Accidental Death | ബൈകിന് കുറുകെ നായ ചാടി; വാഹനത്തിന്റെ നിയന്ത്രണം നഷ്ടപ്പെട്ട് റോഡില്‍ തെറിച്ചുവീണ യുവാവ് ലോറി കയറി മരിച്ചു
Jun 23, 2023, 13:14 IST
കൊച്ചി: (www.kvartha.com) ബൈകിന് കുറുകെ നായ ചാടിയതോടെ റോഡിലേക്ക് വീണ യുവാവിന് ദാരുണാന്ത്യം. 24 കാരനായ എറണാകുളം മൂലംപ്പള്ളി സ്വദേശി സാള്‍ട്ടണ്‍ ആണ് മരിച്ചത്. എറണാകുളം കണ്ടയ്‌നര്‍റോഡ് കോതാട് ഭാഗത്ത് വെച്ചാണ് അപകടമുണ്ടായത്.
ബൈകിന് കുറുകെ നായ വട്ടം ചാടിയതോടെ ബൈക് യാത്രക്കാരന്റെ നിയന്ത്രണം നഷ്ടപ്പെടുകയും റോഡിലേക്ക് തെറിച്ച് വീഴുകയുമായിരുന്നുവെന്ന് ദൃക്‌സാക്ഷികള്‍ പറഞ്ഞു. റോഡിലേക്ക് വീണ സാള്‍ട്ടന്റെ ദേഹത്തിലൂടെ അതുവഴി വന്ന ലോറി കയറിയിറങ്ങുകയായിരുന്നു.
സംഭവ സ്ഥലത്തുവെച്ചു തന്നെ യുവാവ് മരിച്ചു. വാരാപ്പുഴ പൊലീസ് സംഘം സ്ഥലത്തെത്തി നടപടികള്‍ തുടരുകയാണ്. ഈ മേഖലയില്‍ നായശല്യം രൂക്ഷമാണെന്ന് പ്രദേശവാസികള്‍ പറഞ്ഞു.
Keywords: News, Kerala, Kerala-News, Accident-News, Accident, Death, Youth, Ernakulam, Road Accident, Stray Dog, Bike, Vehicle, Police, News-Malayalam, Ernakulam: Young man died in bike accident.
ഇവിടെ വായനക്കാർക്ക് അഭിപ്രായങ്ങൾ
രേഖപ്പെടുത്താം. സ്വതന്ത്രമായ
ചിന്തയും അഭിപ്രായ പ്രകടനവും
പ്രോത്സാഹിപ്പിക്കുന്നു. എന്നാൽ
ഇവ കെവാർത്തയുടെ അഭിപ്രായങ്ങളായി
കണക്കാക്കരുത്. അധിക്ഷേപങ്ങളും
വിദ്വേഷ - അശ്ലീല പരാമർശങ്ങളും
പാടുള്ളതല്ല. ലംഘിക്കുന്നവർക്ക്
ശക്തമായ നിയമനടപടി നേരിടേണ്ടി
വന്നേക്കാം.
