പ്രദേശിക മാധ്യമപ്രവര്‍ത്തകര്‍ക്ക് ജില്ലാ അക്രഡിറ്റേഷന്‍ നല്‍കും: മുഖ്യമന്ത്രി

കേരള പത്രപ്രവര്‍ത്തക അസോസിയേഷന്‍-ജോംവ കോട്ടയം ജില്ലാ സമ്മേളനം ഉദ്ഘാടനം മുഖ്യമന്ത്രി നിര്‍വ്വഹിക്കുന്നു. സ്റീഫന്‍ ജോര്‍ജ്, പി.കെ. ബിജു എംപി, ജോസ് കെ.മാണി എംപി, ധനകാര്യ മന്ത്രി കെ.എം. മാണി, മോന്‍സ് ജോസഫ് എംഎല്‍എ എന്നിവര്‍ സമീപം.

കടുത്തുരുത്തി: ജില്ലാ അക്രഡിറ്റേഷന്‍ ഉള്‍പെടെയുള്ള പ്രാദേശിക മാധ്യമപ്രവര്‍ത്തകരുടെ ആവശ്യങ്ങള്‍ അനുഭാവ പൂര്‍വം സര്‍ക്കാര്‍ പരിഗണിക്കുമെന്ന് മുഖ്യമന്ത്രി ഉമ്മന്‍ചാണ്ടി. കേരള പത്രപ്രവര്‍ത്തക അസോസിയേഷന്‍-ജോംവ കോട്ടയം ജില്ലാ സമ്മേളനം ഉദ്ഘാടനം ചെയ്ത് പ്രസംഗിക്കുകയായിരുന്നു അദ്ദേഹം. മാധ്യമപ്രവര്‍ത്തകര്‍ക്ക് സര്‍ക്കാരില്‍നിന്നും ലഭ്യമാക്കാവുന്ന പരമാവധി കാര്യങ്ങള്‍ ചെയ്യുന്നതിന് നടപടി സ്വീകരിക്കുമെന്ന് ധനകാര്യ മന്ത്രി കെ.എം. മാണി ഉറപ്പ് നല്‍കി. സമ്മേളനത്തോടുനുബന്ധിച്ച് നടന്ന മാധ്യമ ശില്പശാലയുടെ ഉദ്ഘാടനം നിര്‍വഹിച്ചു പ്രസംഗിക്കുകയായിരുന്നു ധനകാര്യ മന്ത്രി. സംഘടനയുടെ നേതൃത്വത്തില്‍ അംഗങ്ങളുടെ വീടുകളില്‍ നടപ്പാക്കുന്ന അടുക്കള പച്ചക്കറി തോട്ടം പദ്ധതിയുടെ ഉദ്ഘാടനവും മുഖ്യമന്ത്രി നിര്‍വഹിച്ചു.

