​​​​​​തിരുവനന്തപുരം: (KVARTHA) സംസ്ഥാന സർക്കാരിൻ്റെ നാലാം വാർഷികാഘോഷങ്ങൾക്ക് കാസർകോട്ട് തുടക്കം കുറിക്കുന്നു. മുഖ്യമന്ത്രി പിണറായി വിജയൻ ഏപ്രിൽ 21ന് രാവിലെ 10 മണിക്ക് കാലിക്കടവ് മൈതാനത്ത് നടക്കുന്ന ചടങ്ങിൽ സംസ്ഥാനതല ഉദ്ഘാടനം നിർവഹിക്കും. റവന്യൂ മന്ത്രി കെ. രാജൻ അധ്യക്ഷത വഹിക്കുന്ന ചടങ്ങിൽ ചീഫ് സെക്രട്ടറി ശാരദ മുരളീധരൻ സ്വാഗതം പറയും. മന്ത്രിമാരായ റോഷി അഗസ്റ്റിൻ, കെ. കൃഷ്ണൻകുട്ടി, എ.കെ. ശശീന്ദ്രൻ, രാമചന്ദ്രൻ കടന്നപ്പള്ളി, കെ.ബി. ഗണേഷ് കുമാർ, പ്രതിപക്ഷ നേതാവ് വി.ഡി. സതീശൻ, എം.എൽ.എ.മാരായ എം. രാജഗോപാലൻ, രാജ്‌മോഹൻ ഉണ്ണിത്താൻ എം.പി. എന്നിവർ ആശംസകൾ അർപ്പിക്കും.

മന്ത്രിമാരായ കെ.എൻ. ബാലഗോപാൽ, പി. രാജീവ്, പി.എ. മുഹമ്മദ് റിയാസ്, വി.എൻ. വാസവൻ, സജി ചെറിയാൻ, ജെ. ചിഞ്ചു റാണി, ജി.ആർ. അനിൽ, എം.ബി. രാജേഷ്, വി. ശിവൻകുട്ടി, ഒ.ആർ. കേളു, വീണാ ജോർജ്, ആർ. ബിന്ദു, വി. അബ്ദുറഹ്മാൻ, എം.എൽ.എ.മാരായ ഇ. ചന്ദ്രശേഖരൻ, സി.എച്ച്. കുഞ്ഞമ്പു, എൻ.എ. നെല്ലിക്കുന്ന്, എ.കെ.എം. അഷ്‌റഫ്, ജില്ലാ പഞ്ചായത്ത് പ്രസിഡന്റ് പി. ബേബി ബാലകൃഷ്ണൻ, ജില്ലാ കളക്ടർ കെ. ഇമ്പശേഖർ, ജില്ലാ പഞ്ചായത്ത് ക്ഷേമകാര്യ സ്റ്റാൻഡിംഗ് കമ്മിറ്റി ചെയർമാൻ എം. മനു, നീലേശ്വരം ബ്ലോക്ക് പഞ്ചായത്ത് പ്രസിഡന്റ് മാധവൻ മണിയറ, പിലിക്കോട് ഡിവിഷൻ അംഗം എം.ബി. സുജാത, പിലിക്കോട് ഗ്രാമപഞ്ചായത്ത് പ്രസിഡന്റ് പി.പി. പ്രസന്നകുമാരി, വാർഡ് മെമ്പർ പി. രേഷ്മ തുടങ്ങിയവർ ചടങ്ങിൽ സന്നിഹിതരാകും. ഇൻഫർമേഷൻ പബ്ലിക് റിലേഷൻസ് വകുപ്പ് സെക്രട്ടറി എസ്. ഹരികിഷോർ നന്ദി പ്രകാശിപ്പിക്കും.

