എല്‍.ഡി.എഫിന്റെ സമരങ്ങള്‍ രാഷ്ട്രീയനേട്ടം ലാക്കാക്കി: ആര്യാടന്‍

എന്‍ഡോസള്‍ഫാന്‍ ദുരിത ബാധിതര്‍ക്ക് സര്‍ക്കാര്‍ എല്ലാവിധ സഹായങ്ങളും നല്‍കുമെന്ന് അദ്ദേഹം പറഞ്ഞു. കഴിഞ്ഞ എല്‍.ഡി.എഫ് സര്‍ക്കാര്‍ ദുരന്തത്തില്‍ മരിച്ചവരുടെ കുടുംബങ്ങള്‍ക്ക് 50,000 രൂപ നല്‍കിയപ്പോള്‍ ഈ സര്‍ക്കാര്‍ 1.5 ലക്ഷം രൂപയാണ് നല്‍കിയത്. ദുരിത ബാധിതരെ പുനരധിവസിപ്പിക്കുന്നതിനുള്ള എല്ലാ പദ്ധതികളും സര്‍ക്കാര്‍ ആസൂത്രണം ചെയ്ത് നടപ്പാക്കുമെന്ന് മന്ത്രി പറഞ്ഞു.

കാസര്‍കോട്ട് നടന്നുവരുന്ന നിരാഹാര സമരം ഒത്തുതീര്‍പ്പാക്കുന്നത് സംബന്ധിച്ച് തിങ്കളാഴ്ച തിരുവനന്തതപുരത്ത് ചര്‍ച്ച നടത്തുന്നുണ്ട്. അതില്‍ പ്രശ്‌നം പരിഹരിക്കുമെന്നാണ് കരുതുന്നത്. എന്നാല്‍ ചര്‍ച്ചയില്‍ ആരൊക്കെ പങ്കെടുക്കുമെന്ന് തനിക്കറിയില്ലെന്ന് മന്ത്രി പറഞ്ഞു. ഡി.വൈ.എഫ്.ഐ പ്രവര്‍ത്തകര്‍ തനിക്ക് മുന്നില്‍ കരിങ്കൊടി കാട്ടി പ്രതിഷേധിക്കുമെന്ന കാര്യം നേരത്തെ അറിഞ്ഞിരുന്നില്ലെന്നും അദ്ദേഹം മാധ്യമപ്രവര്‍ത്തകരുടെ ചോദ്യത്തിന് മറുപടിയായി പറഞ്ഞു.