തിരുവനന്തപുരം: (KVARTHA) കക്കയം ജലവൈദ്യുതി പദ്ധതിയുടെ പെൻസ്റ്റോക്കിൽ കണ്ടെത്തിയ ചോർച്ചയെ തുടർന്ന് സുരക്ഷ മുൻനിർത്തി വ്യാഴാഴ്ച രാവിലെ മുതൽ വൈദ്യുതോത്പാദനം നിർത്തിവച്ചു. ഇത് മൂലം 150 മെഗാവാട്ടിൻ്റെ കുറവ് ഉത്പാദനത്തിൽ ഉണ്ടായിട്ടുണ്ട്. ഈ സാഹചര്യത്തിൽ ഇന്ന് (2025 ഏപ്രിൽ 24) മുതൽ ശനിയാഴ്ച (2025 ഏപ്രിൽ 26) വരെ ഉത്തര കേരളത്തിലെ ചില ഭാഗങ്ങളിൽ അരമണിക്കൂർ വരെ വൈദ്യുതി നിയന്ത്രണം ഏർപ്പെടുത്തേണ്ടി വന്നേക്കാമെന്ന് കെഎസ്ഇബി അറിയിച്ചു.

വെള്ളിയാഴ്ച വൈകുന്നേരത്തോടെ തകരാർ പരിഹരിച്ച് വൈദ്യുതോത്പാദനം പുനഃസ്ഥാപിക്കാനാണ് കെഎസ്ഇബി ഊർജിത ശ്രമം നടത്തുന്നത്. കൂടുതൽ വൈദ്യുതി പുറത്തുനിന്നെത്തിച്ച് നിയന്ത്രണം ഒഴിവാക്കാനുള്ള ശ്രമങ്ങളും പുരോഗമിക്കുകയാണ്.

വൈദ്യുതിയുടെ ആവശ്യകത കുറയുന്ന സാഹചര്യത്തിൽ നിയന്ത്രണം പൂർണ്ണമായി ഒഴിവാക്കാൻ സാധിച്ചേക്കുമെന്നും കെഎസ്ഇബി പ്രത്യാശ പ്രകടിപ്പിച്ചു. അതിനാൽ, ഇന്ന് വൈകുന്നേരം 6 മണിക്ക് ശേഷമുള്ള പീക്ക് സമയങ്ങളിൽ വൈദ്യുതി ഉപയോഗം പരമാവധി കുറച്ച് സഹകരിക്കണമെന്ന് കെഎസ്ഇബി ഉപഭോക്താക്കളോട് അഭ്യർത്ഥിച്ചു.

ഈ വാർത്ത ഷെയർ ചെയ്യൂ! നിങ്ങളുടെ അഭിപ്രായങ്ങൾ താഴെ കമന്റ് ചെയ്യൂ!

Summary: Due to a leak in the penstock of the Kakkayam hydroelectric project, power generation has been halted, causing a 150 MW deficit. This may lead to power cuts of up to half an hour in northern Kerala from today until Saturday. KSEB is working to resolve the issue and requests consumers to reduce peak-time usage.

#KakkayamLeak, #PowerOutage, #KeralaElectricity, #KSEB, #NorthKerala, #EnergyCrisis