ഏപ്രിൽ 21 മുതൽ മെയ് 30 വരെ വിപുലമായ പരിപാടികളോടെയാണ് വാർഷികാഘോഷം സംഘടിപ്പിക്കുന്നത്. എല്ലാ ജില്ലകളിലും മുഖ്യമന്ത്രി പങ്കെടുക്കുന്ന ജില്ലാതല, മേഖലാതല യോഗങ്ങൾ ഉണ്ടാകും. വാർഷികാഘോഷത്തിൻ്റെ ഭാഗമായി 'എൻ്റെ കേരളം' എന്ന പേരിൽ പ്രദർശന വിപണന മേളകളും സംഘടിപ്പിക്കും. തിരുവനന്തപുരത്താണ് വാർഷികാഘോഷ പരിപാടിയുടെ സമാപനം. പരിപാടികളുടെ ഏകോപനത്തിനായി ജില്ലാതല കമ്മിറ്റികൾ രൂപീകരിച്ചിട്ടുണ്ട്. ജില്ലാതല കമ്മിറ്റികളുടെ ചെയർമാൻ ജില്ലയുടെ ഏകോപന ചുമതലയുള്ള മന്ത്രിയും, കോ-ചെയർമാൻ ജില്ലയിലെ മന്ത്രിയും, ജനറൽ കൺവീനർ ജില്ലാ കളക്ടറും, കൺവീനർ ജില്ലാ ഇൻഫർമേഷൻ ഓഫീസറുമാണ്. ജില്ലയിലെ എം.പി.മാർ, എം.എൽ.എ.മാർ, ജില്ലാ പഞ്ചായത്ത് പ്രസിഡന്റ്, പരിപാടി നടക്കുന്ന സ്ഥലത്തെ തദ്ദേശ സ്വയംഭരണ സ്ഥാപന അധ്യക്ഷൻ/അധ്യക്ഷ, വാർഡ് മെമ്പർ, വിവിധ വകുപ്പുകളിലെ ജില്ലാ ഓഫീസർമാർ എന്നിവരും കമ്മിറ്റി അംഗങ്ങളാണ്.

മുഖ്യമന്ത്രി പങ്കെടുക്കുന്ന ജില്ലാതല യോഗങ്ങൾ ഏപ്രിൽ 21ന് കാസർകോട്, 22ന് വയനാട്, 24ന് പത്തനംതിട്ട, 28ന് ഇടുക്കി, 29ന് കോട്ടയം, മെയ് 5ന് പാലക്കാട്, 6ന് ആലപ്പുഴ, 7ന് എറണാകുളം, 9ന് കണ്ണൂർ, 12ന് മലപ്പുറം, 13ന് കോഴിക്കോട്, 14ന് തൃശ്ശൂർ, 22ന് കൊല്ലം, 23ന് തിരുവനന്തപുരം എന്നിവിടങ്ങളിൽ നടക്കും.

ഓരോ ജില്ലാതല യോഗത്തിലും ക്ഷണിക്കപ്പെട്ട 500 പേർ പങ്കെടുക്കും. സർക്കാർ സേവനങ്ങളുടെ ഗുണഭോക്താക്കൾ, ട്രേഡ് യൂണിയൻ/തൊഴിലാളി പ്രതിനിധികൾ, യുവജനങ്ങൾ, വിദ്യാർത്ഥികൾ, സാംസ്‌കാരിക, കായിക രംഗത്തെ പ്രമുഖർ, പ്രൊഫഷണലുകൾ, വ്യവസായികൾ, പ്രവാസികൾ, സമൂഹത്തിൽ സ്വാധീനമുള്ള വ്യക്തികൾ, സാമുദായിക നേതാക്കൾ തുടങ്ങിയവർ യോഗത്തിൽ സംബന്ധിക്കും. രാവിലെ 10.30ന് തുടങ്ങി 12.30ന് അവസാനിക്കുന്ന രീതിയിലാണ് യോഗങ്ങൾ ക്രമീകരിച്ചിരിക്കുന്നത്.

