വീട്ടമ്മയുടെ തല­യ്ക്ക­ടിച്ച് ആഭരണങ്ങള്‍ ക­വര്‍ന്നു

കോട്ടയം: വീട്ടമ്മയുടെ തല­യ്ക്കടിച്ച് വീടിനുള്ളില്‍നിന്ന് ആഭരണങ്ങള്‍ കവര്‍ന്നു. തി­ങ്ക­ളാഴ്ച പു­ലര്‍ചെ അഞ്ചരയോടെയായിരുന്നു സംഭവം. കമ്പിവടികൊണ്ട് വീട്ടമ്മയുടെ തലയ്ക്കടിച്ച് ബോധം കെടുത്തിയശേഷം വീടിനുള്ളില്‍ കടന്ന മോഷ്ടാവ് മകളുടെയും കൊച്ചുമകന്റെയും ആഭരണങ്ങള്‍ കവര്‍ന്നു. മോഷ്ടാവി­ന്റെ അടിയേറ്റ് തലയ്ക്ക് പരിക്കേറ്റ മറിയപ്പള്ളി പുത്തന്‍പറമ്പില്‍ പ്രകാശന്റെ ഭാര്യ സുജാത(48)യെ ജില്ലാ ആശുപത്രിയില്‍ പ്രവേശിപ്പി­ച്ചു.

പ്രകാശന്‍ സ്ഥലത്തില്ലാതിരുന്ന സമയത്തായിരുന്നു മോഷണം. സുജാത ബാത് റൂമില്‍ പോകുന്നതിന് മുറ്റത്തിറങ്ങിയപ്പോള്‍ മോഷ്ടാവ് കമ്പിവടികൊണ്ട് അടിച്ചുവീഴ്ത്തുകയായിരുന്നു. തൂടര്‍ന്ന് അബോധാവസ്ഥയിലായ സുജാതയുടെ വായില്‍ തുണി തിരുകി. വീടിനുള്ളില്‍ കടന്ന മോഷ്ടാവ് ഇളയമകള്‍ പ്രീതിയു­ടെ ഒര് പവന്റെ മാലപൊട്ടിച്ചു. അടുത്തമുറിയില്‍ ഉറങ്ങിക്കിടന്ന മൂത്തമകള്‍ പ്രിയയു­ടെ എട്ട് മാസം പ്രായമുള്ള മകള്‍ ശിവന്യായുടെ രണ്ടു പവന്റെ മാലയും പൊട്ടിച്ചു.