ആ സ്‌ഫോടന ശബ്ദം കവര്‍ന്നത് ശ്രീല­ത­യുടെ ജീവന്‍

ക­ണ്ണൂര്‍: രാത്രി ഭക്ഷ­ണ­മൊക്കെ കഴിച്ച് ഉറ­ങ്ങാന്‍ തുട­ങ്ങു­മ്പോ­ഴാണ് ശ്രീല­ത­യുടെ വീട്ടില്‍ ഉഗ്രസ്‌ഫോട­ന­ത്തിന്റെ ഘോര­ശബ്ദം കേട്ട­ത്. വീടി­ന­ടുത്ത് നിന്നു­ണ്ടായ ശബ്ദം എന്താ­ണെ­ന്ന­റി­യു­ന്ന­തിന് ശ്രീലത വാതില്‍ തുറന്നു. എന്നാല്‍ ശ്രീല­തയെ എതി­രേ­റ്റത് പാഞ്ഞു­വന്ന അഗ്നി­ഗോ­ള­ങ്ങളാ­യിരു­ന്നു. വാതി­ലി­നു­ള്ളി­ലൂടെ തീ അക­ത്തേക്ക് പാഞ്ഞ് കയ­റു­ക­യാ­യി­രു­ന്നു. പിന്നീട് ശ്രീല­ത­യുടെ വീട് എന്നത് സങ്കല്‍പ്പം മാത്ര­മായി മാ­റി.

അഗ്നി വിഴു­ങ്ങിയ വീടി­നു­ള്ളില്‍ ശ്രീല­ത­യുടെ ഭര്‍ത്താവും മക്ക­ളു­മു­ണ്ടാ­യി­രു­ന്നു. മണി­ക്കൂ­റു­കള്‍ക്കു ശേഷ­മാണ് മാര­ക­മായി പൊ­ള്ള­ലേറ്റ ശ്രീല­തയെയും മറ്റു­ള്ള­വ­രേയും ആശു­പ­ത്രി­യി­ലെ­ത്തി­ക്കാന്‍ സാധി­ച്ച­ത്. അത്രയും സമയം ആര്‍ക്കും സംഭവം നടന്ന സ്ഥല­ത്തേക്ക് പോകാന്‍ സാധി­ച്ചി­ല്ല. ലോറി ആകാ­ശ­ത്തേക്ക് ഉയര്‍ന്നു­പൊ­ങ്ങി­യാണ് കത്തി­യ­ത്. കൂടാതെ തീ സമീപ പ്രദേ­ശ­ങ്ങ­ളി­ലേക്ക് പാഞ്ഞ് വരി­ക­യാ­യി­രു­ന്നു. ആദ്യ മണി­ക്കൂ­റു­ക­ളില്‍ തീ നിയ­ന്ത്ര­ണ­വി­ധേ­യ­മാ­ക്കാന്‍ നാട്ടു­കാര്‍ക്കോ, ഫയര്‍ഫോ­ഴ്‌സിനോ സാധി­ച്ചി­ല്ല.

ചാല പ്രദേ­ശ­ത്തേക്ക് ആര്‍ക്കും പ്രവേ­ശി­ക്കാന്‍ കൂടി സാധി­ച്ചി­ല്ല. ലോറിക്കു സമീ­പ­മു­ണ്ടാ­യി­രുന്ന വാഹ­ന­ങ്ങളും വീടു­കളും കൃഷി­യി­ട­ങ്ങളും പൂര്‍ണ്ണ­മായും കത്തി നശി­ച്ചു. ഓണ­മാ­ഘോ­ഷി­ക്കാന്‍ തയ്യാ­റാ­യി­രു­ന്ന­വ­രുടെ വീടു­ക­ളി­ലേ­ക്കാണ് മാവേ­ലിക്കു പകരം തീ കാല­നേ­പ്പോലെ കട­ന്നു­വ­ന്ന­ത്. ഉറ­ങ്ങാനൊ­രു­ങ്ങു­മ്പോള്‍ അപ്ര­തീ­ക്ഷി­ത­മായി കട­ന്നെ­ത്തിയ ദുരന്തം നാടിനെ കണ്ണീ­രി­ലാ­ഴ്ത്തി.