മുതിര്‍ന്ന പത്രപ്രവര്‍ത്തകനായിരുന്ന രാജന്‍ ബി.മറവന്‍തുരുത്ത് അനുസ്മരണസമ്മേളനം ആഭ്യന്തരമന്ത്രി തിരുവഞ്ചൂര്‍ രാധാകൃഷ്ണന്‍ ഉദ്ഘാടനം ചെയ്തു. മുഖ്യമന്ത്രിയെയും പ്രാദേശിക മാധ്യമപ്രവര്‍ത്തകര്‍ക്ക് ക്ഷേമനിധി ഏര്‍പെടുത്തിയ ധനകാര്യമന്ത്രി കെ.എം. മാണിയെയും സമ്മേളനത്തില്‍ ആദരിച്ചു. തെരഞ്ഞെടുക്കപെട്ട പത്രപ്രവര്‍ത്തകരെ ആദരിക്കല്‍ പി.കെ. ബിജു എംപിയും മുതിര്‍ന്ന മാധ്യമപ്രവര്‍ത്തകരെ മന്ത്രി അനൂപ് ജേക്കമ്പും ആദരിച്ചു. സിവില്‍ സര്‍വ്വീസ് പരീക്ഷയില്‍ കേരളത്തില്‍നിന്ന് ഒന്നാമതെത്തിയ എ.ആര്‍. രാഹുല്‍നാഥിനെ സര്‍ക്കാര്‍ ചീഫ് വിപ്പ് പി.സി. ജോര്‍ജ് ആദരിച്ചു. മാധ്യമപ്രവര്‍ത്തകന്‍ ഹരി. എസ്. കര്‍ത്ത മാധ്യശില്‍പശാല യില്‍ ക്ലാസ് നയിച്ചു. ജില്ലാ കമ്മിറ്റി ഓഫീസിന്റെ ഉദ്ഘാടനം മോന്‍സ് ജോസഫ് എംഎല്‍എയും, എസ്എസ്എല്‍സി, പ്ലസ് ടു, ഡിഗ്രി പരീക്ഷകളില്‍ വിജയം നേടിയ അംഗങ്ങളുടെ മക്കള്‍ക്കുള്ള സമ്മാനവിതരണം ഡോ.ജയരാജ് എംഎല്‍എയും ഐഡന്റിറ്റി കാര്‍ഡ് വിതരണം. കോട്ടയം ജില്ലാ പഞ്ചായത്ത് പ്രസിഡന്റ് രാധാ വി. നായരും നിര്‍വഹിച്ചു. കടുത്തുരുത്തിയി സെന്റ് മേരീസ് താഴത്തുപള്ളി പാരീഷ്ഹാളില്‍ നടന്ന സമ്മേളനത്തില്‍ ജില്ലാ പ്രസിഡന്റ് കെ.സി. പ്രസാദ് അധ്യക്ഷത വഹിച്ചു.

ജോസ് കെ. മാണി എംപി, കെ.സുരേഷ്‌കുറുപ്പ് എംഎല്‍എ, മുന്‍ എം.എല്‍.എമാരായ പി.എം. മാത്യു, സ്റ്റീഫന്‍ ജോര്‍ജ്ജ്, കടുത്തുരുത്തി ബ്ലോക്ക് പഞ്ചായത്ത് പ്രസിഡന്റ് സഖറിയാസ് കുതിരവേലി, കോണ്‍ഗ്രസ് കടുത്തുരുത്തി ബ്ലോക്ക് പ്രസിഡന്റ് വി.എം. പോള്‍, ജില്ലാ പഞ്ചായത്തംഗം ജോസ് പുത്തന്‍കാല, കെ.കെ. രാമഭദ്രന്‍, ജയപ്രകാശ് തെക്കേടത്ത്, പത്രപ്രവര്‍ത്തക അസോസിയേഷന്‍ സംസ്ഥാന പ്രസിഡന്റ് ജി. ശങ്കര്‍, സംസ്ഥാന ജനറല്‍ സെക്രട്ടറി തോമസ് ജോസഫ്, ഭാരവാഹികളായ വിനോദ് പ്രഭാകര്‍, കെ.ആര്‍. മധു, കെ.കെ. അബ്ദുള്ള, ബിജു ഇത്തിത്തറ, നൗഷാദ് വെബ്ലി, കെ.ആര്‍. ബാബു, എസ്.ബിജു, എ.ആര്‍. രവീന്ദ്രന്‍, ജോജോ ആളോത്ത്, ബിജു കൈപ്പാറേടന്‍, എ.ആര്‍.രവീന്ദ്രന്‍, ടി. പി.പ്രദീപ് കുമാര്‍, എസ്.എം.മുഹമ്മദ് കബീര്‍, എം.ആര്‍. ബിനീഷ്, അനില്‍ കൂരോപട, കെ.എം. മാത്യൂ പാമ്പാടി, കെ.വി. വിജയന്‍, കെ.കെ. ജയകുമാര്‍, ബൈജു പെരുവ, രാജു കുടിലില്‍, എസ്,സന്തോഷ്, കെ.ആര്‍. സുശീലന്‍, കെ.അനില്‍കുമാര്‍ എന്നിവര്‍ പ്രസംഗിച്ചു.

Keywords:  Dist accreditation, Journalists, Oommen Chandy, Kottayam, Kerala