വാർഷികാഘോഷത്തിൻ്റെ ഭാഗമായി മുഖ്യമന്ത്രിയുടെ സാന്നിധ്യത്തിൽ മേഖലാ അവലോകന യോഗങ്ങളും നടക്കും. പാലക്കാട്, മലപ്പുറം, തൃശൂർ ജില്ലകളുടെ യോഗം മെയ് 8ന് പാലക്കാട്ടും, തിരുവനന്തപുരം, കൊല്ലം, പത്തനംതിട്ട ജില്ലകളുടേത് മെയ് 15ന് തിരുവനന്തപുരത്തും, കാസർഗോഡ്, കണ്ണൂർ, വയനാട്, കോഴിക്കോട് ജില്ലകളുടേത് മെയ് 26ന് കണ്ണൂരിലും, എറണാകുളം, ഇടുക്കി, ആലപ്പുഴ, കോട്ടയം ജില്ലകളുടേത് മെയ് 29ന് കോട്ടയത്തും നടക്കും. ഈ യോഗങ്ങളും രാവിലെ 10.30 മുതൽ 12.30 വരെയാണ് ക്രമീകരിച്ചിരിക്കുന്നത്.

'എൻ്റെ കേരളം' പ്രദർശന വിപണന മേള ഏപ്രിൽ 21 മുതൽ 27 വരെ കാസർകോട് പിലിക്കോട് കാലിക്കടവ് മൈതാനത്തും, 22 മുതൽ 28 വരെ വയനാട് കൽപറ്റ എസ്.കെ.എം.ജെ. സ്കൂളിലും, 25 മുതൽ മെയ് 1 വരെ കോട്ടയം നാഗമ്പടം മൈതാനത്തും, 29 മുതൽ മെയ് 5 വരെ ഇടുക്കി ചെറുതോണി വാഴത്തോപ്പ് വി.എച്ച്.എസ്. മൈതാനത്തും, മെയ് 3 മുതൽ 12 വരെ കോഴിക്കോട് ബീച്ചിലും, 4 മുതൽ 10 വരെ പാലക്കാട് ഇന്ദിരാഗാന്ധി സ്റ്റേഡിയത്തിന് എതിർവശത്തുള്ള മൈതാനത്തും, 6 മുതൽ 12 വരെ ആലപ്പുഴ ബീച്ചിലും, 7 മുതൽ 13 വരെ മലപ്പുറം കോട്ടക്കുന്നിലും, 8 മുതൽ 14 വരെ കണ്ണൂർ പോലീസ് മൈതാനത്തും, 11 മുതൽ 17 വരെ കൊല്ലം ആശ്രാമം മൈതാനത്തും, 16 മുതൽ 22 വരെ പത്തനംതിട്ട ശബരിമല ഇടത്താവളം മൈതാനത്തും, 17 മുതൽ 23 വരെ എറണാകുളം മറൈൻ ഡ്രൈവിലും തിരുവനന്തപുരം കനകക്കുന്നിലും, 18 മുതൽ 24 വരെ തൃശ്ശൂർ സ്വരാജ് ഗ്രൗണ്ടിലെ വിദ്യാർത്ഥി കോർണറിലും നടക്കും. വാർഷികാഘോഷങ്ങളുടെ സംസ്ഥാനതല സമാപനം മെയ് 23ന് തിരുവനന്തപുരം പുത്തരിക്കണ്ടം മൈതാനത്തായിരിക്കും.

