IUML | കോണ്‍ഗ്രസിലെ ഓരോ വ്യക്തികളും സംസാരിക്കുമ്പോള്‍ അതിന് ഒരേ സ്വരം ഉണ്ടാകണം; അത് എല്ലാ പാര്‍ടിക്കും ബാധകമാണ്; കെ സുധാകരന്റെ ആര്‍ എസ് എസ് പരാമര്‍ശത്തില്‍ രൂക്ഷവിമര്‍ശനവുമായി എംകെ മുനീര്‍
Nov 14, 2022, 15:15 IST
കോഴിക്കോട്: (www.kvartha.com) കോണ്‍ഗ്രസിലെ ഓരോ വ്യക്തികളും അവര്‍ സംസാരിക്കുമ്പോള്‍ അതിന് ഒരേ സ്വരം ഉണ്ടാകണം എന്നാണ് ഞങ്ങളുടെ അഭിപ്രായം. അത് എല്ലാ പാര്‍ടിക്കും ബാധകമായിട്ടുള്ളതാണെന്നും എംകെ മുനീര്‍. കെ പി സി സി പ്രസിഡന്റ് കെ സുധാകരന്റെ ആര്‍ എസ് എസ് പരാമര്‍ശത്തില്‍ രൂക്ഷവിമര്‍ശനമാണ് മുനീര്‍ നടത്തിയത്. ആര്‍ എസ് എസ് ചിന്തയുള്ളവര്‍ക്ക് പുറത്തുപോകാം എന്നാണ് രാഹുല്‍ ഗാന്ധി പറഞ്ഞതെന്നും സുധാകരന്‍ നെഹ്‌റുവിന്റെ ചരിത്രം മനസ്സിലാക്കണമെന്നും അദ്ദേഹം അഭിപ്രായപ്പെട്ടു.
മുനീറിന്റെ വാക്കുകള്‍:
'ഭാരത് ജോഡോ യാത്രയില്‍ രാഹുല്‍ ഗാന്ധി പറഞ്ഞത് ആര്‍ എസ് എസ് ചിന്തയുള്ള, മനസ്സ് അങ്ങോട്ടും ഇങ്ങോട്ടും ആടുന്നു എന്ന് തോന്നുന്നുവെങ്കില്‍ അവര്‍ക്ക് പുറത്തേക്ക് പോകാം എന്നാണ്. അതുകൊണ്ട് തന്നെ കോണ്‍ഗ്രസിലെ ഓരോ വ്യക്തികളും അവര്‍ സംസാരിക്കുമ്പോള്‍ അതിന് ഒരേ സ്വരം ഉണ്ടാകണം എന്നാണ് ഞങ്ങളുടെ അഭിപ്രായം. അത് എല്ലാ പാര്‍ടിക്കും ബാധകമായിട്ടുള്ളതാണ്.
വര്‍ഗീയ ഫാസിസത്തോട് പോലും സന്ധി ചെയ്യാന്‍ ജവഹര്‍ലാല്‍ നെഹ്റു തയാറായി എന്ന കെ സുധാകരന്റെ പരാമര്‍ശം വിവാദമായിരുന്നു. കണ്ണൂര്‍ ഡിസിസി സംഘടിപ്പിച്ച നവോഥാന സദസിലായിരുന്നു സുധാകരന്റെ പരാമര്‍ശം. ഇതിനെതിരെയാണ് എംകെ മുനീര്‍ രംഗത്തെത്തിയത്.
Keywords: IUML wants Congress in Kerala to discuss its chief Sudhakaran’s statement on protecting RSS Shakhas, Kozhikode, News, Politics, IUML, Criticism, K.Sudhakaran, RSS, Trending, Kerala.
ഇവിടെ വായനക്കാർക്ക് അഭിപ്രായങ്ങൾ
രേഖപ്പെടുത്താം. സ്വതന്ത്രമായ
ചിന്തയും അഭിപ്രായ പ്രകടനവും
പ്രോത്സാഹിപ്പിക്കുന്നു. എന്നാൽ
ഇവ കെവാർത്തയുടെ അഭിപ്രായങ്ങളായി
കണക്കാക്കരുത്. അധിക്ഷേപങ്ങളും
വിദ്വേഷ - അശ്ലീല പരാമർശങ്ങളും
പാടുള്ളതല്ല. ലംഘിക്കുന്നവർക്ക്
ശക്തമായ നിയമനടപടി നേരിടേണ്ടി
വന്നേക്കാം.
