വൈദ്യുതി ബോര്‍ഡിനെ കമ്പനിയാക്കാന്‍ തീരുമാനമായി

തിരുവനന്തപുരം: സംസ്ഥാന വൈദ്യുതി ബോര്‍ഡിനെ കമ്പനിയാക്കാന്‍ ബുധനാഴ്ച ചേര്‍ന്ന മന്ത്രിസഭാ യോഗത്തില്‍ തീരുമാനമായി. വൈദ്യുതി ബോര്‍ഡിനെ മൂന്ന് ഭാഗങ്ങളായി വിഭജിക്കാനാണ് തീരുമാനിച്ചിരിക്കുന്നത്. ഉത്പാദനം, വിതരണം, പ്രസരണം എന്നിങ്ങനെയാണ്  വിഭജനം. ഇതു കൂടാതെ  പൊതു ഹോള്‍ഡിങ് കമ്പനിയും നിലവില്‍ വരും.

കെ.എസ്.ഇ.ബിക്ക് വൈദ്യുതി ഉല്‍പാദനത്തില്‍ 3,450 കോടി രൂപയുടെ കടമുള്ളതായുള്ള വാര്‍ത്ത കഴിഞ്ഞ ദിവസം പുറത്തുവിട്ടിരുന്നു.
റെഗുലേറ്ററി കമ്മീഷന് മുമ്പാകെ കെ.എസ്.ഇ.ബി തന്നെയാണ് ഇക്കാര്യം അറിയിച്ചത്. മാത്രമല്ല ഈ സാമ്പത്തിക വര്‍ഷത്തില്‍  3,493 കോടി രൂപയുടെ നഷ്ടവും കെ.എസ്.ഇ.ബിക്ക് ഉണ്ടായിട്ടുണ്ട്.

മാത്രമല്ല 1826 കോടി രൂപയുടെ ഹ്രസ്വ വായ്പയും 1624 കോടി രൂപയുടെ ഓവര്‍ ഡ്രാഫ്റ്റ് വായ്പയും വൈദ്യുതി ബോര്‍ഡിനുണ്ട്.

 ഇത് കൂടാതെ റവന്യൂ കമ്മിയില്‍ കണക്കില്‍ പെടാത്ത 1738 കോടി രൂപയുടെ അധിക ബാധ്യതയും കൂടിയുണ്ട്. അതുകൊണ്ടുതന്നെ വൈദ്യുതി ബോര്‍ഡിന്റെ നിലനില്‍പ്പ് തന്നെ അപകടത്തിലാണെന്ന് കഴിഞ്ഞ ദിവസം ബോര്‍ഡ്
വ്യക്തമാക്കിയിരുന്നു.
അപകടക്കെണിയൊരുക്കി സ്ലാബുകളും റോഡുകളും; യാത്രക്കാര്‍ ഭീതിയില്‍