പ്രദർശന-വിപണന മേളയുടെ ഏകോപനം ഇൻഫർമേഷൻ പബ്ലിക് റിലേഷൻസ് വകുപ്പാണ് നിർവഹിക്കുന്നത്. കിഫ്ബി അടിസ്ഥാന സൗകര്യങ്ങൾ ഒരുക്കും. വിവിധ വകുപ്പുകളുടെ സ്റ്റാളുകൾക്ക് പുറമെ വിപണന സ്റ്റാളുകളും ഉണ്ടാകും. വകുപ്പുകളുടെ സ്റ്റാളുകളിൽ കഴിഞ്ഞ 9 വർഷത്തെ സർക്കാരിൻ്റെ വികസന-ക്ഷേമ പ്രവർത്തനങ്ങളും നേട്ടങ്ങളും പ്രദർശിപ്പിക്കും. 2500 ചതുരശ്ര അടിയിൽ ഐ&പി.ആർ.ഡി.യുടെ തീം പവലിയൻ ഒരുക്കും. കുടുംബശ്രീ ഉൾപ്പെടെയുള്ളവരുടെ ഫുഡ് കോർട്ടുകൾ, കലാപരിപാടികൾ, പുസ്തകമേള, കാർഷിക പ്രദർശനം, ഹരിത കേരള മിഷൻ്റെ പ്രവർത്തനങ്ങൾ സംബന്ധിച്ച ഇൻസ്റ്റലേഷൻ എന്നിവ മേളയുടെ ഭാഗമായി ഉണ്ടാകും. സ്റ്റാർട്ടപ്പ് മിഷൻ, ടൂറിസം, കിഫ്ബി, സ്പോർട്സ് എന്നിവയ്ക്ക് പവലിയനിൽ പ്രത്യേക ഇടമുണ്ടാകും. കെ.എസ്.എഫ്.ഡി.സി.യുടെ മിനി തിയേറ്ററും ഉണ്ടാകും. പോലീസിൻ്റെ ഡോഗ് ഷോ, കാരവൻ ടൂറിസം, മൃഗസംരക്ഷണ വകുപ്പിൻ്റെ പ്രദർശനം എന്നിവ പവലിയന് പുറത്ത് നടക്കും. സാംസ്‌കാരിക വകുപ്പിൻ്റെ നേതൃത്വത്തിൽ വിവിധ കലാകാരന്മാരുടെ ലൈവ് ഡെമോൺസ്‌ട്രേഷനുകളും ഒരുക്കുന്നുണ്ട്. ജനങ്ങൾക്ക് ആവശ്യമായ സേവനങ്ങളും വിവരങ്ങളും ലഭ്യമാക്കാൻ കഴിയുന്ന രീതിയിലാണ് മേള സംഘടിപ്പിക്കുന്നത്.

വിവിധ വിഷയങ്ങളെ അടിസ്ഥാനമാക്കി വ്യത്യസ്ത വകുപ്പുകൾ സംഘടിപ്പിക്കുന്ന സംസ്ഥാനതല യോഗങ്ങളും പരിപാടിയുടെ ഭാഗമായി നടക്കും. യുവജനക്ഷേമ വകുപ്പ് മെയ് 3ന് യുവജനക്ഷേമത്തെക്കുറിച്ച് കോഴിക്കോടും, ഉന്നത വിദ്യാഭ്യാസ വകുപ്പ് മെയ് 11ന് പ്രൊഫഷണൽ വിദ്യാർത്ഥികളുമായുള്ള ചർച്ച കോട്ടയത്തും, ശാസ്ത്ര സാങ്കേതിക വകുപ്പ് മെയ് 17ന് പ്രൊഫഷണലുകളുമായുള്ള ചർച്ച തിരുവനന്തപുരത്തും, പട്ടികജാതി-പട്ടികവർഗ ക്ഷേമ വകുപ്പ് മെയ് 18ന് പട്ടികജാതി-പട്ടികവർഗ ക്ഷേമത്തെക്കുറിച്ച് പാലക്കാട്ടും, സാംസ്‌കാരിക വകുപ്പ് മെയ് 19ന് സാംസ്‌കാരിക മേഖലയെക്കുറിച്ച് തൃശ്ശൂരും, വനിതാ വികസന വകുപ്പ് മെയ് 27ന് വനിതാ വികസനത്തെക്കുറിച്ച് എറണാകുളത്തും യോഗങ്ങൾ സംഘടിപ്പിക്കും.

സർക്കാരിൻ്റെ നാലാം വാർഷികാഘോഷത്തെക്കുറിച്ചുള്ള നിങ്ങളുടെ അഭിപ്രായങ്ങളും നിർദ്ദേശങ്ങളും പങ്കുവെക്കുക. കൂടുതൽ വിവരങ്ങൾക്കായി ഈ പോസ്റ്റ് ഷെയർ ചെയ്യുക.

The Kerala government's fourth anniversary celebrations will commence in Kasaragod on April 21st, with Chief Minister Pinarayi Vijayan as the chief guest. The event will also feature the 'Ente Keralam' exhibition and trade fair, extending until May 30th across various districts, concluding in Thiruvananthapuram.

#KeralaGovernment, #FourthAnniversary, #PinarayiVijayan, #EnteKeralam, #Kasaragod, #KeralaEvents