കണ്ണൂർ: (KVARTHA) ചാല ബൈപ്പാസ് റോഡിൽ ഓടിക്കൊണ്ടിരുന്ന ലോറിക്ക് തീപിടിച്ച് അപകടം. എറണാകുളത്തുനിന്ന് പ്ലൈവുഡുമായി പൂനെയിലേക്ക് പോകുകയായിരുന്ന മഹാരാഷ്ട്ര രജിസ്ട്രേഷൻ നാഷണൽ പെർമിറ്റ് ലോറിയാണ് അപകടത്തിൽപ്പെട്ടത്. ലോറിയുടെ കാബിൻ പൂർണമായും കത്തി നശിച്ചു. അപകടത്തിൽ നിന്നും അത്ഭുതകരമായാണ് ലോറി ജീവനക്കാർ രക്ഷപ്പെട്ടത്.

ചൊവ്വാഴ്ച വൈകിട്ട് മൂന്നോടെയാണ് സംഭവം. എഞ്ചിനിൽനിന്ന് തീ ഉയരുന്നത് കണ്ട ഡ്രൈവറും സഹായിയും വാഹനം റോഡരികിലേക്ക് ഒതുക്കിയശേഷം പുറത്തിറങ്ങി ഓടി രക്ഷപ്പെട്ടതിനാൽ ആളപായം ഒഴിവായി. തുടർന്ന് നാട്ടുകാരുടെ സഹായത്തോടെ തീയണക്കാൻ ശ്രമിച്ചെങ്കിലും തീ നിയന്ത്രണവിധേയമാക്കാൻ സാധിക്കാത്തതിനെ തുടർന്ന് ഫയർഫോഴ്സിൽ വിവരമറിയിക്കുകയായിരുന്നു.

കണ്ണൂരിൽനിന്നും രണ്ട് യൂണിറ്റ് അഗ്നിരക്ഷാ സേനാംഗങ്ങളെത്തി തീയണച്ചു. പ്ലൈവുഡ് ലോഡിന്റെ ഒരു ഭാഗവും കത്തി നശിച്ചിട്ടുണ്ട്. ഷോർട്ട് സർക്യൂട്ടാണ് തീപിടിത്തത്തിന് കാരണമെന്നാണ് പ്രാഥമിക നിഗമനം. അപകടത്തെ തുടർന്ന് കുറച്ചുനേരം ഈ റൂട്ടിൽ ഗതാഗതം തടസ്സപ്പെട്ടു.

A moving lorry carrying plywood caught fire on the Chala bypass road in Kannur. The staff escaped unhurt. Firefighters extinguished the blaze. Short circuit suspected as the cause.

#KannurFire #LorryAccident #FireAccident #RoadSafety #KeralaNews #Firefighters