എന്‍ഡോസള്‍ഫാന്‍ ദുരിത മേഖലയില്‍ ലൈഗീക ചൂഷണവും; യുവതി പ്രസവിച്ചു
Sep 26, 2012, 12:47 IST
എന്‍ഡോസള്‍ഫാന്‍ ഇരയായ ബുദ്ധിമാന്ദ്യമുളള യുവതിയെ സാമൂഹ്യവിരുദ്ധര്‍ ലൈംഗികമായി പീഡിപ്പിക്കുകയും പീഡനത്തിനിരയായ യുവതി ആണ്‍കുഞ്ഞിന് ജന്‍മം നല്‍കിയതോടെയാണ് എന്‍ഡോസള്‍ഫാന്‍ ഇരകളുടെ ദുരിതം മുതലാക്കുന്ന കാമഭ്രാന്തന്‍മാരുടെ വിളയാട്ടം പുറംലോകമറിയുന്നത്.
എന്‍ഡോസള്‍ഫാന്‍ മൂലം രോഗം ബാധിച്ച് ബുദ്ധിസ്ഥിരതയില്ലാതെ അലഞ്ഞു തിരിഞ്ഞ് നടന്നിരുന്ന ബേളൂര്‍ പഞ്ചായത്തിലെ പാടമൂലയിലെ 22 വയസ്സുകാരിയാണ് ഒന്നര വര്‍ഷം മുമ്പ് സാമൂഹ്യദ്രോഹികളുടെ ലൈംഗിക പീഡനത്തിനിരയായ യുവതി. യുവതി 10 മാസം മുമ്പ് ഒരു ആണ്‍കുഞ്ഞിനെ പ്രസവിക്കുകയും ചെയ്തു. യുവതി പൂര്‍ണ ഗര്‍ഭണിയായതിന് ശേഷമാണ് പീഡനത്തിനിരയായ വിവരം അറിഞ്ഞതെന്ന് യുവതിയുടെ മാതാവ് പറയുന്നു.
പാടമൂലയിലെ ഇടുങ്ങിയ വാടക വീട്ടില്‍ താമസിക്കുന്ന ഈ കുടുംബത്തിന്റെ ഏക വരുമാന മാര്‍ഗം എന്‍ഡോസള്‍ഫാന്‍ പെന്‍ഷനായി ലഭിക്കുന്ന 2,000 രൂപയാണ്. ഈ തുച്ചമായ തുകകൊണ്ട് മകളുടെയും കുഞ്ഞിന്റെയും ചിലവ് താങ്ങാനാവാതെ ഈ അമ്മ കണ്ണീരുമായി കഴിയുകയാണ്. എന്‍ഡോസള്‍ഫാന്‍ ഇരകളായ അവിവാഹിതരായ അമ്മമാരുടെ എണ്ണം വര്‍ധിച്ചു വരുന്നതായി നേരത്തെ റിപോര്‍ട്ടുണ്ടായിരുന്നു. ഈ റിപോര്‍ട്ടുകള്‍ ഉറപ്പിക്കുന്നതാണ് പാടമൂലയിലെ 22 വയസ്സുകാരിയുടെ ദുരിത ജീവിതം.
Keywords: Kasaragod, Endosulfan, Kerala, Victims, Mother, Molestation, Malayalam News
ഇവിടെ വായനക്കാർക്ക് അഭിപ്രായങ്ങൾ
രേഖപ്പെടുത്താം. സ്വതന്ത്രമായ
ചിന്തയും അഭിപ്രായ പ്രകടനവും
പ്രോത്സാഹിപ്പിക്കുന്നു. എന്നാൽ
ഇവ കെവാർത്തയുടെ അഭിപ്രായങ്ങളായി
കണക്കാക്കരുത്. അധിക്ഷേപങ്ങളും
വിദ്വേഷ - അശ്ലീല പരാമർശങ്ങളും
പാടുള്ളതല്ല. ലംഘിക്കുന്നവർക്ക്
ശക്തമായ നിയമനടപടി നേരിടേണ്ടി
വന്നേക്കാം.
