കണ്ണൂര്‍: (KVARTHA) കണ്ണൂര്‍ - കാസര്‍കോട് ദേശീയപാതയോരത്തെ പള്ളിക്കുന്നില്‍ സ്ഥിതി ചെയ്യുന്ന കണ്ണൂര്‍ സെന്‍ട്രല്‍ ജയില്‍, സംസ്ഥാനത്തെ ആദ്യത്തെ നെറ്റ് സീറോ കാര്‍ബണ്‍ ജയില്‍ എന്ന പദവിയിലേക്ക് കുതിക്കുകയാണ്. ഇതിന്റെ ഭാഗമായി, ജയിലിന്റെ കാര്‍ബണ്‍ അളവ് കണക്കാക്കുന്നതിനുള്ള പ്രത്യേക പരിശീലന പരിപാടിക്ക് തുടക്കം കുറിച്ചു. നവകേരളം കര്‍മ്മ പദ്ധതി സംസ്ഥാന കോ-ഓര്‍ഡിനേറ്റര്‍ ഡോ. ടി എന്‍ സീമ പരിപാടിയുടെ ഉദ്ഘാടനം നിര്‍വഹിച്ചു.

ജയിലിനെ ഒരു ഹരിത ജയിലാക്കി മാറ്റുന്നതിനുള്ള ശ്രമങ്ങളുടെ ഭാഗമായി, കതിരൂര്‍ സഹകരണ ബാങ്ക് ജയിലിന് നല്‍കുന്ന കുറ്റിമുല്ല തൈകളും മണ്‍ചട്ടികളും ഡോ. ടി.എന്‍ സീമ ഏറ്റുവാങ്ങി. ഈ പദ്ധതിയിലൂടെ, കണ്ണൂര്‍ സെന്‍ട്രല്‍ ജയില്‍ നെറ്റ് സീറോ കാര്‍ബണ്‍ പദ്ധതി നടപ്പിലാക്കുന്ന സംസ്ഥാനത്തിലെ ആദ്യ ജയില്‍ എന്ന നേട്ടം കൈവരിക്കും. ഈ സുപ്രധാന ലക്ഷ്യം നടപ്പിലാക്കുന്നതിന്, ജയില്‍ ജീവനക്കാര്‍ക്കും അന്തേവാസികള്‍ക്കും പ്രത്യേക പരിശീലന പരിപാടികള്‍ സംഘടിപ്പിക്കുന്നുണ്ട്. 

കണ്ണൂര്‍ സെന്‍ട്രല്‍ ജയില്‍ സൂപ്രണ്ട് കെ വേണുവിന്റെ അധ്യക്ഷതയില്‍ നടന്ന ചടങ്ങില്‍ ജോയിന്റ് സൂപ്രണ്ട് ടി.ജെ പ്രവീഷ്, വെല്‍ഫെയര്‍ ഓഫീസര്‍ രാജേഷ്, സെന്‍ട്രല്‍ പ്രിസണ്‍ ഹരിത സ്പര്‍ശം കോ ഓര്‍ഡിനേറ്റര്‍ എ.കെ. ഷിനോജ്, ഹരിത കേരള മിഷന്‍ ജില്ലാ കോ ഓര്‍ഡിനേറ്റര്‍ ഇ.കെ സോമശേഖരന്‍, ശുചിത്വ മിഷന്‍ ജില്ലാ കോ ഓര്‍ഡിനേറ്റര്‍ കെ.എം. സുനില്‍കുമാര്‍, കതിരൂര്‍ സര്‍വീസ് സഹകരണ ബാങ്ക് പ്രസിഡന്റ് ശ്രീജിത്ത് ചോയന്‍, കെ.ജെ.ഇ.ഒ.എ സംസ്ഥാന സെക്രട്ടറി പി.ടി. സന്തോഷ്, മേഖലാ സെക്രട്ടറി കെ.കെ. ബൈജു തുടങ്ങിയവര്‍ പങ്കെടുത്തു. പരിസ്ഥിതി സൗഹൃദ പദ്ധതിയെ പ്രോത്സാഹിപ്പിക്കാൻ ഈ വാര്‍ത്ത ഷെയർ ചെയ്യുക.

Kannur Central Jail is taking significant steps to become Kerala's first net-zero carbon prison. The jail has initiated a carbon footprint assessment and is implementing various green initiatives to achieve its sustainability goals.

#netzerocarbon #sustainability #greeninitiative #prisonreform #kannur #kerala #environment #climatechange