Accident | ചാവശേരിയില്‍ സ്‌കൂടറും കാറും കൂട്ടിയിടിച്ച് അപകടം; യുവാവിന് ദാരുണാന്ത്യം
May 17, 2023, 10:00 IST
ഇരിട്ടി: (www.kvartha.com) ചാവശേരി ഹയര്‍ സെകന്‍ഡറി സ്‌കൂളിന് സമീപം സ്‌കൂടറും കാറും കൂട്ടിയിടിച്ചുണ്ടായ അപകടത്തില്‍ സ്‌കൂടര്‍ യാത്രക്കാരന് ദാരുണാന്ത്യം. വടകര ചോറോട് സ്വദേശി ഫൈസല്‍ (47) ആണ് മരിച്ചത്. ചൊവ്വാഴ്ച വൈകീട്ട് 5.30 മണിയോടെയാണ് അപകടം.
ഉളിയിലെ ഭാര്യവീട്ടില്‍ നിന്നും മട്ടന്നൂര്‍ ഭാഗത്തേക്ക് പോകവേയാണ് ഫൈസല്‍ സഞ്ചരിച്ച സ്‌കൂടര്‍ അപകടത്തില്‍പെട്ടത്. എതിരെ വന്ന സൈക്‌ളില്‍ ഇടിച്ച ശേഷം നിയന്ത്രണംവിട്ട സ്‌കൂടര്‍ റോഡരികിലെ കാറില്‍ ഇടിക്കുകയായിരുന്നു. സ്‌കൂടര്‍ ഓടിച്ചിരുന്ന ശാനിദ് (38), സൈക്ള്‍ യാത്രക്കാരനായ വിദ്യാര്‍ഥി ഇന്ദ്രജിത്ത് (14) എന്നിവര്‍ക്കും പരുക്കേറ്റു.
വടകര ചോറോട് ഹുസൈന്‍ ചാപ്പയില്‍-അസ്മ ദമ്പതികളുടെ മകനാണ് ഫൈസല്‍. ഉളിയില്‍ പാച്ചിലാളത്തെ റാബിയ മന്‍സിലില്‍ സഫീറയാണ് ഭാര്യ. മക്കള്‍: ശബ്‌ന, അല്‍ ഫത്വാഹ്. മൃതദേഹം കണ്ണൂര്‍ ജില്ലാ ആശുപത്രി മോര്‍ചറിയിലേക്ക് മാറ്റി.
Keywords: Kannur, News, Kerala, Accident, Road accident, Death, Injured, Car, Scooter, Kannur: Man died in road accident.
ഇവിടെ വായനക്കാർക്ക് അഭിപ്രായങ്ങൾ
രേഖപ്പെടുത്താം. സ്വതന്ത്രമായ
ചിന്തയും അഭിപ്രായ പ്രകടനവും
പ്രോത്സാഹിപ്പിക്കുന്നു. എന്നാൽ
ഇവ കെവാർത്തയുടെ അഭിപ്രായങ്ങളായി
കണക്കാക്കരുത്. അധിക്ഷേപങ്ങളും
വിദ്വേഷ - അശ്ലീല പരാമർശങ്ങളും
പാടുള്ളതല്ല. ലംഘിക്കുന്നവർക്ക്
ശക്തമായ നിയമനടപടി നേരിടേണ്ടി
വന്നേക്കാം.
