രണ്ടു ദി­വസ­ത്തെ കേ­ര­ള സ­ന്ദര്‍­ശ­ന­ത്തി­നാ­യി ഉ­പ­രാ­ഷ്ട്രപ­തി ശ­നി­യാഴ്ച കേ­ര­ള­ത്തി­ലെത്തും

തിരുവനന്തപുരം: ഉപരാഷ്ട്രപതി എം. ഹാമിദ് അന്‍സാ­രി ര­ണ്ടു ദി­വസ­ത്തെ സ­ന്ദര്‍­ശ­ന­ത്തി­നായി ശനിയാഴ്­ച കേ­ര­ള­ത്തി­ലെ­ത്തും. തിരുവന­ന്ത­പുരത്ത് ഉച്ചയ്ക്ക് 11.45 ന് പ്രത്യേകവിമാനത്തില്‍ വ്യോമസേനയുടെ ടെക്‌നിക്കല്‍ ഏരിയയില്‍ എത്തുന്ന ഉപരാഷ്ട്രപതി വൈകുന്നേരം നാ­ലു മ­ണിക്ക് കനകക്കുന്ന് കൊട്ടാരത്തില്‍ നടക്കുന്ന പ്രൊഫ.എന്‍.എ. കരീം സ്മാരക പുരസ്‌കാര വിതരണ ചടങ്ങില്‍ പങ്കെടുക്കും.


ശനിയാഴ്ച രാവിലെ 10 മ­ണിക്ക് സെക്രട്ടേറിയറ്റിലെ പഴയ അ­സംബ്ലിഹാളില്‍ നടക്കുന്ന ചടങ്ങില്‍ കൊച്ചി സര്‍വകലാ­ശാ­ല­യില്‍ പുതുതായി ആരംഭിക്കുന്ന കെ.എം. മാണി ബജറ്റ് പഠനകേന്ദ്രത്തിന്റെ ഉദ്ഘാടനം ഉപരാ­ഷ്ട്രപ­തി നിര്‍വഹിക്കും. 11.15ന് വ്യോമസേനാ വിമാനത്തില്‍ യാത്രതിരിക്കുന്ന അദ്ദേഹം കരിപ്പൂരിലും തുടര്‍ന്ന് വ്യോമസേനാ ഹെലികോപ്ടറില്‍ ഏഴിമല നാവിക അക്കാദമി ഹെലിപാഡിലേക്കും അവിടെനിന്ന് റോഡുമാര്‍ഗം കണ്ണൂരി­ലേക്കും ­പോകും.

വൈകുന്നേരം 3.30 ന് പയ്യന്നൂരില്‍ സി.പി. ശ്രീധരന്‍റെ 80 ാം ജന്മവാര്‍ഷികാഘോഷ പരിപാടികള്‍ ഉദ്ഘാടനം ചെ­യ്­ത­ശേ­ഷം ക­രിപ്പൂര്‍ വിമാനത്താവ­ളം വഴി ഡെല്‍ഹിക്ക് മടങ്ങും.