ദിര്‍ഹമായി കുറയുമെന്നും അധികൃതര്‍ അറിയിച്ചു.
Keywords: Abu Dhabi, News, Gulf, World, Petrol Price, Diesel, UAE, Business, UAE: Petrol, diesel prices for January 2022 announced
ഇവിടെ വായനക്കാർക്ക് അഭിപ്രായങ്ങൾ
രേഖപ്പെടുത്താം. സ്വതന്ത്രമായ
ചിന്തയും അഭിപ്രായ പ്രകടനവും
പ്രോത്സാഹിപ്പിക്കുന്നു. എന്നാൽ
ഇവ കെവാർത്തയുടെ അഭിപ്രായങ്ങളായി
കണക്കാക്കരുത്. അധിക്ഷേപങ്ങളും
വിദ്വേഷ - അശ്ലീല പരാമർശങ്ങളും
പാടുള്ളതല്ല. ലംഘിക്കുന്നവർക്ക്
ശക്തമായ നിയമനടപടി നേരിടേണ്ടി
വന്നേക്കാം.
